Midi d´Ossau zeharkaldia

Capra Alpina(e)k idatzia.
29721
bisita

Aukera dugun bakoitzean bertara hurbiltzen saiatzen gara, iman bat bailitzan erakartzen bai gaitu. Bere gailurrera igotzea “klasikoa” da gaur egun pirineotan eta esaerak dion bezala pirineista denak behartuta egon beharko litzateke bere bizian, gutxienez behin, bertara igotzen. Jatorri bolkanikoa du eta bere horma bertikalak beldurgarria egiten dute eta ia igo ezina, nahiz eta bide arruntak ez ditu arazo handiegirik azaltzen.

Portaleteko aparkalekua (1720 m.) 0h. Uharra zeharkatu bitarte berantz goaz eta behin bestaldean pista jarraitzen dugu gorantz (SO) eta Artaille txabola pasatuz , Parke Nazionaleko pista zabal bat jarraituko dugu Midi d´Ossau norabidean (NO) eta zeharkaldi handi batzuek medio aldapa tente bat igotzen Soum de Pombie leporantz (2129 m.) 1h.

Beste ordu laurden bat beharko dugu Pombie aterpetxera jaisteko eta bere laku txikia miresteko (2031 m.) 1h15´. Midiko hormara dugun ikuskizuna erakargarria bezain beldurgarria da.

Bidea harrizko bloke handi batzuek oztopatzen digute, gure martxa oztopatuz eta denbora bat pasa eta gero Midiko hormaren azpira iritsi. Hemendik aurrera (NE) mendi bide eder batek arazorik gabe Suzón mendatera garamatza (2127 m.) 2h.

Berantzako norabidea jarraitzen dugu bide eroso batetik artzari txabola batera iritsi bitarte, ardi artalde handi bat bertan ikusten dugularik. Berantz goaz pago eta abetoz osatutako baso batean sartuz eta perretxiko batzuek jasotzeko aprobetxatuz, ondo etorriko bai zaizkigu gabeko afarirako. Bidea erosoa eta polita da azken aldapa behera bihurri handi batek Bious Artigues goiko aparkalekura eramaten gaitu (1425 m.) 2h.30´.

Pista zabal batetik jarraitzen dugu, bertako artzainak kotxez goiko zelaietara iristeko erabiltzen dutena. Jendearen joan etorria etengabea da, urte sasoi honetan gainera jendez gainezka dago. Gure bidea jarraitzen dugu mugurdi eta ahabi artean uharra zeharkatu arte Pont d´Ayous (1480 m.) erabiliz eta azken aldapa gogor eta tente batek ahate metaliko batera eraman gaitu eta zeharkatuz, bailara lau eder batean uzten gaitu, bertatik sigi-saga ugari eginez uhar dotore bat aurkitzen dugu, behi ugari ere larrean daudelarik.

GR10 jarraituz basoan zehar (O) bide bihurri bezain polit batetik, sigi-saga batzuek medio altura irabazten goaz. Baso honetan arrunta da perretxikoak eta ondoak aurkitzea, goiko alderdian batez ere. Bertatik ateratzen gara Col long d´Ayous (1700 m.) 3h.45´. Igotzen jarraitzen dugu aldapa tente bat eta kostata bada ere Roumasot lakura (1845 m.) eramaten gaitu. Bere urak lakura eramaten dituen uharrak eta Miey laku txikitik datorrenak, ur jauzi eder bat sortzen du eta igo ondoren gaindituko dugu iparretik. Eguzkia dagoeneko goran dago eta beroa nabaria da, derrigorrez jan eta edan egiteko gelditu behar dugu. GR10 zegiz, aurrerago utziko dugun arren Ayous lepora bai doa, gure bideak aurrera jarraitzen du aldapa bat igoz Gentau lakura eramango gaitu eta bertatik urrunean ikusten dugu Ayous aterpetxea ( 1970 m.) mendate gainean, bertara iristeko minutu gutxi batzuek erabiliz, azken aldapa bat igoz. 4h.30.

Lakura eta Midi d´Ossau, Jean Pierre ezizenarekin ezaguna dena bertakoentzako, dugun ikuskizuna ikusgarria da. Indarrak berreskuratu ditugu bidea jarraitu ahal izateko, aterpetxea dagoen behatokitik berantz, berriz ere goranzko bideari ekiteko (S) uhar nagusia bila. Aldapa bikoitzetan tenteagoa da eta nahita ezkoa izango da zeharkaldi handi batzuek eginez gainditzea. Aterpetxea eta lakua dagoeneko oso txikiak ikusten ditugu, denbora gutxian asko igo dugun seinale. Ur garbiko putzu batzuek albotik pasatuz Bersau lakura iristen gara (2080 m.) 5h. Ez da leku txarra bainu bat hartu ahal izateko. Lakua dagoen zirkua oso polita da eta Midirantz ikuskizuna paregabea.

