Arlaud Korridorea-Pico Maldito AD Sup (350 m) / IV (55º)

Capra Alpina(e)k idatzia.
1720
bisita

Dudarik gabe pirineoko mendi garaienetako bat, Maladeta mendiguneko parte dena eta Posets-Maladeta Parke Naturalean kokatua dagoena. Cregüeña ertza, de en Medio ertza eta Maldito lepoko ertzen topagune. Gailurrera iritsi ahal izateko erabili ditzakegun bide ezberdinek zailtasun antzekoa dute (PD+/AD-), naiz teknikoki ibilbide errazena de en Medio ertza (ESE) zeharkatzea dela esan genezake, naiz honek ere, bere zailtasuna duen (PD+). 

 

Coronas zubira igotzen gara bertan aurkitzen den Arrantzaleen txabola edo Coronas aterpetxean gaua pasa asmoz (1.950 m), baina behin bertan jende pila aurkitzen dugu eta onek gure asmoak aldatzera behartzen gaitu. Traste guziak bizkarreratu eta Coronas laku ertainaren ingurura igotzea pentsa dugu. Eguzki erre azpian 2:00h eta gero, iristea lortu eta kanpin denda txikia Coronas laku ertain ondoan jartzen dugu, Aneto handientsuaren begiradapean.

Eguzkia behin Aragüells mendi atzean izkutatzean, tenperatura erabat jaisten da. Nekatuak gauke eta hotz dugu, hori dela eta lehenbailehen denda barruan sartzea pentsa dugu. Afaltzeko zerbait jan eta lotarako prestatzen gara, ez ordea Aneto ikusgarriari azken begirada bat bota gabe. Biharko eguna luze eta gogorra izango denez, atseden hartu beharrean gara.

Goizeko 5:00h-tan, bat gustuen dagoen unean, beti gertatu ohi den moduan, iratzargailuak jotzen du eta zalantza batzuen ondoren, altxa, jantzi eta gosaltzeko txokolate gaileta batzuek jan eta gero, motxila bizkarreratu eta ibiltzen hasten gara. Naiz eta ilargi beterik ez dugun argitasun handia dago eta hori del eta, frontalen argiak bere ala itzaltzen ditugu. Malda elurtsu eta izoztuetatik gorantz NO norabidean,  Cregüeña lepora goaz.

Behin Cregüeña lepoa iristean (2.905 m), Aragüells (E) eta Punta Cregüeña (O) mendien artean, egunsentiak ustekabean harrapatzen gaitu eta Cregüeña Lakua erabat izoztua ikusteko aukera eman, pirineoko handi eta gorenetako bat (2.657 m).

Behin Cregüeña isurialdera zeharkatu ostean, Maldito mendira doan Arlaud korridorea bere edertasun guzian ageri zaigu, oso ezaugarria duen lerro zuriarekin, baina bertara iritsi ahal izateko, oraindik Cregüeña ertzaren oinpetik zeharkaldi luze eta delikatu bat geratzen zaigu.

Ertzean dauden orratz ezberdinak atzean uzten ari gara, nabarmenenak Juncadella (3.005 m) eta Aurillón (3.035 m) direlarik, ez irristatzen saiatzen garen bitartean laku izoztuan murgildurik bukatu nahi ez ba dugu.

Hormaren oinpera gerturatzen goazen heinean, korridoreko elur zuri arrastoa desagertzen zaigu eta urrutitik ageri duen itsura polita erabat aldatzen zaio. Korridoreak lehen zatian arroka eskalada IV-ko zailtasuneko bi luze eta beste II-ko bat ditu. Ondoren 45º/50º-ko elurrezko korridorea bihurtzen da, bi zeharkaldi arriskutsu tarteko eta arrokazko azken korridore bat IIIº-ko pauso bakar batzuekin, zuzenean gailurrera eramango gaituztenak.

1 Luzea: 30 m – IV

Lehen pausoak zailtasun handiegirik es dute IIº+/IIIº. Tximinia nabarmen batetik igotzen da, helduleku onak eta belar arrastoak dituena.

15 metro gorago diedro estu eta tente batetan murgiltzen gara IV, nahiko exijentea eta heldu leku gutxi dituena, zein behin gaindituz zailtasunik gabe R1-era eramaten gaituena, kordinoak.

2 Luzea: 50 m – IV

Ezkerrera zeharkaldi arriskutsu batekin hasten da (III) plaka lehun bat saihestu asmoz, non korridoretik erortzen den ura jaisten den eta ezin bestean, bustita bukatzen dugu. 

Heldu leku onak dituen zati batek jarraitzen dio (II+), inongo zailtasunik gabe tximinia baten oinpera eramaten gaituena.

