Anayet - Frantzesen Korridorea (350m/D inf)

Capra Alpina(e)k idatzia.
236
bisita

Anayet mendigunea galdara bolkaniko zahar baten ondakina dela aintzakotzat hartzen da eta Anayet mendia, zein Midi d´Ossau mendia, horren adibide nabarmenak dira. Bi bolkanen hondakinak dira, orain mende asko hein batean eraitsiak eta tximini zati bakar batzuek bakarrik mantentzen dituztenak. Anayet mendia ibiltari eta mendigoizaleen artean Pirineoko mendirik bisitatuena dugu eta hoiko bidetik gain, beste igobide interesgarriak ditu. Guk gaur igo ahal izateko aukeratu dugun ibilbidea Frantzesen Korridorea da, klasiko bat.

Portalet aparkalekutik goizeko zazpitan atera (1.750 m) eta La Rinconada eski pista orbangabe eta bakartitik ibiltzen hasten gara. Gutxika bada ere altura irabazten goaz Canal Roya Mendatera iristea lortuz (2.100 m), non lehen eguzki izpiek hartzen gaituzten. Gure ezkerrera Anayet Mendiaren ezproi ikusgarria ageri zaigu, bainan ez dirudi elur askorik duenik, korridore barnean elur gehiago aurkitzea espero dezagun.

Ekialderantz Espeluniecha Oriental (2.247 m) medira norabidean  bira egin eta ego aldera doan xenda nabaritik zehar jaisten hasten gara. Eskuinera daramagun Canal Roya zirkuaren gainetik berantz doan zeharkaldi luze bat egiten dugu, Anayet izotz kaskada famatuen oinpera iristeko, benetako izotz hormak, Opera Prima (180 metro, II, 3-), Canal Roya Wall (II, 4), Diables de Panti (II, 4), Enajenación Mental (II, 5-), Banana (II, 3-), Princesa Escondida (200 metro, II, 4+), zein ala zein ederragoa.Ekialderantz Espeluniecha Oriental (2.247 m) medira norabidean  bira egin eta ego aldera doan xenda nabaritik zehar jaisten hasten gara. Eskuinera daramagun Canal Roya zirkuaren gainetik 

Xenda gorantzko norabidea artu eta desnibela handitzen doa 50º-ra iritsiz, korridore sarrera bilatze asmotan. Gutxika bada ere malda gainditzen goaz, eskuinera bira egin eta korridore ingurura gerturatzen goazen bitartean. Eguzkiak berriz, inongo errukirik gabe, bere berotasuna senti arazten digu. Sokaz lotzeko beharrik ez dugu ikusten, naiz eta lehen zatian rimayakin aurkitzen garen, bainan erraztasunez gainditzen dugu.

Altuera irabaziz aurrera jarraitzen dugu, naiz ibilbidean zehar irtengune txiki batzuek gainditu beharrean garen. Korridoreak ezkerrera arinki bira egiten du (55º), ondoren zuzen gorantz ibilbidearen pasarte zailenera iristeko, 7/8 m-ko horma, estugune mixto batez babestua aurkitzen dena. Bi kordada aurreratu zaizkigu bainan abilezia askorik ikusten ez diegunez, itxarotea behartuak gaude. Bi friend jarri eta lehen bilkura egiten dugu.

Aurrean dugun kordadako azken lagunak horma gainditu bezain laster, gure txanda iristen da. Horma oinpera iritsi ahal izateko eskuineko paretera gerturatzen gara, elurrez hasi eta arrokaz bukatzen den estugunetik zehar igotzeko. Pena korridorean zeinen elur gutxi dagoen. Hormak naiz gehienetan izotz eta elur zutabe bat eskuin aldean edukitzen duen, gaur arrastorik ez da ageri eta horrek, eskalada asko zailtzen du.

