Txindokiren mendebaldeko ertza
bisita
Mendizale ororentzat ezinbesteko mendia da Txindoki (1346 m). Aralar Parke Naturalean kokatuta dago eta euskal mitologiaren kondaira askoren tokia da. Goierritik ikusita, itxura berezia dauka bere ertzaren laguntzaz eta Euskal Herriko Cervino ezizenaz ere ezagutzen zaio. Ertz hau eskalatzen hasteko toki aproposa da, guztiz hornitua dago bere zazpi luze eta 350 m-tan zehar eta bertatik paseotxo bat emanez txindokiko puntaraino hel zaitezke.
Autoa Larraitzeko aparkalekuan (401m) utzi ondoren parkera sarrera ematen duen langa gurutzatuko dugu. Bertatik bide normala jarraituko dugu Gaztesuiko langaraino (540 m), hemen pinudia hasten da. Bidea alde batera utzi eta ertzerantz doan bidetxurra hartuko dugu, ekialderantz ain zuzen. Aldapa malkartsu batean zehar jarraituko dugu Ameztiko leporaino (962m) eta hemendik ertzaren oinarriraino azken aldapa falta zaigu (II).
Lehen luzea
IV-ko tarte motza. Diedro batekin hasten da baina helduleku onak dauzka. Igo ondoren bilkunea egin dezakegu.
Bigarren luzea
Malkar (II) batean pixkat igo behar da ondoren berriro zulo batetaraino jeisteko.
Hirugarren luzea
Airetiko paso batekin hasten da, zulotik atera behar da ondoren tximinia (III+) baten sartzeko. Gero aurrera jarraituko dugu arazorik gabe bilkunera heldu arte.
Laugarren luzea
Tximinia (IV) txiki batekin hasten gara eta gainditu ondoren lau hankatan igoko gara berriro plaka leun eta eder bateraino.
Bostgarren luzea
Parabolt bat daukagu aseguratzeko eta pasa ondoren geihagoren gogoz geratzen gara.
Lau hankatan igoko gara punta bateraino gero berriz bilkuneraino jeisteko. Hemendik kriston bistak dauzkagu eta atzetik datozenei argazkiak ateratzeko baliatuko gara.
Seigarren luzea
Zailtasun pixkateko paso bat dugu diedro (IV+) bat igotzeko. Bilkunea egiteko bi parabolt dauzkagu baina pixka bat airezkoa da.
Zazpigarren luzea.
Belarrez betetako azken aldapa (II) geratzen zaigu. Nahi izanez gero goran bi parabolt daude bilkunea egin eta aseguratzeko.
Denok goran egondakoan bi aukera dauzkagu. Tontorreraino jarraitu edo rapelatzen jeitsi. Hogei bat metro gorago daukagu rapelatzeko mosketoiak baina 60 m-tako soka beharko dugu.
Tontorreko (1346m) bidea aukeratzen badugu ordea, ordu erdiko paseotxo baten ostean ailegatuko gara tartean Erlabeltzeko puntatik (1316m) pasatuz.
Datu teknikoak
- Ibilbidea: Txindoki Mendebaldeko ertza
- Desnibela:350 m.
- Kokapena:Euskal Herria
- Kategoriak : Ertza, Eskalada klasikoa
- Zailtasuna:AD
- Harri eskaladaren zailtasuna:IV+
- Hasiera puntuan amaitzen da:Bai
- Iristeko denbora:1 ordu
- Nola iritsi:Larraitzeko aparkamendutik bide normaletik igo behar da Gaztesuiko langaraino. Bertan, bidetik atera eta ertzerantz doan bidetxurra hartu behar da Ameztigo gaina alde batera utziz. Ertzaren oinarriraino jarraitu (II).
- Igotzeko denbora:2 ordu
- Jeisteko denbora:1 ordu
- Ezaugarriak:Mendebaldea, kareharria, hornituta dago, eguraldi onarekin jende asko biltzen da bertan.
- Materiala:Express-ak eta zinta planoak bilkuneak egiteko.
- Garaia: Uda, Udazkena, Udaberria
- IBILBIDEAREN DATU GUZTIAK IKUSI
Datu teknikoak
- Ibilbidea: Txindoki Ohiko bidetik
- Desnibela:947 m.
- Kokapena:Euskal Herria
- Kategoria : Erraketak
- Zailtasuna:F
- Hasiera puntuan amaitzen da:Bai
- Iristeko denbora:1 ordu
- Nola iritsi:Larraitz (401 m.) Zaldibiatik 4 km.
- Igotzeko denbora:2 ordu
- Jeisteko denbora:1 ordu
- Ezaugarriak:Zeharkaldi borobila eta zailtasun gutxikoa. Hizotza aurkitu ezkero arreta jarri beharko dugu ahinbat mendi hegal zeharkatzeko.
- Materiala:Raketak eta bastoiak. Kranpoiak eta pioleta ere beharrezkoak izan daitezke.
- Garaia: Negua
- IBILBIDEAREN DATU GUZTIAK IKUSI
Krokisa
_-_copia.jpg)
