Arriel mendiaren zeharkaldia

Capra Alpina(e)k idatzia.
7262
bisita

Xenda-zaletasuna gustukoa dutenek ibilbide honetan aurkitu dezakete mendiari eskatzen diotena. Bide zapalduak eta ondo markatuak, mendate ikusgarriak, laku ugari, uhar eta errekak, ur gardeneko jauziak eta paisai harrigarriak. Gauza atsegin ugari egitea gonbidatzen dutenak eta ahaztu ezin dugun, Pirinioetako gailur politenetako bat igotzeko aukera ere, Palas (2074 m.).

Sarra urtegia (1440 m.) Oh. Aguas Limpias erreka zeharkatzen dugu zubi txiki batetik eta pista zabal batetik ibiltzen hasten gara, aldapa gutxi duena eta 20´barru mendi bide bihurtu eta gorantz hasten dena. Bi uhar zeharkatzen ditugu aho zabalik uzten gaituen bi ur jauziren ondotik eta pagadi dotore batean sartu. Bide guzian Aguas Limpias erreka gure eskuinean eramango dugu. Altura irabazten goaz eta gure ezkerretara kartel bat azaltzen zaigu Arriel mendira igotzeko bidea erakutsiz eta ez lakuetara joatekoa (50´), itzulerakoan hemendik jaitsi beharko dugu.

Pagaditik ateratzean Llano Cheto (1770 m.) 1h.20´ordekara iritsi gara, Arriel eta Aguas Limpias sakanak elkartzen diren lekua. Arriel-etik jaisten den uharra zeharkatu eta aldapa gogor bat hasi da (E) Aguas Limpias errekaren ur jauzia gainditu behar dugu. Gorantz goaz eta gure ezkerretara beste kartel bat ikus dezakegu Arriel-eko lakuetara eramango gaituena, baina hau ere ez dugu jarraituko eta gure norabidea segi.

Ur jauzia gaindituz ibilbidea lasaitu egiten da eta zailtasunik gabe, azken aldapa tentera eramaten gaitu Respumoso-ko urtegiko hormaren gainera (2100 m.) 2h.30´. Gurutz bide baten aurrean gaude, eskuinekoak Respumoso aterpetxera eramango gaitu eta ezkerrekoak Arriel lakuetara, guk aukeratuko duguna.

ONO norabidea jarraituz, lakuetako ura ekartzen duen estalitako kanala jarraituz, Frondellas-ko harresi granitokoaren azpitik. Ibilbidea laua da baina tarteka aldaparen bat agertzen zaigu arnas estuka igotzen duguna eta 45´barru, gure eskuinetara bira eginez (N) lehenbiziko Arriel lakura iristen gara (2160 m.) 3h.15´.

Ezkerretik zeharkatuz zailtasunik gabe bigarren lakura iristen gara eta bertatik, altura pixka bat irabaziz hirugarren eta handiena den lakura eramaten gaitu (2250 m.) 3h.30´. Arriel, Palas, Balaitous eta Frondiellas mendiak osatzen duten zirkuaren ikuskizunak aho zabalik uzten digu. Lakua zeharkatu eta aldapa tente eta gogor bateri aurre egin behar diogu, Palas lepora iristeko (2517 m.) 4h.

Hemendik igotzen hasten da Palas-en dagoen ertza, Piton Von Martin (-V) piriniotako eskalada klasiko bat. Jaitsiera Arremoulit lakura zuzenduko dugu eta bere hormaren ondoan dagoen aterpetxera, horretarako bide arrastoak eta kairn-ak jarraituz. Arremoulit aterpetxea (2305 m.) 4h.20´.

Presa pareta estuaren gainetik zeharkatuz eta behin beste aldean, bideak goranzko bidea artzen du bortizki, passage d´Oteig zeharkaldiaren bila (2336 m.) 4h.50´. Pasabide hau oso aereoa da eta bertatik pasatzen laguntzeko kable bat dago jarrita paretari lotuta.

Bat batean Arrious lakura iristen gara (2285 m.) 5h. Lakua bere isurialdetik zeharkatu eta bere ezkerretik jarraituko dugu (S) aldapa gorantz Soba mendatearen bila (2449 m.) 5h.40. Zailtasunik ez dauka, batzuetan bide arrastoa galdu egiten ba da ere, baina garbi ikusten denez norabidea, galtzeko arriskurik ez dugu, lainoa izan ezik.

Hemendik aurrera gelditzen zaiguna Soba aran guzia jaistea da, Aguas Limpias erreka aurkitu arte. Hasieran belarrezko bide erraz batetik baina berantz goazen bezala pendiza ere handitzen doa. Bide arrastorik apenas dago eta igoeran gertatu bezala norabidea nabaria da. Araneko beheko aldera jaitsi behar da uharra aurkitu arte. Puntu honetan artzain txabola bat aurkituko dugu, basoan sartu aurretik (1850 m.) 6h.

Bide garbi bat jarraituz, oso estua izanagatik, goizean igotzeko erabili dugun bidera eramango gaitu (1650 m.) 6h.20´ Aguas Limpias errekaren ur jauziaren inguruan. Pico Arriel lagos no jartzen duen kartela atzean utziko dugu eta goizean egindako bidea desegitea besterik ez zaigu falta, Llano Cheto-n gaude. Pagadian berriz sartuz, beti ere berantzako joeran, altura galtzen goaz Agus Limpias errekaren eskuinetik. 40´barru Sarra urtegira iritsiz, goizean ibilaldia hasi dugun lekura eta gure bidaiaren bukaera (1438 m.) 7h.

Datu teknikoak

  • Ibilbidea: Arriel Pico Arriel zeharkaldi borobila
  • Kokapena:Pirinioak
  • Kategoriak : Oinezko igoera, Trabesia
  • Zailtasuna:PD-
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Sarra urtegia 14398 m.(Sallent de Gállego) 1 km. errepidez + 4 km. pistaz Sallent de Gallego-tik.
  • Igotzeko denbora:7 h.
  • Ezaugarriak:Trabesia borobila.
  • Garaia: Uda
  • IBILBIDEAREN DATU GUZTIAK IKUSI

Igotzen diren mendiak

Lo egiteko aterpetxeak

Natur guneak

Erlazionatutako ibilbideak

Iruzkin bat egin

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.