Vértice de Anayet eskiekin
bisita
Goiza oso hotz da, haizeak indar handiz astintzen du eta elurrak Anglassé aparkalekua (1.350 m) erabat estalia dauka, kotxea aparkatzea ezinezkoa eginez. Candanchu-ra doan bazterbidean aparkatu ostean, ondo hornitu eta zubia zeharkatuz ibilbideari hasiera ematen diogu pinudi itxi batetik barneratuz, Borau harresi eta Aspe mendiari azken begirada bat bota ondoren.
Minutu batzuen bueltan kanpaldi gune batera iristen gara, udaran oso ere jendetsua izaten dena. Aurrerago kartel batek bidea moztua dagoela adierazten digu. Azken aldian egin dituen euri jasaren ondorioz bidearen zati bat desegina geratu da eta ezinbestean, ibaia gurutzatu eta kontrako isurialdetik igotzea behartuak gaude.
Azkar batean lehen eguzki izpiek heldu zaizkigu eta gailurra bitarte gurekin izango ditugu. Canal Roya txabola inguruan eta behin basotik kanpo, Anayet ipar horma eta Anayet lakuen isurbidetik erortzen den Ur Jauzi oinpean, Rinconada izenez ezaguna den goi-ibarrera doan GR-11 eta Donejakue bidea, ezkerrera uzten ditugu.
Eskuinetik sigi-saga nabarmenei esker Punta de las Negras (2.218) maldatik gora jarraitzen dugu Anayet Faltsura norabidean, gure ezkerrera utziz. Elurra biguntzen hasia da gure oinpean eta naiz eskiak eroso irrist egin, erraketak erabat ondoratzen dira, igoera oso neketsua eginez.
Royo lepo inguruan malda asko samurtzen da eta naiz azken aldapa tente bat geratzen zaigun, zailtasunik gabe gainditu dezakegu.
Lepora gerturatzen goazen heinean, begien aurrean agertzen zaizkigun bista ikusgarriak eginiko esfortzua saritzen dute, Midi d´Ossau, Anayet, Palas, Balaitous, …
Gailurrera iristeko ertzetik jarraitzea besterik ez zaigu geratzen. Baldintza arruntetan zailtasunik ez ba du ere, gaur elurrak eta izotzak kontu handiz ibiltzea behartzen digu. Eskiak eta erraketak lepoan utziz, edozein arazoei aurre egin asmoz kranpoiak janzten ditugu. Denbora gutxi behar dugu Vertice de Anayet gailurreko ertz geodesikora iristeko (2.559 m).
Pena merezi izan du behatoki onetara iristeak, bertatik, edozein lekutara begiratuta ere, ikuskizuna harrigarria da.
Lepora itzuliz, jaitsierako prestatzen gara. Zorionekoak eskiekin igo direnek, jaitsiera luze eta dibertigarri batez gozatu bai dezakete. Erraketekin igotzea erabaki dugunok berriz, seguruenik ezin izango dugu horrenbeste gozatu.
Datu teknikoak
- Ibilbidea: Anayet-en ertza Canal Roya-tik
- Luzera:6.500 m
- Desnibela:930 m.
- Kokapena:Pirinioak
- Kategoria : Eskia
- Zailtasuna:F+
- Hasiera puntuan amaitzen da:Bai
- Iristeko denbora:4:00h
- Nola iritsi:Anglassé aparkaleku eta Canal Roya-tik
- Igotzeko denbora:5:00 h
- Jeisteko denbora:1:00 h
- Materiala:Eskiak, pioleta eta kranpoiak
- Garaia: Udaberria
- IBILBIDEAREN DATU GUZTIAK IKUSI
Igotzen diren mendiak
_-_copia.jpg)
Erlazionatutako ibilbideak
-
AnayetCorral de las Mulas-etik neguan
-
AnetoEstasen korridorea
-
AnetoRenclusatik neguan
-
MondicietoNerin eta Arazas lepotik
-
Txipeta HandiTravesía Euskal Mendi Federazioa 2013