Maupas Ertza

Capra Alpina(e)k idatzia.

4811
bisita

Remuñe eta Lis bailara artean kokatzen da eta Hospital de Benasquera doan errepide ingurutik gerturatze luzea du. Ertzaren zailtasuna PD+ da, II/II+ pauso iraunkorrekin, naiz III-ko bakarren bat ere dagoen. Ertza oso estua eta airezko da eta horrek, zaila baino zirragarriagoa bihurtzen du, ertzen munduan hasiberrientzat ez oso egokia. Boum hego isuruialdeko jaitsierak bi rapel beharrezkoak ditu.

Goizeko 5:00-tan iratzargailuak esnatu digu, gaua epela izan da eta Remuñe bailara sarrera adierazten duen kartel inguruko errepide bazterrean egin dugun bibaka atsegina. Xenda zabal batek hasiera honetan pinu beltz baso batetik altura irabaziz garamatza, gutxika bada ere, errododendro etengabe artetik Remuñe ibaira bitarte.

Betidanik ibaia gure ezkerrera eramanez harri bloke gune eta malda belartsuak gainditzen goaz, Pleta dels Capellans eta Remuñe lakuen inguruan egurrezko zubi baten kokalekura iritsiz. Ibaiaren bestaldean lehen bibak natural bat uzten dugu, "Covacho" izenez ezaguna, eta urmael txiki baten ingurura gerturatzen gara, non bibak gune bat dagoen, ala nola bigarren "Covacho" bat ere, lehenengoa bainan handiagona dena. Bertan, Boum mendira eta Planet Lepora doan saihesbidea ikusten dugu, itzuleran jaisteko erabiliko duguna.

Arana estutzen doa eta haitzartera bideratzen den bitartean ibaia zeharkatzea behartuak gaude, ura oldartsu doan bitartean zeharkaldia zailduz. Behin malda gogorra gainditu ostean arana berriro ere zabaltzen zaigu Forca de Remuñe mendia (2.945 m) buru den zirku handi batera iritsiz. Elurra ageri zaigu eta ertzeko zeharkaldian ez beste, ibilaldi guzian lagun izango dugu.

Ezkerretik hito batzuek jarraituz elur malda tente batera bideratzen gara, uda garaian harrikari tente bat biurtzen dena. Behin gainditu ostean eskuinera biratu eta malda leun batek gutxika Portal de Remuñe-ra (2.831 m) eramaten gaitu. Ezkerretik Forca de Remuñe mendia zeharkatzen dugu, Perdiguero handiaren oinpean aurkitzen den Ibon de Literola izoztuaren bista ikusgarriez gozatzen dugun bitartean.

Eskuinetik jarraituz Forca de Remuñe eta Tusse de Remuñe mendiek elkartzen dituen ertzera igo eta inongo zailtasunik gabe behe-tontorrera iristen gara (2.945 m), non bibak handi bat aurkitzen dugun. Minutu batzuek gerorago Tusse de Remuñe (3.041 m) mendira iristen gara (F). Hirumilako tontor apal bat dugu Cabrioules eta Maupas ertzeen elkargune, ala nola Literola eta Remuñe aranen muga ere.

Etrtzetik ekialde norabidean jarraitzen dugu frantziar isurialdetik jaitsiz bretxa txiki batera bitarte eta ondoren, apenas zailtasunik gabe Rabada gailurrera iritsi (3.045 m)(F).

Ertza airezko eta zorrotz bihurtzen da eta horrek, tentuz ibiltzea eskatzen digu, naiz arroka bikaina den eta segurtasun plus bat ematen digun. Bretxa sakon batera jaisten gara jarraian ertz ahotik berriz igo ahal izateko Navarro gailurra bitarte (3.043 m)(PD).

Tarte etzanago batetik jarraitzen dugu ertzak ekialde norabidea mantentzen duen bitartean, non baliatzen dugun hegoaldeko ormaren amildegira begirada bat bota ahal izateko eta ondoan dagoen laku izoztua ikusteko. Minutu gutxiren bueltan ertzaren pauso klabera getrturatu gara (III-), plaka zuri bezain leunak. Lasaiago ibiltzearren ensanblen gainditzea pentsa dugu, naiz eskalada zaila baino zirragarriagoa gertatzen zaigun. Iltze herdoildu bat ezker orman aurkitzen dugu erabili nahi izanez gero.

