Petretxema - 2.366 m.

Capra Alpina(e)k idatzia.
3869
bisita

Petrechema mendia, Ansabere bezala ezaguna dena ere, Zuriza (W) eta Lescun (E) aranen mugan aurkitzen da. Linzako aterpetxetik (1.330 m) ateratzen den oiko bideak ez du inolako zailtasunik. Leskun zirkutik (1.171 m) gora egiten duenak berriz, ikusgarritasun aparta azaltzen du. Azken egunetan egin duen elur kopurua dela eta Linzako aterpetxera inguratu gara, Anso portutik edo Coll de Petragème (2.084 m) gailurrera iritsi asmoz, oiko bide masifikatutik hiesi asmoz.

Oso zail egiten zaigu tarte bat bilatzea aparkatu ahal izateko. Linza aterpetxeko aparkalekua, zein bere ingurunea, bete beterik aurkitzen dira. Aterpetxetik urrun bada ere, azkenik lortu dugu. Prestatze lanetan hasi gara eta beti gerta zaigun bezala, orain ere, zalantzak ditugu eraman beharreko materialen hautaketarekin. Naiz jakin itzuleran faltan bota genezazkeela, erraketak uztea pentsa dugu; igoeran behar izango ez ditugun itxaropenez, termometroak -2º markatzen bai ditu. Aterpetxearen inguruan jendearen joan etorria handia da. Zakurrak ere asko daude, elur lerak eraman zain, itxuraz lasterketaren bat antolatua dago.

Gorantz hasi gara, elurra gogorra dago eta botak ongi heltzen dute. Jende asko gure bide berdina egiten doaz, gehienak eskiekin, beste batzuek erraketekin eta bakar batzuek gure moduan. Linza iturriaren ingurura iristen garenean, elur geruza ikusgarriaz estalia, uharra zeharkatu eta ezkerrera oiko bidea utziz, denak bertatik joan arren, guk eskuinera jarraitzen dugu (E) Artzainen aterpetxearen (irekia) norabidean, 1:00 h.

Kranpoiak janzteko une batetan gelditzen gara; ezin dugu oharkabetu. Parez pare dugun erreten bat igo beharrean gara, betidanik ekialde norabidean, Paquiza eta Cota 2.098 hormen azpitik. Elurra egoera ezin hobean aurkitzen da eta kranpoiak oso lagungarri gertatzen zaizkigu, 1:35 h.

Behin gaindituz gero, igoera guztiko zati arriskutsuenera iristen gara. Terraza batzuen gainean gaude eta hegal erditik zeharkatu behar ditugu, harkoskor elurrik gabe, horma harritsua ezkerrera eta Barcal ebakia eskuinera eramanez. 

Terrazak estutzen hari dira eta azken aldapa tente batek bertatik urruntzeko aukera eskaintzen digu, 2:20 h.  

Jarraian babestua dagoen zati batetara iristen gara, malda leun borobilduez betea, bertatik altuera erraz irabaziz. Bizi izan ditugun azken tentsio minutuak eta gero, gozatzeko momentua iritsi da. Zorte handia izan dugu ibilbide hau aukeratzeagatik. Bakar bakarrik gaude, elurra zapaldu gabe dago eta ingurua ikusgarria ageri da, 2:40 h.

Bat batean, Sobarcal gailurra aurrez aurre ageri zaigu eta ezkerrerago Petrechemakoa ere eta bien artean, Petrechema lepoa edo Anso portua (2.100 m) dago. Zuriza eta Bearneko lurren pasabide natural bakarra. Derrigorrez erabili beharreko pasabidea  Ansabere orratzen eskalada garrantzitsuenen oinpera iritsi ahal izateko, 3:10. H.

Petrechema gailurrera 266 m desnibel geratzen zaigu, elurreztatuta dagoenean 30/40º izan ditzakeen malda batetik. Gainditze geldi baina seguruaz altuera irabazten goaz (N). Ansabere orratz txikiaren oso gertutik pasatzen gara; benetan ikusgarria, 3:55 h.

Gorantz jarraitzen dugu. Maldak oso estu artzen digunez, tarteka, geldialdiak egin beharrean aurkitzen gara arnasa berreskurat ahal izateko. Ahotsak entzuten ditugu, badirudi ez zaigula asko falta gailurrera iristeko. Petrechema tontorra (2.366 m). Jendez gainezka aurkitzen dugu eta nekez, bertan egoteko leku txiki bat aurkitzen dugu. Gailurreko argazkiak atera ahal izateko txandatu beharrean gara, 4:20 h.

Eguna ezin hobea da, zeruan lainorik ez dugu ikusten eta horrek, begien aurrean zabaltzen zaigun paisai ikusgarriaz gozatzeko aukera ematen digu. Ezkerrerantz Hiru Erregeen Mahaia, Acherito eskuinera eta aurrez aurre Midi d´Ossau eta hirumilako lerro guzia.

Jaitsiera oiko bidetik egiten dugu, oso nabaria den arrastoa jarraituz, Linzako lepotik eta beherago aurkitzen den linza Iturritik zehar, 6:15 h.

 

Datu teknikoak

  • Ibilbidea: Hiru Erregeen Mahaia Linzako aterpetxetik
  • Igoera data:8/03/2014
  • Luzera:7 m.
  • Desnibela:1.114 m
  • Kokapena:Euskal Herria
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:4:20 h
  • Nola iritsi:Linza aterpetxeko aparkalekutik (1.330 m.)
  • Igotzeko denbora:6:15 h
  • Jeisteko denbora:1:45 h
  • Materiala:Makilak ondo etorriko zaizkigu.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Petretxema Linza aterpetxetik
  • Igoera data:8/03/2014
  • Kokapena:Pirinioak
  • Kategoriak : Kranpoiak, Oinezko igoera
  • Zailtasuna:F+
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:4:20 h
  • Nola iritsi:Linzako aterpetxe eta Anso portutik o Petragème lepotik.
  • Igotzeko denbora:6:15 h
  • Jeisteko denbora:1:45 h
  • Ezaugarriak:Zati arriskutsuren bat eskuinera mozketa duena eta azken malda tentea, 266 m 30/40º bataz beste
  • Materiala:Kranpoi eta makilak
  • Egoera:Elur gogorra
  • Garaia: Negua
  • IBILBIDEAREN DATU GUZTIAK IKUSI

Erlazionatutako kronikak

Igotzen diren mendiak

Lo egiteko aterpetxeak

Erlazionatutako ibilbideak

Iruzkin bat egin

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.