Ezkaurre - 2.045 m

2770
bisita

Ezkaurre kareharrizko mendi erraldoi bat dugu, Nafarroako Erronkari eta Huescako Zuriza ibarren erdi bidean eta Ezka eta Veral ibaien artean aurkitzen dena. Ohiko ibilbidea edo errazena gerta litekeena, Argibiella edo Nafarroako mendatetik (1.230 m) ateratzen dena da. Bi ertz ikusgarri ere ba ditu, ipar-ekialdekoa (500 m-AD) eta artzainena (MD), beste zenbait ibilbiderekin batera eta edozein eskalatzaileen gozamena sortu dezaketenak.

 

Argibiella mendatetik abiatu gara, Ansó norabidean doan errepidean behera eginez, lehen bihurgunean eskuinera doan pista zabal bat artzen dugularik. Bertatik Zuriza ibarra bere edertasun guzian ikus dezakegu. Pista pago baso batetik zehar doa eta apenas 10´ behar ditugu lepo txiki batetara iristeko, bertatik Ezkaurre horma erraldoia lehen aldiz ikusten dugularik.

Pista zabala xenda bihurtzen da eta atseden txiki bat ematen badigu ere, laster batetan, berriz ere, pagadian sartzen da. Tarte hau oso aldapatsua da eta gogorra egiten da gainditzea.

Ori gutxi ez balitz, elurra azaltzeak zailtasun handiagoa eransten dio, igoera askoz gehiago zailduz.

50´behar izan ditugu Abizondo lepora iritsi ahal izateko (1.630 m). Abizondo gailurra (1.676 m) eskuinera utzi eta ezkerretik jarraitzen dugu pagadian zehar, toki ireki batera ailegatzea lortu arte.Igoeraren zatirik korapilatsuenean, aurrez aurre, aurkitzen gara. Elurrak GR arrasto zuri gorriak ikusten uzten ez digunez, aurrez joan direnen arrastoak jarraitzea behartuta gaude.

15´ondoren aldapa zerbait baretzen da, jadanik igoeraren azken zatian aurkitzen gara. Gailurreko ertza osatzen duten harlauzko hainbat muinoek, gehienak elur geruza batez estaliak, Ezkaurre tontorrera eramaten gaituzte (2.045 m) eta bitxia bada ere, bertan elur arrastorik ez dugu aurkitzen. 

Eguna garbia dugu eta haizeak indarrez putz egiten badu ere, orokorrean gailur hau zapaldu dugu bakoitzean gertatu oi bezala, aparta da bertatik dugun ikuskizuna. Igotzerik izan dugun hainbat gailur ezagunak zaizkigu: Arlas, Anie, Hiru Erregeen Mahaia, Petrechema, Ginebral de Gamueta, Foya de Gamueta, Gorreta de Gabachos, Anzotiello,

Midi d´Ossau, Castillo de Acher, Rincon de Alano, Espelunga , Achar de Forca eta beste hainbat.

Gailurrean apenas gelditu gabe, ipar-ekialderantz egiten dugu Zurizara erortzen den amildegi ertzera. Parez pare Espelunga zirku ikusgarria dugu eta oinpean, Ezkaurre  ekialdeko zirkua, artzainen ertza eskuinean duelarik, Pirineo eskualde honetako eskalada ibilbide klasikoenetako bat. Bien artean eta gauden lekutik 1.000 m beherago, Veral ibaiak hainbat mendeetan zulatu duen haitzarte sakona ikus dezakegu.

Datu teknikoak

  • Ibilbidea: Ezkaurre Argibiellako portutik
  • Desnibela:815 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:1:40 h
  • Nola iritsi:Argibiella edo Nafar portutik (1.230 m), Isabtik 14 km eta Zurizatik km 1
  • Igotzeko denbora:2:40 h
  • Jeisteko denbora:1:00 h
  • Ezaugarriak:Igoera motz baina intensitate handikoa
  • Materiala:Makil eta kranpoiak
  • Garaia: Udaberria
  • IBILBIDEAREN DATU GUZTIAK IKUSI

Erlazionatutako kronikak

Igotzen diren mendiak

Lo egiteko aterpetxeak

Erlazionatutako ibilbideak

Iruzkin bat egin

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.