Pica d´Estats - Hirumilakoen bidea

Capra Alpina(e)k idatzia.
2608
bisita

Pica d´Estats Españia eta Frantziako mugan kokatzen da, Andorra-tik ez oso urrun. Dituen 3.143 m-ek Catalunya-ko mendi garaiena egiten dute eta ori dela eta, Catalunyar mendizaleen artean garaitzea oso preziatua da. Gailurra zapaldu asmoz astebukaero Xenda Mugakide zehar (TRF) egundoko jendetza abiatzen da. Mendigune ekialdekoena dugu, txikia eta pirineoko hirumilakoetatik isolatua aurkitzen da.

Áreu herritik egoera txarrean aurkitzen den 12 km-ko baso pista bat ateratzen da eta Pont de la Molinassa-ra (1.806 m) eramaten gaitu, bertan autoa uzten dugularik. Pista bertatik minutu batzuek jarraitzen ditugu ezkerrera ateratzen den xenda batek ibaia zeharkatzeko egurrezko zubi batera eramaten gaituen bitartean eta apenas 10´ ondoren, Valferrera aterpetxera iristen gara (1.940 m). 

Xenda sigi-saga ugariez baliatuz arin igotzen doa (ipar) eta 20´ondoren bidegurutze batera ailegatzen da. Eskuinean Areste aranean barneratzen den xenda utzi eta ezkerretik (ipar-mendebalde) Barranc de Sotllo bila jarraitzen dugu. Pinu artean goaz altuera galduz irtengune batera iritsi bitarte, non destrepatu egin behar denez segurtasuna bermatu ahal izateko kate bat jarria dago.

Behin Barranc de Sotllo-n sartu eta egurrezko pasabide batetik uharra zeharkatzen dugu Pla de la Socalma belartsura iristeko. Ura harri artetik zaratatsu saltoka doa ur-jauzi txikiak sortuz eta xenda bitartean, Pla de Canalbona zingiratsura bidean altuera irabazi nahiean. 

Dagoeneko igo nahi ditugun mendi batzuek ikusteko aukera dugu, Pic Sotllo, Pic Verdaguer, Pica d´Estats,... Behín Pla de la Canalbonan egurrezko pasabide estu batetik jarraitzen dugu mailakatutako malda batera bideratzeko eta bertatik, Estany de Sotllo-ra iristen gara (2.392 m).

Estany-a gure ezker aldetik (mendebalde) saihesten dugu Coma de Sotllo-tik jaisten den uhar oldartsua zeharkatzea lortuz. Gune honetan hainbat kanpin-denda ikusten ditugu, itxuraz inguru honetan bertan gaua pasa eta urrengo egunean Pica d´Estats gailurra igotzeko ohitura dago. Aldapa belartsu batetik igotzen jarraitzen dugu uhar oldartsua erdi bidean zeharkatuz eta malda harritsu bat gainditu ostean, Estany d´Estats parez pare aurkitzen dugu. 5,3 Ha-ko azalera du eta Sotllo-koa bainan zerbait handiago da. 

Naiz 660 m-ko desnibela igo dugun beste 500 m geratzen zaizkigu Sotllo lepora iristeko. Estany-a gure ezkerretik inguratzen dugu (mendebalde) eta ondoren, zirko hondoaren lautada zeharkatu Sotllo leporako azken maldari ekiteko. Sigi-saga ugariz xenda malda tente eta deskonposatua igotzen hasten da, naiz ez zaigun batere erosoa egiten. 

Azken zatian korridorea Pic Sotllo eta Pic Verdaguer artetik igotzen da Port de Sotllo (2.894 m) lepoan amaitzeko, 2:50h. Hotz dago eta apenas ikusten uzten digun lainoak ongi etorria ematen digu. Ahal bezala babestu eta altsatuko duen itxaropenarekin itxaroten dugu eta 20´ondoren zortea izango dugula pentxatzen hasiak gara.

Behin Port de Sotllo atzean utzi, ala nola Verdaguer Ertza eskuinean, F+ (II) gune airezko eta arriskutsuekin, metro batzuek jaitsi eta ezkerrera biratuz (mendebal), ipar malda babesten duen elurtegi txiki bat, oso ezegonkor ikusten dena, zeharkatzen dugu. 15´ ondoren Pic Sotllo (3.072 m) gailurra zapaltzeko aukera dugu, F+ (3:05h).

