Pic Lurien - 2.826 m

Capra Alpina(e)k idatzia.

2083
bisita

Ossau eta Azun aran artean aurkitzen den mendi honek Kontrahorma itzelak ditu. Artouste lakua (E), Palas-Balaitous mendigunea (SE), Midi d´Ossau eta Fabrègues Lakua (W) eta Artouste tren geltoki txikiez (SW) inguratua aurkitzen da. Duen desnibel itzelak, Fabrègues lakutik 1.600 m, zein inguruan dituen mendi mitikoek, Palas, Balaitous, Midi d´Ossau,… ahaztua eta oso gutxi igotzen den mendi bat egin dute.

Behin Portalet portua zeharkatu, Fabrègues lakuraino jaitsi eta Camps zubia zeharkatuz (1.200 m), Lurien uharraren zubia baino 100 m lehenago autoa aparkatzen dugu. Argi poste handi batera iritsi baino 30 m lehen, eskuinera (N-NE) Col du Lurien-era doan bidea erakusten digun egurrezko poste zahar bat aurkitzen dugu.

Xenda estu batetik garo handi artean gorantz hasten gara, azkar batetan basora sartu (E) eta desnibel handiko maldetatik igoz. Pinatas uhar ingurura iristean, eskuinera biratu eta izei handi artetik igoera jarraitu sakonune belartsu batera atera bitarte (0:50h).

Eskuinera Midi d´Ossau ikusgarria ageri zaigu.

Aran zabalaren barnetik malda leun batzuetatik igoz jarraitzen dugu, Lurien txabola ingurura iritsi bitarte (1.697 m). Txabola arroka handi baten ondoan eta uharraren beste aldean aurkitzen da.

Xenda oso nabari ageri zaigu eta uharraren paralelo igotzen da (SE). Malda txiki segida garaitzen dugu, oso pikoak ez direnak, Cobertizo ingurura bitarte (2-115 m).

Ehiztari eta mendigoizaleek erabiltzen duten barrakoi bat dugu, non aparrezko koltxoi batzuek aurkitzen ditugun estuasun egoera batetik ateratzen lagundu ahal izateko. Bere inguruan Lurien presa txikia aurkitzen da.

Uharrari paralelo igotzen jarraitzen dugu urmael txiki batera iritsi arte (2.135 m). Xendak sigi-saga ugariz bloke handien artetik igotzen jarraitzen du eta haitzarte txiki batetan barneratzen gaitu.

Honek, ikusgarri ageri den Lurien laku borobilera eramaten gaitu (2.211 m), ur urdin turkesaz koloreztatua eta bertatik, lehen aldiz Lurien tontorra ikusteko aukera dugu.

Lakua ezker aldetik zeharkatzen dugu (ezker ertza) eta irtengune bat eskuinetik saihestuz, harriztatutako malda batetik igoz Lurien Lepora iristen gara (2.342 m). Puntu honetan gure ibilbideak Artouste isurialdetik igotzen den bidearekin bat egiten du.

Gure eskuinera zuzentzen gara (SO) harkoskorreko maldan oso nabari ikusten den bidean gora eginez eta sigi-saga batzuek eta gero, estugune batera iristen gara, lehen tximinia.

Igoera erraz batek (I+) kontrahorma bat gainditzen laguntzen digu (E) eta mendebaldeko malda itzel gainean uzten gaitu, non uda garaian harkoskor malda bat bada ere, neguan igotzeko kranpoi eta pioleten beharra dugu.

Tximinia berri bat bidera atera zaigu eta igoera erraz bat eta gero (II), malda txiki batzuetara ailegatzen gara eta behin gaindituz (II), ikusgarria den ertz gainera eramaten gaitu.

Oso nabaria den xenda batek inongo zailtasunik gabe ertzaren azken metroak gainditzen ditu, Artouste isurialdera ditugun bista harrigarriez gozatzeko aukera ematen digun bitartean.

Pic Lurien gailurra (2.826 m), 3:40h. 360º-ko talaia pribilegiatua. Bertatik Artouste eta Arrémoulit lakuetara ikuskizun itzela dugu, ala nola Palas, Balaitous, Frondiellas,…

Gran Facha, LLena Cantal, Piedrafita, Tebarrai, Infiernos, Garmo Negro, Algas, Arriel,... mendietara.

Eta nola ez, beti ikusgarria ageri den Midi d´Ossau.

Datu teknikoak

Ibilbidea: Lurien Fabègues urtegitik
Luzera:10.850 m
Desnibela:1.626 m
Kokapena:Pirinioak
Kategoria : Oinezko igoera
Zailtasuna:F+
Hasiera puntuan amaitzen da:Bai
Iristeko denbora:3:40 h
Nola iritsi:Fabègues urtegitik, Portaletik 14 km-ra
Igotzeko denbora:6:10 h
Jeisteko denbora:2:30 h
Ezaugarriak:Ibilbide luze eta desnibel handikoa, azken malda deskonposatua duena
Materiala:Makilak
Egoera:Neguan azken malda igo ahal izateko kranpoi eta pioleten beharra eskatzen du
Garaia: Uda
IBILBIDEAREN DATU GUZTIAK IKUSI