Aizkorri ertza

Capra Alpina(e)k idatzia.
540
bisita

Aizkorri mendizerra ekialdetik mendebaldera zabaltzen den kareharrizko masa handi baten zati da eta Durangaldeko mendien lerroa jarraitzen duela dirudi. Forma ematen dien goraguneak harro zutitzen dira lau probintzien artean, Gipuzkoa iparraldean, Araba hegoaldean, Bizkaia mendebaldean eta Nafarroa ekialdean. Gailur garrantzitsuenek 1.500 m-tik gora daude eta Pirineoak iritsi bitarte ez dira gaindituak izango. Euskal Herriko gailur garrantzitsuenetan gertatu ohi den bezala, Aizkorrin ere Mari-k bere egoitzetako bat du, Aketegi ipar aurpegian aurkitzen den kobazulo batetan.

Gure ibilbidea Zalduendon hasten da, Arabako Lautada Kuadrillako ipar-ekialdean aurkitzen den herri txikian. Autoa Sorabarrin utzi eta Garasteko urtegi inguruan dagoen pistan gorantz hasten gara. Minutu batzuen ondoren eskuinetik pista utzi eta pintura marka zuri eta horiak jarraituz hariztian barrena murgiltzen gara. Lainoak dena erabat estaltzen du eta kontu handiz ibili behar gara. 30 minutu eta gero Urdasakon ibaira iristen gara, non ur gardena zaratatsu saltoka doa. Lainoa atzean uztea lortu dugu eta zeru urdina haritz gazteen adar bilutsien artetik ikusteko aukera dugu. Puntu honetan inguruan dauden ibilbide zirkularren argibide zutabe bat aurkitzen dugu.

Egurrezko zubi txiki batetik ibai oldartsua zeharkatzen dugu eta ibilbide markatuak albo batera utziz, inongo markarik ez duen pista lokaztu batetik gorantz jarraitzen dugu. Minutu gutxi barru basotik atera eta gune argitsu batera iristen gara nondik, mendizerra zeharkatzen duten goi-tentsio lineak pasatzen diren. Bertatik altura irabazten saiatzen gara Arabako Lautadatik Urbira doan pista iritsi ahal izateko eta honekin, Aratz mendiaren parez-pare aurkitzean bat egiten dugu.

Bi kilometroz pistan gora jarraituz Portua Zarra lepoan aurkitzen diren usategien alboan alde batera uzten dugu, Linategieta inguruan. Garai honetan usategiak erabiltzen ezbadira ere, irail eta urri hilabeteetan zehar jarduera etengabea da. Linategietara jaisten gara non Urbia norabidean  San Adrian koba zulotik datorren kalzada eta pistarekin bat egiten dugu eta hau ezkerrera utziz, eskuinetik Aizkorri gailurrerira zuzentzen gara. 

Pagadi ikusgarrian zehar doan pistak altuera era lasaiean irabazten laguntzen digu, zeren lehen zati honetan desnibela oso handia ez da. 30 minuturen bueltan pagaditik ateratzea lortzen dugu eta bertatik, gure oinpean agertzen den Oltza eta areago Urbia Benta eta Ermitarekin, Gorbea eta Anboto mendizerrak atze-oihal bezala edukiz ikusteko aukera dugu.

Igoeraren bigarren zati hau askoz ere exigentegoa da eta kareharri gunetik zehar eskuinetik ertzaren gandorra bila doa. Lehen tontor bat gainditzen dugu, Aitztontor Altuna (1.454 m), non buzoia nabarmentzen da. Aizkorrira norabidean bigarren tontor batera iristen gara, Tontorraundi (1.484 m). Alde honetatik begiratuz altuera handiegirik ez duela dirudi, bainan bestaldeko sakonunetik begiratuz erabat ezberdina dirudi.

