Pène Sarrièreko eki aurpegia

Capra Alpina(e)k idatzia.
436
bisita

Pène Sarrière begiratoki perfektu baten gisa altxatzen da Gourette bailararuntz, zaindarien dorre bat izango bailitzan. Hegoalderuntz  Ger tontorrak, Turón, Salon, Rognon, ala nola Pène Médaa ikus ditzakegu. Hauen atzean berriz  Balaitus, Palas edo Midi d´Ossau tontorrak dauden susmoa dugu. Mendia nahiko gertu geratzen denez, bere Ekialdeko aurpegia beti jendez gainezka egoten da, Pirinioetako horma ezagunenetarikoa izanik.

Gouretteko eski estaziotik egingo dugu gerturaketa. Urbanizazioko zona deportiboan utziko dugu kotxea. Bertatik, tenis pista bat eta muskuluak tonifikatzeko egurrezko tresnak ikusi ditzakegu belardian. Bidea GR10etik hasten da, ondo seinaleztatua kartel eta pintura bidez.

Errekastoaren arrastoa jarraitu pagari batetik barrena. Zubia zeharkatu errekaren eskuinaldera, urjauzi txiki batzuen gainetik, eta jarraitu bidea zuhatzetatik irten arte. Bidegurutze batera iristean, eskuineko bidea hartu. Berehala iritsiko gara beste bidegurutze baterea, jarraitu ezker aldetik, Pène Sarriéreko ekialdeko aurpegira bidean.

Ordu laurden baten ostean, hormaren erdira iritsiko gara, gainean ipar eta erdiko tontorren lepoa ikusi dezakegularik. Bidearen hasiera erraz ikusiko dugu, kalizazko horma lehun eta karakteristiko baten azpian.

1. luzea (Vº - 30 m.): Bidea fisura batean hasten da, belarrezko kanaltxo baten eskuinean. Parabolt bat nabarmen ikusi daiteke bertan, eta parabolt hauek erreferentziatzat hartu ditzakegu bidea jarraitzerako unean. Fisura igo (IV+) eta ezkerraldera egingo dugu trabesia bat (V), hormatik irteten den harroka batekin topo egin arte. Hemen bi anklaje eta mailloi bat ikusiko ditugu. Bi pausu behera jetsi eta belarrezko kanala hartuko dugu, lehen bilkunera iritsi arte.

2. luzea (IIIº - 35 m.): Belarrezko eskailera tente batzuk igoko ditugu diedroruntz, non bi hormak banatzen dituen. Bide logikoena jarraituko beharko dugu, paraboltak nondik dijoazten begira. Hormara iritsiko gara, bi anklaje eta kordino batekin gurutzatu ondoren. Horma eskalatu eta eskuinean beste bi anklaje utziko ditugu beste kordigo gorri batekin. Gure bilkunea ezkerretan, diedroaren azpian dauden bi paraboltekin egingo dugu.

3. luzea (IV+º - 35 m.): Zuzen igoko dugu regleta txikiz osatutako plaka batetik. Joera, hemendik aurrera, diedrotik aldentzea da, uneoro, berau inoiz ikutuko ez dugularik.

4. luzea (V - 50 m.): Bideko luze zailena. Regletekin jarraituko dugu, tripatxo batera iritsi arte. Zati honek hankekin pausu onak egitera behartzen gaitu. Joera berdinarekin, eskuinetara jarraituko du bideak.

5. luzea (IV - 30 m.): Zailtasuna jeisten hasten da eta berehala lepora helduko garen sentsazioa dugu, gertu ikusten baitugu. Kanaltxo batetik eskalatu ordez, errezagoa dirudiela, zuzenean jotzen du bideak adherentziaz. Ertzera iristen gara, eta bertatik jarraitzen dugu mendiaren beste aurpegian dagoen balkoi batera iritsi arte. Hemen iltze zahar bat aurkituko dugu bilgunea egiteko, guk sartuko dugun friend ertain batekin indartuz.

6. luzea (V - 25 m.): Desplome pausu batek (V) ematen dio hasiera luze honi. Errepisatxo batera iritsiko gara bi kordino erabilgarri izango ditugularik bertan. Berriz eskalatzen hasi geran aurpegian gaude. Hemendik, pare bat pausuko trabesia eskuinera eta tximinia baten azpian kokatuko gara, tontorrera erraz (IV) igotzeko aukera ematen digularik.

Jetsiera ipar ertzetik egingo dugu (F+). Bidea irristakor zegoenez sustoren bat hartu dugu, gehienbat ipurdiko mingarri bat hartzeko arriskuagatik.

Datu teknikoak

  • Ibilbidea: Pène Sarrière Eki aurpegia
  • Igoera data:2018-07-31
  • Luzera:205 m.
  • Desnibela:700 m.
  • Kokapena:Pirinioak
  • Kategoria : Eskalada klasikoa
  • Zailtasuna:D
  • Harri eskaladaren zailtasuna:V
  • Luze kopurua:6
  • Hasiera puntuan amaitzen da:Bai
  • Iristeko denbora:1 h
  • Nola iritsi:Ordu beteko gerturatzea Gourettetik, GR10 pista jarraituz.
  • Igotzeko denbora:3 h
  • Jeisteko denbora:1 h
  • Ezaugarriak:Bide bertikala, zailtasun konstantea eta ia dena paraboltez babestua.
  • Materiala:12 zinta eta friend ertain joku bat.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.