Port de Sotllo lepoa eskuinean utziz (ekialde) ipar malda ezegonkorretik jaisten gara kontraorma baten bretxara. Erdi izoztua aurkitzen den Estany de la Cometa d´Estats (2.786 m) bidean jaisten goazen bitartean, Verdaguer mendiaren magalean aurkitzen den elurtegia bidera ateratzen zaigu.

Behin bertan, eskuinera biratu (ekialde) eta Riufret Lepora (2.978 m) doan malda tentea gainditzen saiatzen gara. Lepotik ezkerrera (ipar-ipar-ekialde) malda harritsua sigi-saga segidaz igotzen dugu eta goi-lautada batetik pasa ondoren ertzera igotzen gara. Bigarren mailako tontor bat pasa eta Pic Montcalm gailurrera sailtasunik gabe iristen gara (3.077 m), F (4:25h)

Riufret lepora itzuliz (2.978 m) Pic Verdager eta Pica d´Estats gailurrak banatzen dituen bretxara norabidean abiatzen gara, bainan ez Cap de la Coma de Riufred (3.041 m) gailur xumea zapaldu gabe. 15´ondoren bretxan gaude eta segidan Pic Verdaguer gailurrean (3.131 m), F (4:55h).

Bretxara itzuliz ertzaren igoerarekin jarraitzen dugu eta zailtasun handiegirik ez duenez, minutu gutxiren bueltan Pica d´Estats gailurrera iristen gara (3.143 m) F+, mendiguneko naiz Catalunya-ko punturik garaienera (5:05h). Gurutze handi bat dago bertan erabat apaindua, señera, hainbat zinta eta ikurrinez,... eta zintzilikario bat ere duena. Pena bada ere inguratzen gaituen lainoak ez digu ikuskizunez gozatzen uzten, naiz dudarik ez dugun aparta izango dela. Beste batetan izan beharko du. 

Nabarmen eta airezko den ertza gune erosoenetik bloke-segidaz jaisten jarraitzen dugu, beti ere bi isurialdeak erabiliz. Bretxa ondo inguruan zailtasun garrantzitsuenak aurkitzen ditugu, 3 metroko bi horma helduleku onekin (II/III). 

Behin bretxa iritsi (3.096 m) eta igoera erraz batek Punta Gabarro gaillerrean aurkitzen den erpin geodesikora eramante gaitu (3.115 m). F+ (5:25h).

Denborarik galdu gabe Gabarro SE gailurra zapaltzen dugu, naiz hirumilako bezala katalogatua ez dagoen, altuera hori garaitzen baduere. Jaitsiera deskonposatutako malda batetik egiten dugu bretxa batera iristen garelatrik eta bertatik, zailtasunik gabe, Pic Rodó de Canalbona gailur xumera iristen gara (3.004 m), F (5:45h). 

Hemendik jaistea besterik ez zaigu geratzen, bainan errazena gelditzen zaigula pentsatzen badugu ere, azkenean okertu egiten da. Collet de L´Estanyol (2.890 m) eta Estany Gelat (2.650 m) zehar jaistea pentxa dugu Estany d´Estats bitarte (2.470 m) eta horrela igotzeko erabili dugun bidera itzuli. Bainan esan bezala hutsegite bat egin dugu eta hitoak galdu, azkenik zirko hondora berriz itzultzeko, Sotllo lepoa eta Estany d´Estats artean. Behin bertan Valferrera aterpetxera eta ondoren goizean autoa utzi dugun aparkalekura iristea besterik ez zaigu geratzen, (7:15h).

Datu teknikoak

  • Ibilbidea: Pica d´Estats Vall Ferrera-tik
  • Kokapena:Pirinioak
  • Kategoria : Oinezko igoera
  • Zailtasuna:PD
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:5:45 h
  • Igotzeko denbora:7:15 h
  • Jeisteko denbora:1:30 h
  • Garaia: Uda
  • IBILBIDEAREN DATU GUZTIAK IKUSI

Igotzen diren mendiak

Lo egiteko aterpetxeak

Natur guneak

Erlazionatutako ibilbideak

Iruzkin bat egin

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.