Pakiza Linzola - 2.112 m

Capra Alpina(e)k idatzia.
963
bisita

Pakiza Linzola Huesca probintzian kokatzen da, Nafarroa eta Aragoi banalerroan hain zuzen. Txamantxoiakin batera Linzako aranean buru egiten duten bi gailurretako bat da. Naiz 1.561 urtera bitarte Nafarroako zati izan zen, Castillako epai auzitegi batek Erronkari aranetik banandu zuen eta Anso aranera batzea behartu. Naiz bere kokapena pribilegiatua izan eta inguruan dituen gailur ikusgarriek tarteko, Hiru Erregeen Mahaia, Petrechema, Acherito, Chinebral de Gamueta,…. gutxi bisitatua eta erabat ahaztua suertatzen da.

 

Linzako aterpetxe inguruan mugimendu handia aurkitzen dugu. Jendearen joan etorria etengabea da eta mendi jarduera on batez gozatzeko prestatzen ari dira. Uharra zeharkatu eta maldan gora behi artean ibilbidea hasten dugu, milaka eta milaka mendigoizaleen pausuak higatutako xenda batetik. Ez alferrik Hiru Erregeen Mahia eta Petrechema igotzeko bide arrunta bai da.

Behin Linzako iturrira iritsi eta oso masifikatua egoten den ibilbidea saihestu asmoz, Sobrante inguruan (ordoki zintzilikatua) ezkerrera bira egiten dugu, eskuinera Linza lepora (1.936 m) doan bidea utziz eta Pakizako maldara iritsi bitarte altura irabazten jarraitzen dugu.

Txamantxoia eta Pakiza lotzen dituen lepora bidean, gailurretik kontrako norabidean (S), zeharka jarraitzen dugu. Ez itorik, ez inongo pintura markarik bidea nondik doan erakutsiko digunik ez dago, baina inguru honetan bizi diren sarrioen joan etorri ugariek utzi dituzten arrastoak jarraituz, Artaparreta lepora (1.687 m) iristen laguntzen digute. 

 

Bertara iritsi bezain laster Belagoa aranera dauzkagun bistak aho bete uzten digute. Pena lainoak Lakartxela eta Orhi gailurrak estali izana. 

Petrechema, Acherito eta Chinebral de Ganueta-ra ditugun bista ikusgarriak ez dira gutxiagorako.

Edo Alano mendi zerra eta Ezkaurre-ra ditugunak.

Haizeak indar handiz astintzen duen bitartean, mendebaldeko ertzetik jarraitzen dugu. Belagoa aranera erortzen diren malda gordinak, neguan erlaitz ugari sortu eta elur jauziak pairatzen dituztenak, Linza aranera erortzen diren malda berdeen oso bestelakoak dira.

Altura irabazten goazen neurrian gailurra askoz ere gertuago ikusten dugu. Elurtegi bakan batzuek aurkitzen ditugun azken malda batek, zuzenean Pakiza Linzola gailurrera eramaten gaitu (2.112 m).

Bertan SCDR Anaitasuna Mendi Taldeak jarritako buzoa aurkitzen dugu. Pena zerua estalia dagoela eta bista ederrak bere osotasunean ikusteko aukera galtzen dugu.

Hiru Erregeen Mahaia laino artean erdi ezkutua aurkitzen da, Budogia, Añelarra eta Anie ikusgai diren bitartean.

Hoya de la Solana eta Linza lepora jaisten hasi gara, Hiru Erregeen Mahaira doan bidearekin topo egin arte, Petrechema, Sobarcal eta Acherito mendien ikuskizun aparta aurrez aurre dugularik.

Gutxika bada ere Foya de Petrechema  norabidean jaisten goaz.

Eta hemendik Linza aterpetxe ingurura, bertatik  berriz ere Pakiza Linzola gailurra ikusteko aukera dugularik.

Datu teknikoak

  • Ibilbidea: Pakiza de Linzola Linzako aterpetxetik
  • Igoera data:2016-06-12
  • Desnibela:782 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:1:45 h
  • Nola iritsi:Isabatik NA-137 errepidea Frantziara bidean jarraitu 2 km eta Zurizako gurutz bidera iristean, NA-2000 errepidea jarraitu 12 km Zurizako kanpig-a iritsi bitarte. Bertatik 5 km jarraituz Linzako aterpetxera iritxiko gara.
  • Igotzeko denbora:3:15 h
  • Jeisteko denbora:1:30 h
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.