Torre de los Horcados Rojos - 2.506 m

Capra Alpina(e)k idatzia.
403
bisita

Picos de Europa erdialdeko mendiguneko leku adierazgarrienetako batetan kokatua eta Pico Urriellu edo Naranjo de Bulnes-era behatoki nabarmena, zalantzarik gabe. Ibilbide arruntetik igoerak inongo zailtasunik ez ba du ere, ego aldean duen horma gorrixkak berriz bai, MD- (V+). Horcados Rojos lepoa Urrieles eremuan gehien erabilia da eta Vega Urriello isurialdera pasabide nahitaezkoa.

 

Fuente Dé, El Cable (1.834 m) teleferikoko goi geltokitik irteten gara eta pista zabal batetik Peña Olvidada (2.430 m) hormen azpitik ibiltzen hasi. Ezkerrera Hoyos de Lloroza gunea uzten dugu, bertan urmael txiki ugari daudelarik Pozos de Lloroza izenez ezagunak (1.818 m).

Bihurgune nabarmen batera iristen gara, La Vueltona (1.960 m). Ezkerrera Fuente Escondida lepora (2.050 m) doan bide zabala utzi eta nabarmena zein masifikatua den bidea jarraitzen dugu, Peña Vieja-tik (2.617 m) erortzen diren harrikarietatik gorantz eginez. Elurrik ez ba du ere, laster asko “Canal Alucinante” korridorea ezagutu dugu, orain denbora bat eskalatzeko aukera izan genuena.

Denbora batez gorantz goaz Canalonako lepora doan gurutze bidera iritsi bitarte (2.220 m).  Eskuinera utziz, Santa Ana mendebaldeko mendiaren (2.601 m) horma azpitik igotzen jarraitzen dugu, Cabaña Verónica aterpetxea (2.325 m) bertatik oso ikusgai delarik.

Jarraian berantz egiten dugu (ONO), Torre de los Horcados Rojos ego horma gorritxoaren azpitik, eskarmentua duten eskalatzaile ugari  erakartzen duena (MD-/V+arriskutsua amaieran).

Altura pixka bat galtzen dugu lepo txiki batera igo aurretik. Bertatik ezkerretara igoz Cabaña Verónica aterpetxera joango ginateke (SSO) eta eskuinera igoz Horcados Rojos lepora (N).

Arrasto zuri eta horiak jarraituz gune kaotiko bat zeharkatzen dugu, Horcados Rojos lepora igotzen gaituena (2.344 m). Peñas Urrielles hormaren azpitik (2.398 m) Tesorero mendira doan bidea ezkerretara uzten dugu.

Igo eta jaisteko segurtasuna bermatu ahal izateko, neguan bereiziki, kate bat jarri berri duten Jou de los Boches isurialdera azaldu aurretik, eskuinera biratu (SE) eta sigi-saga batzuez baliatuz, malda tente batetik altuera irabazten dugu (30º elurrekin) eta zailtasunik gabe tontorretik hurbil uzten gaitu.

Zeharkaldi motz bezain airezko batek, Torre de los Horcados Rojos gailurrera eramaten gaitu (2.506 m) (F). Buzoia. 

Bertatik dugun ikusmena zirraragarria da: Torres de Santa Ana, Peña Vieja, Tiros Navarros, Tiros de Santiago, Los Campanarios eta Pico Urriello edo Naranjo de Bulnes mendi-puska harrigarria.

Datu teknikoak

  • Ibilbidea: Horcado Gorrien Dorrea Fuente Dé, El Cable, teleferikoko goi geltokitik
  • Kokapena:Europako mendiak
  • Kategoria : Oinezko igoera
  • Zailtasuna:F (Zailtasunik gabe)
  • Hasiera puntuan amaitzen da:Bai
  • Iristeko denbora:1:50 h
  • Nola iritsi:Fuente Dé, El Cable, teleferikoko goi geltokitik (23 km Potes)
  • Igotzeko denbora:3:20 h
  • Jeisteko denbora:1:30 h
  • Ezaugarriak:Ibilbide erraz eta oso nabarmena, Urrieles inguruan izan ezik (gune kaotikoa)
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.