Azken zati honetan horma askoz bertikalagoa gertatzen da eta non luze honetako zatirik zailena aurkitzen dugun IV. Hormaren pitzadura txiki batetan, bakarren batek utzi beharra izan zuen fisurero bat aurkitzen dugu eta ez da harritzekoa, madarikatua ez da mogitu ere egiten, eta non pauso segurtatu ahal izateko erabiltzen dugun.

Besoez tira egitea beharturik gauden azken pauso batek, plaka etzan batera igotzen gaitu, non dagoeneko askoz ere lasaiago, kordino pare bat irtengune batetan finkatu eta R2 egiten dugu.

Hirugarren luzea harri solteko gune batetik ibilbide erraz bat da (II) eta korridorearen sarrerara eramaten gaitu, non elurrezko lerro zuria zeharka apetatsu igotzen den, tontorreko hormen artetik bihurka eginez.

Berriro ere kranpoiak janzten ditugu, ensanblen igo ahal izateko 10 metro soka uzten dugu eta pioleta eskuan, korridoretik gorantz igotzen hasten gara. Elurra gogorra dago eta ezin egoera hobean eta kranpoi eta pioletak elurretan oso ondo heltzen dute.

Ala ere dituen 45º/50º-ko inklinazioak asko exijitzen digu eta behin baina gehiagotan, arnasa berreskuratu ahal izateko gelditzea beharturik gaude. Poliki poliki lehen bizkar batera heltzen gara, lehen zeharkaldi arriskutsu eta airezko bezpera, non korridorea erabat zabaltzen den.

Lehen zeharkaldi onen saihesbideak ez digu ematen oso arriskutsua denik, bainan ala ere, bigarren bizkarrera iritxi bitarte arreta handiz joaten saiatzen gara.

Bigarren zeharkaldi onen saihesbidea askoz ere arriskutsuagoa da eta giroa itzela. Cregüeña Glaziarrera duen eroriak zirrara sortzen du eta hori dela eta, aurreko zeharkaldiaren ezberdin, ibilbidea bi friend jarriz segurtatzen dugu. Urduritasuna oso nabaria da eta kontrako muturrera iritsi bitarte gutxiagotuko ez dena.

Beste aldera iristea lortzean eta dagoeneko askoz ere lasaiago, atzera begiratuz Cregüeña Laku erraldoiaren irudiarekin aurkitzen gara eta askoz atzerago Eriste mendiek, Posets, Vignemaleko mendigunea eta Bachimalako ertza.

Malda ezegonkor batetik igotzen jarraitzen dugu eta non, harria oso apurtua dagoen. Pauso bat ematen dugun bakoitzean arroka zati handiak mugitzen dira eta orrek, ez digu batere errazten igoera. Hemendik igotzen saiatu edo elurretatik igo diferentzia nabaria inolaz ere.

Korridorearen azken zatia harri bloke handiz osatua dago eta Maldito Lepotik datorren ertzean amaitzen da, gailurretik oso gertu.

Azken metroetan II eta III-ko pauso batzuek gainditu beharrean gara eta iparraldeko isurialdean aurkitzen den estugune batek, Pico Maldito (3.350 m) tontorreko zatirik garaienera eramaten gaitu. 

Intentsitateko hiru orduko eskalada ondoren eta dagoeneko gailurrean, lasai eta pozik, bista ikusgarriez bakardadean gozatzen dugu. Aldi berean eta inguruan beste mendirik egongo ez balitz bezala, jendetza glaziarrean zehar errenkadan ibiliz doa Aneto gailurra, pirineo mendikateko tontorrik garaiena, gainditzeko helburu bakarrarekin. Parez pare Maladeta gailurra desafioka ageri zaigu.

En Medio ertza Punta Astorg eta En Medio tontorrekin eta atzean, Aneto tontorra.

Cregüeña ertza Juncadella eta Haurillón orratzekin eta Punta Cregüeña.

Eta Cregüeña laku ikusgarria Posets mendigunea atzean duela.

 

 

 

 

 

Datu teknikoak

  • Ibilbidea: Pico Maldito Arlaud korridorea Pico Maldito
  • Kokapena:Pirinioak
  • Kategoriak : Eskalada klasikoa, Korridorea, Kranpoiak, Mixtoa
  • Zailtasuna:AD+
  • Harri eskaladaren zailtasuna:IV
  • Korridorearen graduazioa:55º
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:6:00 h
  • Nola iritsi:Coronas zubitik
  • Igotzeko denbora:3:00 h eskalada
  • Ezaugarriak:Hasieran 3 eskalada luze IV-ko zailtasunekoak eta 55º-ko korridorea
  • Materiala:60 m-ko soka, Friend batzuek, zinta bakar batzuek, kranpoiak eta pioleta
  • Egoera:Elur baldintzak oso onak
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.