Asque-Alquezar Villacantal zubitik

Capra Alpina(e)k idatzia.
736
bisita

Asque, Colungo udalerriko hiri txiki bat dugu eta Rio Vero Parke Naturalean kokatzen da, Guara mendilerro bihotzean. Apenas dozena bat etxe dituen hirigunean Santa Coloma Eleiza eta Guadamacil Gune Artistikoa nabarmentzen dira.

Kale nagusi inguruan Aragoiko mendi-bideen informazioa duen argibide-taula bat aurkitzen dugu, non gure kokagunea zein jarraitu asmo dugun Somontano de Barbastro bide Naturala ageri diren (berdea). Ibilbideak ehun urtetik gorako olibondo, zurbeltz, erkametz,... artetik jarraitzen du eta eskuinetik Colungo hirira doan GR 1.1 ibilbidea utzi eta ezkerretik abiatzen da.

Pista zabala Asque hiritik laborantza gune eta olibaldi txiki artetik mendebalderantz doa, non bi gizon olibak jasotzen ikusten ditugun. Aurrera jarraitzen dugu Sierra y Cañones de Guara Parke Natural Gune Babestuko hesia iritsi bitarte. 2 km inguruko bide lau batetik jarraitzen dugu berreraikia izan den artzain txabola batera iritsi bitarte. Harrizko eraikuntza txiki zirkular hauek Guara mendilerroan oso ohikoak dira. 

Ezkerrean desnibel handiarekin Abrigo de Regacens bila Regacens sakanean zehar jaisten den xenda uzten dugu. Abrigo de Regacens-en ahuntz eta arkularien labar-pinturak aurkitu ditzakegu. Abrigoak oso ohikoak dira gune honetan eta aire zabaleko benetako historiaurreko museoak dirudite, zeren orain 40.000 urtetik erabiliak izan bai dira. Minutu gutxiren bueltan atseden gune txiki batera iristen gara.

Xendak eskuinetik km 1-ean jaitsiera zorabiagarri batetik jarraitzen du, ibilbide guztiko punturik baxuenera iristeko eta non bukatzen den (542 m). Barranco de Lumos-en gaude, leku estu eta ospela, arkaitz konglomeratuan urak hondeatua. Naiz abenduan gauden sakana urik gabe aurkitzen da, ala ere kartel bat ikus dezakegu "Ardura, denboraldi batez urak hartu dezake", honek zer pentsatu ematen digu zeren itsuraz beti orain bezain legor ez da egoten. Bere jaitsiera urte guzian egin daiteke baina hobe euria egin ondoren, ur pixka batekin ikusgarriagoa gertatzen bai da.

Lumos sakanaren ibilgu lehorretik 200 m zehar jarraitzen dugu eta behategi txiki batera iristean, ezkerretik alde batera uzten dugu, naiz gure kokagunetik oso behetik dagoen Vero ibaiarekin, berriz ere, aurkitzen garen. Ibaiaren eskuin bazterretik ikus dezakegu xenda nola San Anton Lepora bideratzen den eta bertatik, laster gu ere igo beharrean izango garen.

Xenda bihurka-bihueka landaretza ugari eta saui arren habitat den sakanaren horma bertikalen artetik berantz doa eta minutu batzuen ondoren, Villacantal zubira iristen gara (517 m). Bi begiko zubi bat dugu, ojiba-arku arinekoa bata eta puntu erdikoa bestea, taula zabal zein arinki inklinatua eta karelik ez duena. XVI mendean eraikia eta bertatik Sobrarbetik Barbastrora zioan bidea igaro zen.

Behin zubi gainean eta zeharkatu aurretik Vero ibaiaren ikuspegi arrigarriez gozatzeko aukera dugu. Eskuin bazterrean horma bertikal batekin aurkitzen gara eta ezker aldetik saihestu beharrean aurkitzen gara. Xenda estu bat San Anton lepora igotzen hasten da eta ezinezkoa badirudi ere, bertatik orain denbora dezente, zamariak pasatzen zirela pentsatzeak harritu egiten gaitu.

Basobera landaredi artetik, bereiziki sabina, ezpel eta beste hainbat zuhaixka, kilometro 1 luze eta 150 m desnibel igotzen dugu. Xenda leku arriskutsuenetan egurrezko hesi batekin babestua aurkitzen da eta sigi-sagaz baliatuz altuera irabazten doa, arnasestuka bagoaz ere. 25 minutu ondoren San Anton lepora iristea lortzen dugu (687 m).

Bidegurutze estrategiko batetan aurkitzen gara non aurreko mendeetan Alquezar udalak zuen garrantzia kontutan izanik, oso erabilia izan zena. Hirigunetik apenas 500 m banatzen gaituzte. Xenda Alquezar eskalada eskolako hormen paralelo jaisten da, hain zuzen "Monchiriguel" sektorean aurkitzen gara. Bertan 15/20 m-ko eskalada ibilbideak aurkitu ditzazkegu IV, V eta VI bitarteko zauiltasunekoak, arkaitz onekoak eta egoki hornituak.

Minutu gutxiren bueltan Alquezar-ko plaza nagusira iristen gara, "Pasador de Casa Lidia" deritzon pasabide inguruan eta non Alquezar-ko belaunaldi ugariek txirrista bezala erabili duten, Santa Maria la Mayor Kolegiataren begirada arretatsupean.

Datu teknikoak

  • Ibilbidea: Alquezár-Asque GR 1.1-tik
  • Luzera:5.600 m.
  • Desnibela:275 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Nola iritsi:Alquezár herria Huesca hiriburutik 48 km-ra eta Sierra y Cañones de Guara Parke Natural barruan aurkitzen da.
  • Igotzeko denbora:2:30 h
  • Ezaugarriak:Altuerari beldurra diotenentzako ez oso gomendagarria, umeekin joan ezkero kontuz iobili behar eta kontutan izan ibaiaren ur kopurua.
  • Materiala:Makilak
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Asque-Alquezar Villacantal zubuitik
  • Luzera:5.000 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Nola iritsi:Huesca probintziako Colungo udalerriari dagokion Asque herritik, Somontano de Barbastro eskualdean. Huesca hiriburutik 50 km eta Barbastrotik 25 km.
  • Igotzeko denbora:2:30 h
  • Ezaugarriak:Ondo markatutako ibilbidea. Lumos sakana zeharkatzean Kontu handiz ibili behar dugu, ura ustekabean hazi bai daiteke.
  • Materiala:Makilak
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.