Petraficha - 2.186 m

Capra Alpina(e)k idatzia.
513
bisita

Zuriza (Anso)eta Oza(Hecho) bailarak mugatzen dituen mendietako bat dugu. Bere igoerak ez du inongo zailtasunik eta maila fisiko txikiena izanik ere edozeinek erraz garaitu dezake. Mendebaldeko isurialdea, belartsu eta etzana, eta ekialdekoa, harritsu bezain malkartsua, oso bestelakoak dira. 1.000 m-ko erorketa zorabiagarri batek Selva de Ozaraino eramango gaituzke.

Tacheras bide bukaeran aurkitzen den aparkalekuan gure ibilaldiari hasiera ematen diogu (1.270 m), non kartel batek jarraitu beharreko norabidea erakusten digun. Xenda nabarmena, jende eta abereen etengabeko joan etorrien higadurak sortua, Tacheras aterpetxearen bila gorantz hasten da. Minutu batzuek eta lehen aterpetxe bat edo zenaren aztarnak eskuinean uzten ditugu eta gorago geratzen den Tacheras izenez ezaguna denaren bila jarraitzen dugu, bainan hau ere puskaka erortzen ari da (1.400 m). 

Txuri gorriz markatua aurkitzen den xenda, pinudian barneratu aurretik gorantz jarraitzen badu ere, guk eskuinetik Petraficha sakanetik zaratatsu jaisten den erreka bitarte berantzko bidea jarraitzen dugu. Errekaren eskuinetik paralelo ibiliz goaz ur jauzi batera iritsi bitarte, nondik apenas ur ari txiki bat erortzen den. 

Gorantz jarraitzen dugu ezkerretik jaisten den GR-11-ko arrasto zuri gorriekin berriz ere topo egin arte. Behin eskuinean erreka utzi eta ikusgarri ageri den Alano mendilerro eta Ezkaurre mendia atzean eramanez, xenda sigi-saga ugariz gune belartsu zein harritsuan igotzen doa.

Metalezko aterpetxe bat aurkitzen den gune lau batera iristen gara (1.760 m). Arrasto zuri gorriek ekialde norabidean  Petraficha lepoa bila jarraitzen dute, ipar-mendebaldera gailurrera zuzenean eramango gintuen zehaztugabeko xenda utziz. Neguan etengabe erori den elurra, naiz udara atarian egon, oraindik bertan ageri da. Petraficha eta Chipeta artean aurkitzen den Petraficha lepora iritsi gara (1.958 m), transhumantzia bidean Selva de Oza-ra nahitaezko zeharkaldia izanik. 

Kontrahormak saihestu asmoz ezkerrera biratu (NW) eta diagonalean, gandorreko hertzera igotzen gara. Behin hau irabaztean estrategikoki jarriak dauden mugarriak jarraituz, inongo zailtasunik gabe, tontorreko bide zuzena mantentzen dugu. Tontorretik aldentzen gaituen 150 m-ko desnibelak oso estu hartzen gaitu eta atseden gunerik ez dagoenez, lasaitasunez igotzen saiatzen gara. 

Petraficha tontorra (2.186 m). Talaia zirraragarria bertatik disdira osoan Pirineo Mendebaldarra ikusi bai daiteke. Gure ezkerrera Quimboa-k, Anzotiello, Gorreta-k, Gamueta, Acherito, Petrechema, Hiru Erregeen Mahaia,... Parez pare tontor mitiko batzuek Midi   d´Ossau, Palas, Balaitous, Infiernos, Garmo Negro,... Eskuinera berriz Chipeta, Estribiella, Rincon de Alano, Castillo de Acher, Bisaurin,... 

Gure bizkarrean Alano Mendilerro zorrotza, Peña Forca, Espelunga eta Ezkaurre.

 

Datu teknikoak

  • Ibilbidea: Petraficha Petraficha Tacheras-tik
  • Luzera:5.200 m.
  • Desnibela:894 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:15h
  • Nola iritsi:Zuriza-ko kanpin-dik 2,3 km-ra dagoen Tacheras aparkalekutik
  • Igotzeko denbora:3:45h
  • Jeisteko denbora:1:30h
  • Ezaugarriak:GR-11 ibilbidea Petraficha lepora bitarte oso ongi markatua aurkitzen da.
  • Materiala:Makilak
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.