Hemendik aurrera ertza ez da orain arte bezain airezko eta zorrotz eta tximinia txiki bat eta ondoren bloke handi segida gaindituz, denbora gutxi barru Maupas edo Malpas gailurrera ailegatzen gara 3.111 m (PD+).

Boum mendira jarraitu ahal izateko gailurraren ingurutik iparrera erortzen den kontraormatik jaitsi beharrean gara "Paso Malo" deritzan gunera bitarte, nondik eskuak erabiliz Boum glaziarrera iritsiko garen. Maupas eta Boum mendiak elkartzen dituen ertzetik paralelo ekialde norabidean jarraitzen dugu, altuera gutxien galdu asmoz, Boun iparretik jaisten den kontraormara zuzentzeko.

Kontraorma gainditzea lortu bezain laster eskuinera bira egiten dugu (hego) zirku txiki batera iristeko eta 40º izango dituen maldari aurre egin gailurraren bertikalera iristeko. Azken zati onetan elurrik ez dagoenez, hito eta bide arrastoak jarraituz altuera irabazten goaz. Pasarte batzuetan eskuak erabili beharrean aurkitzen gara (II) eta azken oztopoa tximinia txiki bat dugu. Hau gainditu ostean Boum gailurra zapaltzeko aukera dugu 3.006 m.

Jaitsi ahal izateko ertza jarraitzen dugu mendebalde norabidetik, tarte erraz eta arroka onekoa, bretxa txiki batera ailegatuz eta behin bertan, ezkerrera bira egiten dugu (hego). Urrengo zatiko arroka ez da batere ona eta horrek erlaitz batera iritsi bitarte, kontu handiz joatea eskatzen digu. Bertan kordino batzuek aurkitzen ditugu lehen rapela egin ahal izateko.

30 metroko bi sokak elkartu eta bagoaz txirrist eginez bigarren rapela bila, lehenengoa bainan motzagoa dena (15 metro), non iltze eta soka tinko bat dagoen eta horrek, jaitsieran errimaia gainditu eta elurrezko maldara iristeko aukera ematen digu.

Elur maldetatik jaisten jarraitzen dugu kranpoien laguntzaz, ondoren aldizkako hitoak dituen arroka gunetik eta azkenik gune belartsu batetik uharraren paralelo urmael txiki eta bibak gunearen ingurura iritsi bitarte, Remuñe lakuen inguruan non berriz goizeko ibilbidearekin bat egiten dugun. Hemendik aurrera igotako bidean atzera egin besterik ez dugu A-139 errepidera iritsi ahal izateko.

Datu teknikoak

Ibilbidea: Maupas Maupas Ertza
Igoera data:2020-07-03
Desnibela:1659 m.
Kokapena:Pirinioak
Zailtasuna:PD+
Ibilbide zirkularra:Bai
Hasiera puntuan amaitzen da:Bai
Iristeko denbora:4:00h
Nola iritsi:
Benasque herritik igotzen den A-139 errepidea bukatzen den inguruan aurkitzen den Remuñe bailara sarrera adierazten duen kartel ondotik.
Igotzeko denbora:Boum mendiraino 5:00h
Jeisteko denbora:3:30h
Ezaugarriak:
Gerturatze luzea Tusse de Remuñe bitarte. Ondoren ertz zorrotz eta airezko batetik granito ona duena. Maupas eta Boum mendien arteko ibilbidea “Paso Malo” deritzan gunetik eta Maupas glaziarretik. Ibilbide luze eta prestaketa eskatzen duena, aukerakoa esperientzia duenentzat.
Materiala:
Kasko, 30 mt-ko bi soka, zinta eta friend bakarren bat ere, kranpoiak eta pioleta.
Egoera:
Elurra 2.500m-tik gora, naiz ertza garbi aurkitu genuen
Garaia: Uda
IBILBIDEAREN DATU GUZTIAK IKUSI