Bideak lakua eskuinetara utziz aurrera jarraitzen du eta zailtasunik gabe lepo batera iristen gara (2095 m.) eta berantzako aldapa tente batek (S) bide gurutze batetara garamatza. Eskuinetara utziko dugu Moines lepora doan bidea (SSO), Don Ejakue bidea, eta beratz goaz (ENE) HRP-ARP Parke Nazionaleko bidetik. Beste laku bat aurkitzen dugu Castéreau (1945 m.) leku dotore batetan dagoelarik, bere inguruan orain ere jende ugari aurkitzen dugu. Berantz sigi-saga batzuek eginez azkar batetan altura galtzen dugu eta berriz ere Gave de Bious aranean aurkitzen gara (1644 m.), goizean egon garan kontrako aldean. 5h.30´.

Bious Artigues lakura doan bidea alde batera utziz, altura irabaziz gure eskuinera dagoena igoz baso batera sartzen gara zeharkaldi batzuek erabiliz. Dagoeneko ordu batzuek daramatzagu ibiltzen gora eta bera, gure hankak nabari dutelarik eta bero itogarriak estu artzen gaitu. Asko kostata bada ere gaina harrapatzen dugu eta basoaren gainetik dauden Cabane de Cap de Pount eta Cabane de Peyreget (1910 m.) ondotik igaro. Midi d´Ossau alde onetatik oso ezberdina da, ez da ikusten ez handia ez ikusgarria. Bidean zehar ikusi dugun jendetza ez dabil inguru hauetan, naiz bakarren bat ikusten dugun.

Midiko LADERA OCCIDENTALetik jarraitzen dugu Peyreget lakura iritsiz (2075 m.) 7h. Harri handiz estalita dagoen aldapa tente batetik igotzen gara (E) HRP-ARP Parke Naturaleko bidea jarraituz eta oso nekez bada ere altura harrapatzen goaz. Nekeak arazoak sortzen dizkigu eta goizean geneukan freskotasuna galdu dugu.

Azkenean iritsi gara Peyreget mendatera (2327 m.), lasaitu edarra hartu dugu arnasketa berreskuratzen saiatzen garen bitartean. Beste aldeko aranetik berantz hartuz, zirku txiki batera iristen gara bi laku txiki daudelarik bertan.

Hasieran harrikari batetik eta ondoren Belarrezko bidetik altura harrapatzen goaz Ponbie lakura bidean eta behin hau zeharkatu ondoren , Pombie aterpetxera iritsiz (2031 m.) 8h.15´. Ez zaigu asko falta lortzeko.

Indarrak berreskuratu ondoren, beharrezkoa dena gainera, berriz ere martxan jarri gara. Bidea gorantz doa Soum de Pombie (2129 m.) bila, zailtasunik gabe iritsiz. Azkenik Portalet inguruan gaude eta gure kotxea non dagoen nabari dugu, ikusten ez ba dugu ere. Nekaturik baina oso arro, jaitsiera tente bat hasi dugu eta bidea batzuetan jarraitzen ez ba dugu ere, belarreztatuko LADERAS itsu-itsu goaz. Azken aldapa bat igoz, Portaleteko errepidera iristen gara (1710 m.) 9h.

Ibilbidea oso luzea izan da baina merezi izan du. Dena den, bi egunetan egin daitekeen ibilbidea da Ayous aterpetxea horretarako erabiliz. Era honetara denbora gehiago izango dugu ibilbide eder honetaz gozatzeko, Midi d´Ossau igotzeko ere.

Datu teknikoak

  • Ibilbidea: Midi D´Ossau zeharkaldi borobila
  • Kokapena:Pirinioak
  • Kategoriak : Oinezko igoera, Trabesia
  • Zailtasuna:PD-
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Portalet mendateko aparkalekua (1720 m.) Biescas 30 km. eta Laruns 14 km.
  • Igotzeko denbora:9 h. geldialdirik gabe
  • Ezaugarriak:Egun bat edo bi erabili ditzazkegu egiteko. Inongo arazo teknikorik Gabe, baina fisikoki ondo egotea eskatzen duena
  • Materiala:Bastoiak lagungarri izan daitezke.
  • Garaia: Uda, Udazkena
  • IBILBIDEAREN DATU GUZTIAK IKUSI

Igotzen diren mendiak

Lo egiteko aterpetxeak

Natur guneak

Erlazionatutako ibilbideak

Iruzkin bat egin

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.