Pliege Etzanaren Muinoa - 1.550 m
bisita
Pliege etzanaren muinoa Glaciares Parke Nazionalean aurkitzen da, El Chaltén herritik gertu. Cerro Torre eta bere glaziar Handi, Solo muinoa, Adela lerroa, Fitz Roy, barne-aldiko Capri, Ama, Alaba eta Iloba lakuak, ala nola Viedma laku erraldoiaren behatoki ikusgarria dugu. Ibilbide luzea patagoniako estepa eta patagonia andinoko baso artean, mendi garaiko azken zati bat ere duelarik.
El Chaltén herritik ateratzen gara, Trekkingaren hiriburu nazionala, Toro urmaela norabidean. 500 m eta gero ezkerrera biratzen dugu kondoren behatokira bidean, bertatik El Chaltén herriaren ikuskizun ezin hobea dugularik.
Arranoen behatokira jarraitzen dugu, bertatik hegoaldera begiratuz Viedma laku erraldoia ikusten dugularik.
Oiko bidetik asko urrundu gara baina pena merezi izan du. Gure bidera itzultzeko ordua iritsi da eta behin bertan, harrituta uzten gaituzten ñires eta lengas osaturiko baso artean gabiltza. Zuhaitzek osatzen duten Parkeko azalerak 79.000 ha. ditu.
Ibilbideak Pampa de las Carretas-tik jarraitzen du, ondoren baso mardul batetan sartzen delarik. Ondo markatua eta gorantz doan bide batek bertatik ateratzen laguntzen gaitu (1.000 m gutxi gora behera), jarraian paisai ezberdin batetan murgilduz, kasik goi mendikoa, bertan elkortasunak honaino ekarri gaituen alfonbra berdea ordezkatuz.
Eguna lainotua dago eta horrek ezinezkoa egiten du Cerro Torre eta Fitz Roy osatzen duten multzoak ikusi ahal izatea. Haize patagoniarrak indarrez putz egiten du eta altuera handian ez egon arren, hotza nabaria da. Elurra ere agertu da eta tontorreraino ez gaitu utziko. Behatokia deritzon lekuan gaude (1.500 m gutxi gora behera).
Azken aldapa batek tontorretik banatzen gaitu. Elurretan ondo markatuak dauden sigi-sagak jarraitzen ditugu eta naiz arretaz igo beharra izan, zailtasunik gabe Pliege etzanaren muino gailurrera iristen gara (1.550 m).
Hemendik Torre eta Fitz Roy mendiguneen ikuskizun ezberdin eta ez ohizko bat dugu. Penagarria lainoak ikusteko aukerarik ez ematea.
Datu teknikoak
- Ibilbidea: Pliegue Tumbado Muinoa Chaltendik
- Luzera:12.000 m
- Kokapena:Andeak
- Kategoria : Oinezko igoera
- Zailtasuna:F
- Hasiera puntuan amaitzen da:Bai
- Iristeko denbora:3:15 h
- Nola iritsi:Ibilbidea El Chaltén herriaren sarreran dagoen zaintzaileen etxe inguruan hasten da (Santa Cruz probintzia - Patagonia Argentinarra)
- Igotzeko denbora:5:20 h
- Jeisteko denbora:2:05 h
- Ezaugarriak:Inguruan dauden beste ibilbide batzuek ez bezala hau ez dago masifikatua. Fitz Roy edo Chaltén, Cerro Torre, Viedma lakua, etabar... dauden ikuskizunak apartak dira.
- Materiala:Makilak
- Garaia: Uda
- IBILBIDEAREN DATU GUZTIAK IKUSI
Igotzen diren mendiak
Natur guneak
.jpg)
Erlazionatutako ibilbideak
-
AconcaguaIbilbide normala edo ipar-mendebaldekoa
-
Bonete MuinoaPlaza de Mulastik
-
Cerro Torre-Fitz Roy trekking-a
-
ChopicalquiHego-mendebaldeko ertza
-
IshincaHego-mendebaldeko ertza
.jpg)
-
Paineko Dorreen behatokia Amarga Aintziratik
-
TocllarajuIpar-mendebaldeko ertza
-
Urus ekialdeIshinca bailaratik
-
YanapacchaMendebaldeko aurpegitik
