Posets - bide arrunta

Capra Alpina(e)k idatzia.
1112
bisita

Pirineo mendikateko bigarren gailurra den onek,  ertzak bezain beste igoera bide ditu. Las Espadas, Veteranos-Gemelos eta Carrivé ebakia, La Paul lepora erortzen den ertzetik ere igo gara, ala nola Jean Arlaud korridoretik. Biadós eta Estos aterpetxetik abiatuta igo gara eta gaur, Angel Orus edo Forcau aterpetxetik saiatuko gara.

 

Eriste herritik kanpo ezkerretara aldapa tentea duen errepide bat igotzen da, 2 km ondoren pista bihurtu eta Aigüeta d´Eriste arroan sartzen dena eta 3 km sakana zeharkatuz, Pleta del Estallo aparkalekura iristen gara (1.500 m). Espigantosa ur-jauzia ezkerretara utziz ibiltzen hasi eta ibaia zeharkatuz (zubia), oso nabarmena den bidea eskuinaldetik igotzen hasten gara.

Begetazio oparoaren artetik altuera irabazten goaz Pleta de les Riberes-era iritsi arte (1.815 m), uharra bertan behera utziz, ala nola ur jauzi ikusgarriak ere.

Aldapa tente batetik sigi-saga ugariz pinu artean gorantz jarraitzen dugu eta behin basotik kanpo (2.000 m), Forcau orratza norabidean jarraitu (NO) eta malda belartsu baten gainean Angel Orús edo Forcau aterpetxea nabarmentzen dugu (2.095 m). 

Atze aldetik bide nabarmen batek harrizko txabola zahar baten ondora eramaten gaitu, bertatik altuera irabazten hasiz (NO) Forau ertz azpitik. Hiru errepideak lotzen dituen GR11-2 marka gorri eta zuriak, Llardaneta ibarrean sartzen laguntzen digute.

Llardaneta lakutik jaisten den uharrarekin elkartu bitarte jarraitzen dugu eta nahitaez, burdinazko zubi batez zeharkatu beharrean gaude, erabat birrindua dagoena (2.450 m).

Ezker bazterretik lakuaren norabidean denbora bat gorantz jarraitzen dugu, Canal Fonda-tik jaisten den uharraren parera iritsi bitarte eta eskuinera biratuz (N), jarraituko duguna.

Behin kanalean sartu eta elurtegi iraunkor batzuek harrera egiten digute, baina eskuinetik zeharkatu ditzakegu.  Kanalaren lehen zatia oso estua da, baina gorantz goazen neurrian , hau askoz ere zabalagoa bihurtzen da. Llardana hortzaren horma bertikalen azpitik ibiliz goaz, arroka hautsiz beteriko malda bertikal bat igo asmoz.

Kanal hautsi honetatik igotzea ez da batere erraza gertatzen eta Llardana Hortz lepora iristea esfortzu handia suposatzen digu. Eskuinetik jarraitzen dugu eta irtengune arrokatsu bat gainditu ondoren, Posets Bizkarrera igotzen gara.

Hasiera batetan erabat deskonposatua dagoen malda batetik goaz, hegoaldeko ertzera eramaten gaituena. Bertatik askoz ere entretenigarriagoa  eta ikusgarriagoa bihurtzen da ibiltzea.

Ibiltzen ari garen eremu honek asko hobetu du. Oso nabaria den bide batek, inongo zailtasunik gabe Posets edo Punta Llardana gailurrera (3.375 m) eramaten gaitu (F). Puntu geodesikoa.

Bertatik dugun ikusmena ikusgarria da: Culfreda, Bachimala, Perdiguero, Aneto, Maladeta, Eristes,……. eta gure oinpean, La Paul ertz zorrotz eta airezkoa (PD-).

 

Datu teknikoak

  • Ibilbidea: Posets Angel Orús o Forcau aterpetxetik
  • Desnibela:1.875 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:4:30 h
  • Nola iritsi:Pleta de Estallo aparkalekutik (1.500 m), Eriste-tik 5 km.
  • Igotzeko denbora:8:30
  • Jeisteko denbora:4:00 h
  • Ezaugarriak:Ibilbide luze, oso ongi markatua eta desnibel handia gainditzen duena
  • Materiala:MakilaK
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.