Midi de Bigorre - Ipar-ekialdeko korridorea edo Poubelles 2.876 m

Capra Alpina(e)k idatzia.
1661
bisita

Pic du Midi de Bigorre frantziako Pirineo Garaien departamentuan aurkitzen da. Ezaguna da, besteak beste, behatoki astronomiko eta 100 metroko telebista antena duelako, horrek pirineoko mendi eztabaidatsuenetako bat bihurtu du, ala nola adierazgarrienetakoa ere. Pirineo mendikatearen talaia ikusgarrienetako bat dugu. Egun garbietan Nafarroako mendietatik Andorrakoetaraino ikus daiteke. Bere tontorrera igotzeko asmoa dugu, baina horretarako teleferikoaren erosotasuna erabili ordez, ipar-ekialdeko korridorea edo Poubelles deritzonetik igotzea pentsa dugu (AD).

 

Goizaldean atera eta autoz ordu batzuek egin ondoren, Ste. Marie de Campan herrira iritsi gara. Tourmaleta doan  D-918 errepidea jarraituz, Artigues herria igaro (1.270. m) eta eskuinera borda bat aurkitzen dugu, Arizes ibarraren sarrera bertan aurkitzen dugularik. 

Pagadi txiki batetik zehar gure ibilbidea hasi dugu. Uhar erdi izoztu bat zeharkatzen dugu eta gutxika bada ere, Arizes txaboletara iritsi gara. Zerua oso urdin ageri zaigu eta tenperatura oso epela da. Elurra izoztua ez egotea kezkagarria da, batez ere Poubelles korridorean sartzera goazenean.

Pont des Vaques (1.552 m) ingurura iristea lortu dugu, ezkerretara col de Sencours (2.378 m) bidea utziz, col de Aouet (2.184 m) norabidean jarraitzen dugu.

Bertara iritsi beharrik ez dugu, erdi bidean Poubelles korridoreko sarrera aurkitzen bai dugu. Pentsatu bezala, elurra oso biguna dago eta orrek kezka sortzen digu. Korridoreak gailurra bitarte dituen 1.000 m desnibelak eta elur honekin, igoera oso neketsua egin dezake. Dena den, aurrera jarraitzea erabaki dugu.

Hasiera oso etsigarri gertatzen zaigu, belaunak bitarte elurretan sartzen gara eta izugarri kosta zaigu aurrera egitea. Unai eta Alain soka buruan aldatzen doaz, esfortzua nekagarria gertatzen da. Intentsitate handiko 4 ordu eta bi irtengune misto gainditu ondoren, oso ere delikatuak, korridore honen eskalada gailendu dugu. Ain zuzen, Pirineoko luzeenetako bat, bere malden batez bestekoa 40/45º da, 60º inguruko tarteak ere badituen arren.

Desde la cima las vistas son espectaculares y no nos cansamos de mirar. Reconocemos muchas cimas a las que hemos tenido la suerte de ascender, Midi d´Ossau, Vignemale, Taillon, Torre, Marboré, Cilindro, Perdido, Pic Long, Campbieil, Estaragne, Poset eta beste asko.  

Hemen igoeraren bideo motz baina, aldiz berean, intentsoa uzten dizuegu:

Datu teknikoak

  • Ibilbidea: Midi de Bigorre Ipar-ekialde korridore o Poubelles
  • Luzera:1.000 m.
  • Desnibela:1.606 m.
  • Kokapena:Pirinioak
  • Kategoriak : Kranpoiak, Mixtoa
  • Zailtasuna:AD (60º bi irtengune misto)
  • Iristeko denbora:7:00 h
  • Nola iritsi:Artigues-tik (1.270 m), D-918 errepidea jarraituz Tourmalet norabidean.
  • Ezaugarriak:Pirineotako korridore luzeenetako bat, 40/45º batezbesteko aldapa duena, 60º-ko tarteak ere badituen arren, ala nola bi irtengune mixto ere, benetan delikatuak.
  • Materiala:Kranpoi, soka, arnesa, kaskoa eta pioletak.
  • Egoera:Elur biguna zein izoztua, ala nola harri auskorreko tarteak ere aurkitu ditugu.
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.