Lehen hiru metroak ezker zeharkaldi batez gainditzen ditugu, bide zuzena saihestu asmoz, koska txiki batzuez baliatuz (III), segidan eskuinetik jarraitu ahal izateko. Helduleku falta eta oinak jartzeko sostengu ezak, azken metroak gainditzeko zailtasun gehigarri dira. Pitzadura estu batetik jarraitzen dugu non helduleku txiki batzuek dauden (IV) eta bertatik, altuera irabazten saiatzen gara. Horma gainditzea lortzen dugu eta berriz elurretara iritsi. Metro batzuek gorago eskuineko paretean aurkitzen dugun parabolt bat, friend batekin sendotzen duguna, bigarren bilkura egiteko erabiltzen dugu, naiz goraxeago kordino bat ere ikusten dugun.

Korridorea 50º-ko maldetatik atxedenik gabe irteera bila doa, naiz 55º-ko tarteak ere aurkitu, ezkerretik zein eskuinetik irtengune mixtoak saihestuz, elur faltaren ondorio garbia direnak. Naiz lotuta segitzen dugun ensanblen goaz irtenbidearen bila eta ondoren ipar aurpegira, non benetan eskertzen dugun haize fresko batek hartzen digun. 

Mendiaren alde ilunean sartu gara non berriz ere, aurretik doazen kordadekin bat egiten dugun. Luzeak eginez doazela ikustean eta gu ensanblen, aurreratzea erabaki dugu. Azken zati honetan ere elur falta oso nabaria da. Elurrezko lehen malda igo ondoren (55º), ezkerretik gainditzen dugun irtengune harritsu batekin topo egiten dugu (II+). Bigarren elur malda batera iristen gara (50º) eta erreztasunez gainditu ostean, irtengune harritsu berri batera eramaten gaitu (II), Anayet gailurreraino jarraituko duena (2.574 m).

Mendebalde eta Atlantiko Pirineo ikusgarriei begira denbora luze bat pasa ondoren, non gertu dauden hainbat mendi mitiko nabarmentzen diren, ala nola Midi d´Ossau, Balaitous, Palas, Infiernos, Peña Telera, Aspe, Bisaurin, ... Ohiko bidetik jaitsiera hasten dugu. Mendebalde ertzetik jaisten gara, ondoren korridore estu eta tente batetik jarraitu ahal izateko. Ondoren eskuinera bira egin eta kateak dauden pasartera eramaten gaitu.

Behin Anayet eta Vertice de Anayet mendien artean dugun lepora iritsiz, lautadara jaisten gara eta ondoren ezker aldetik Canal Roya biderantz, Balcones de Anayet eta Frantzesen Korridore oinpetik jarraitzeko. Hemendik aurrera goizean goiz egin dugun bidea atzerantz egitea besterik ez dugu. Anayet izotz kaskada famatuen oinpera jaisten gara ondoren Canal Roya portura iritsi ahal izateko (2.100 m) eta jarraian, La Rinconada eski pistatik Portalet aparkalekura iritsi ahal izateko.

Datu teknikoak

  • Ibilbidea: Anayet Frantsesen korridorea
  • Igoera data:2019-03-03
  • Luzera:10.100 m.
  • Desnibela:1.061 m.
  • Kokapena:Pirinioak
  • Kategoriak : Ipar aurpegia, Korridorea, Kranpoiak
  • Zailtasuna:D-
  • Harri eskaladaren zailtasuna:IV+
  • Korridorearen graduazioa:60º
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:3:00 h
  • Nola iritsi:Portalet aparkaleku eta Canal Roya mendatetik
  • Igotzeko denbora:3:00 h korridore eskalada
  • Jeisteko denbora:2:00 h
  • Ezaugarriak:Gerturatze ezberdina bainan oso interesgarria. Korridoreak ekialdera begiratzen du eta eguzkiak bete betean arrapatu, beraz goiz ibiltzea komenigarri da.
  • Materiala:60 m-ko soka, kranpoiak, kaskoa, friend eta fisureroak
  • Egoera:Oso elur gutxi aurkitu dugu korridorean eta pasarte zailenean arrastorik ere ez
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.