Ezkaurre-Ipar-mendebaldeko-korridoretik

Capra Alpina(e)k idatzia.

3072
bisita

Zuriza aranera gerturatu gara Ezkaurre tontorrera ipar-mendebaldeko korridoretik igo asmoz (PD). Ez dakigu aurkitzerik izango dugun, apenas aipamenik aurkitu ahal izan dugu eta horrek kezkatzen gaitu, kontutan badugu Ezkaurreko ipar aurpegia oso zabala dela. Argibiella aparkalekuan autoa uzten dugu, Nafarroa eta Huesca mugan, eskuinetik zuri-gorriz koloreztatua dagoen xenda abiatzen delarik, pagadi itxi batetik muino txiki batera igoz, bertatik ipar aurpegi osoa ikusten dugularik.

A zer nolako ustekabea, inguruan ditugun mendiek elurrez gainezka aurkitzen badira ere, Anie, Hiru Erregeen Mahaia, Petrechema, Quimboa, Estriviella, Alanos, Ezkaurre ipar aurpegian apenas elur orban txuri bakan batzuek ikus dezakegu. Aurrez korridorea aurkitu ahal izateko arazoak bageneuzkan, orain askoz ere zailagoa jarri zaigu. Gure ahaleginean amore eman gabe, pagadi itxian gora Abizondo lepora bidean jarraitzen dugu.

Behin eta berriz hormara begira goaz galdetuz, zein ote da korridorea? Elur ezak identifikatze lana erabat galarazten digu eta gailurrera doan edozein lerro zuriek, indartsu gure arreta deitzen du.

Eskuinean gailurrerako bide arrunta utziz, ekialde norabidean elurrean zehar gorantz goaz korridore baten oinpera, bertan gailurrera zuzenean doan lerro zuri bat ikusten bai dugu. Elurra oso biguina dago eta bidea zabaltzeko ahalegin handia egin beharrean gara.

Granpoiak jantzi, pioletak hartu eta naiz malda tentea igo beharrean izan, sokaz lotu beharrik ez dugu ikusten eta motxilan gordez, korridorearen zati estuenaren bila bideratzen gara.

Badakigu hau ez dela Ipar Korridorea, igotzen ari garena mendebalderago aurkitzen bai da, baina igoera oso polita du. Bat batean, korridorea asko estutzen hasi da eta naiz zailtasun handiegirik ez eskaini, igoeraz gozatzen goaz. 60 bat metroren ondoren, berriz ere zabaltzen hasten da.

Malda etengabe gorantz doa eta dituen 45º-ak, arnasestuka garamatza, bidea zabaltzen goazen bitartean. Korridorea banatzen duen irtengune bat bidera atera zaigu eta ezinbestean, eskuinetik edo ezkerretik jarraitu beharrean gara. Ezkerretik jarraitzea erabaki dugu, gailurra norabidean eta 75 bat metro ondoren, maldak elur geruz zuria galtzen duen lekuan, granpoiak kentzea behartuta gaude.

Gailurretik gertu aurkitzen gara eta bertara iritsi ahal izateko, azken malda bat igo eta paisai misteriotsua osatzen duten harlauz ugari, estrategikoki zutik aurkitzen direnak, zeharkatzen ditugu.

Ezkaurre gailurra 2.045 m, erpin geodesikoa. Eguraldi txarra aurri-kusita bazegoen ere eguna ikusgarria dugu eta bakarrik igo garenez, gailurraz bakardadean gozatzeko aukera dugu. Oroitzapen onak pilatzen zaizkigu, ez alferrik orain hogeita hamar urte elkarrekin igo genuen lehen gailurra izan zen.

Kolore Laranja Ipar korridorea, kolore Urdina Ipar-Mendebaldeko Korridorea

Datu teknikoak

Ibilbidea: Ezkaurre Argibiellako portutik
Desnibela:815 m.
Kokapena:Pirinioak
Kategoria : Oinezko igoera
Zailtasuna:F
Hasiera puntuan amaitzen da:Bai
Iristeko denbora:2:30 h
Nola iritsi:Argibiella edo Nafar portutik (1.230 m), Isabtik 14 km eta Zurizatik km 1
Igotzeko denbora:3:45 h
Jeisteko denbora:1:15 h
Ezaugarriak:Igoera motz baina intensitate handikoa
Materiala:Makil eta kranpoiak
Garaia: Udaberria
IBILBIDEAREN DATU GUZTIAK IKUSI

Datu teknikoak

Ibilbidea: Ezkaurre Ipar korridorea
Luzera:4052 m.
Desnibela:774 m.
Kokapena:Pirinioak
Kategoriak : Ipar aurpegia, Korridorea, Kranpoiak
Zailtasuna:PD+
Harri eskaladaren zailtasuna:III
Korridorearen graduazioa:60º
Luze kopurua:2 (30 metros)
Hasiera puntuan amaitzen da:Bai
Iristeko denbora:2:30 h
Nola iritsi:Argibielako lepotik, bide normaletik atera ipar aurpegian sartzeko.
Igotzeko denbora:3:45 h
Jeisteko denbora:1:15 h
Ezaugarriak:Elurrarekin erraz igotzen den korridorea, 30 metroko bi luzekin, eta 50ºko maldarekin ondoren. Elurrik gabe III-ko pausu bat.
Materiala:30 metroko soka, alien semaforoa, hiru baga eta 2 piolet.
Egoera:Elurrarekin.
Garaia: Negua, Udaberria
IBILBIDEAREN DATU GUZTIAK IKUSI

Datu teknikoak

Ibilbidea: Ezkaurre Ipar-ekialdeko ertza
Luzera:6.4 km.
Desnibela:950 m.
Kokapena:Pirinioak
Kategoriak : Ertza, Eskalada klasikoa
Zailtasuna:AD (III+ beharrezkoa)
Harri eskaladaren zailtasuna:IV+
Hasiera puntuan amaitzen da:Bai
Iristeko denbora:2:30 h
Nola iritsi:Argibiela lepotik.
Igotzeko denbora:3:45 h
Jeisteko denbora:1:15 h
Ezaugarriak:Bidearen zati gehiena ertzetik doa, I eta II-ko pausuetatik. III+ eta IV+eko pausu puntual batzuk ere aurkituko ditugu, 15 metroko rapelarekin batera.
Materiala:Friend-ak, fisureroak, zintak, espressak, soka, kaskoa eta katu-hankak (aukerazkoa).
Garaia: Uda, Udazkena
IBILBIDEAREN DATU GUZTIAK IKUSI