San Adrian eta Kalbario aldapatik datorren ibilbidearekin elkartu bitarte berantz jarraitzen dugu eta aurrerago, ipar-mendebaldetik datorren Zegama Aizkorri mendi maratoieko ibilbiderarekin bat egiten dugu. Puntu honetatik apenas metro bakar batzuek Aizkorriko gailurretik banantzen gaituzte. Euskal Herriko mendi bisitatuenetako bat izanik, gaillerrean buzoi eta gurutz handi bat ezik, aterpetxe eta Santa Cruz Ermita aurkitu ditzakegu, 1.523 m.

Urbiako zelaieta doan ibilbide nabarian behera eginez, minutu gutxira Aitzabal gailurrera (1.518 m) doan saihesbidera ailegatzen gara, non bidea garbi ikus dezan kolore horiz dago mendiaren izena idatzia inork galbiderik izan ez dezan. Gailur txikia buzoi eta gurutz handi batez koroatua dago.

Kontrako aldetik jaisten gara belarreztaturiko mendi lepora eta ezkerrean Urbiako zelaieta doan bide higatua utziz, eskuinetik ertzera bidean jarraitzen dugu. Igoera erraz batek ertzaren gainean uzten gaitu eta ekialdetik mendebaldera eginez Illarrabeltxeko Gaina (1.533 m) pasa eta Aketegi edo Aketegi Erpina (1.548 m) gailurrera iristen gara, non erpin-geodesikoa, buzoi txiki bat eta CD EIBAR-ek jarritako eskultura bat ere aurkitzen ditugun.

Gertu ikusten den Aitxuri gailurrera bidean jarraitzen dugu lepo txiki batera jaitsiz eta ondoren, berriz ere, altuera irabazi punturik gorenena iristeko, non lehen unean San Bernardo-ren oroimenez CD Amaikak bat elkarteak jarritako plaka bat aurkitzen dugun eta ondoren, danbolin eta hiru txistu buzoi bezala. Aitxuri bere 1.551 m-kin Aizkorri eta Euskal Mendi guzien gailur garaiena dugu. Duen goragunean datza bere garrantzia, 943 m-koa da eta horrek, peninsulako mendien artean 36 garren postuan kokatzen du. 

Aitxuri eta Iraule banatzen dituen kanal sakonera ertzetik jaisten gara, bertatik neguan elur eta izotzez baliatuz igotzeko aukera izango duguna. Zegama-Aizkorri mendi maratoiko marka horiak beheko aldetik jarraitzen badute ere, guk berriz ertza irabazten saiatzen gara jarraian eta erreztasunez, Irauleko gailurrera iristeko (1.507 m), non arroka artean buzoi txiki bat aurkitzen dugun.

Gertu ikusten dugun Arbelaitz gailurra geratzen zaigun azkena da eta aldi berean, 1.500 m goitik aurkitzen den Aizkorri mendizerrako gailur mendebaldekoena dugu. Naiz bere itxura tentea den, bere igoerak ez du zailtasunik, naiz kareharria nagusi den. Ertzaren lerrotik lepo txiki batera iristen gara, azken maldaren bezpera eta punturik garaienera eramango gaituena, non ohiko buzoia aurkitzen dugun. Arbelaitz gailurra (1.506 m). 

Negua izan arren eguraldia paregabea da eta horrek bista ikusgarriez gozatzeko aukera ederra ematen digu. Betidanik Aizkorrira igotzea oso berezia izaten da eta egun honetan ere ala gertatu da. Berandu egiten ari zaigu eta iluntasunak estali ez gaitzan, itzulerako bideari ekitea izango. Ilunabarra Urdasakon ibaiaren inguruan etorri zaigu eta hotz dago, ez alferrik hozberoa 0º-ra jaitsi da. 

Datu teknikoak

  • Ibilbidea: Aizkorri Aizkorri ertza
  • Igoera data:2019-12-31
  • Kokapena:Euskal Herria
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:3:45h
  • Nola iritsi:Sorabarri aparkalekutik, Arabako Zalduondo herritik gertu.
  • Igotzeko denbora:5:45h
  • Jeisteko denbora:2:00h
  • Ezaugarriak:Ibilbide luzea bainan zailtasunik ez duena
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.