Llosas-eko gailurrak

Capra Alpina(e)k idatzia.
4078
bisita

Gailur hau ezin hobeto dago kokatuta Aneto-ra iristeko bere hego-mendebaldeko aurpegitik. Harroka ona dauka ia bere osotasunean, bista paregabeak eta egokia da fisurero,friend eta zintekin trebetasuna hartzeko eta hobetzeko. 3000 m-ko sei tontor igotzen dira Aneto-ko gailurreraino igo ezkero, baina egun berean egitea oso lan neketsua gerta daiteke.

 

Arratsakdeko hiruak aldera, Puente de Coronas (1950m) aterpetxera eramaten gintuen autobus bat hartu genuen Senartatik. 45 minutu inguru irauten du bidaiak eta mendi pista batetik igotzen gaitu eta 16.80 € balio du.

Bertan bi aukera geneuzkan gure helburura heltzeko. Zuzenean igo Brecha Inferior de Llosas-era izen bereko aintziretatik edo Coronas aldetik igo Ibon Inferior (2600m) ingurua bertan bibak egiteko asmoarekin. Azken hau izan zen guk aukeratutako bidea.

Lainoa eta lanbroa izan genituen bidailagun, batzuetan eskertzen zen eskeinitako freskotasuna motxiletako pixua arinago bihurtuz, baina  lotarako aterperik aurkitu ezean gau kaxkarra pasako genuela zirudien.

Ibon Inferior aldean bibak egiteko toki asko daude, pazientzi pixkat behar da toki egokia aurkitzeko. azkenean guk ere aurkitu genuen gure txokoa lanbro artean ibili ostean.

Motxilak utzi, lurzorua ahal genuen bezela berdindu eta afaria prestatzeko ur bila joan ginen. Uste baino denbora gutxiagoan afalduta geunden motxilak usten. Zakua, esterila, arropa, janaria...alferrikako pixu asko.

Ura hartzean ikus zitekeen Brecha Inferior de Llosas. Bibak egiteko tokiak aintzira baina 50 m altuago daude.

Lan guztiak egindakoan ohera sartu ginen. Urrungo egunean egingo zigun eguraldiarekin zalantzak genituen. Gauean 5ºC inguru eta ebia egin zuen eta gure ohetara pasatu zen ur pixka bat.

Gure logelatik bista ikusgarriez gozatzeko aukera izan genuen.

Goizeko 5:30 aldera iratzargailuak jo zuen. Zerura begiratu eta dena lainotuta eta hezea ikustean buelta erdia hartu eta berriro sartu ginen gure zakuetan. Eguneko lehen argiekin batera jeki giñen azkenean.

Gure lehen helburua Brecha Inferior de Llosas zen. Horretarako arroka hausiz osaturiko aldapa igotzeari ekin genion zuzenean. Iritsi baina lehenago ezkerrerantzko norantza hartu genuen Coronas aldean dauden kanaletako (I+) batetik Argarot orratzerantz (3035m). Segituan pasa ginen harrizko bloke haundi batzuk zeuden tokira.

Hasieran lotu gabe joan giñen, ezegoen ez zailtasunik ezta arriskurik. Lehenengo orratzaren ondoren jeitsiera gogor bat daukagu (II+). Gu lotu gabe jeitsi ginen, baina rapel bat egitea oso gomendagarria da.

Iritsi ginen puntu garrantzitsuenera. Tchihatcheff orratza (3052m). Hemen lotu ginen. Arrokaren ebakidura batean gaude eta hiru aukera ezberdin daude zailtasuna gainditzeko. Politena, zalantzarik gabe, zuzenean igotzea da bertan dagoen plakatik (IV), hiltze batzuk daude bertan aseguratzeko. Bestela eskubi naiz ezkerretik ere pasa daiteke zailtasuna. Guk Coronas aldetik pasatzea erabaki genuen. Horretarako bost bat metro jeitsi behar dira eta gero eskubitara jarraitu hausitako harriz osaturiko erlaitz batzuetatik (II), ebakidura batean sartu eta gailurrera bueltatu harte. Igotzen jarraitzen dugu plaka oker batetik gora (III). Aurrera jarraitzen dugu Tchihatcheff orratzerantz bidean III pasuren batekin baño gehienak I eta II-koak dira. Naiz eta zaila ez izan arriskutsuagoa da.

Aurrera jarraitu ahala, laino artetik ezguzki izpiak ikusten genituen eta hauek nola isladatzen ziren Aneto mendiko tontorrean. Segituan iritsi ginen arrokaren ebakidura nabarmen batetara. 40m ingurukoa. Rapel egiteko toki asko daude bertan, ongi begiratu behar da ze soka dugun eta nondik nora egin rapelak. Guk bi egin genituen, lehena zortzi edo hamar metro ingurukoa eta geratzen zitzaigun beste guztia bigarrengoan.

Esan bezala bi zatitan egin genuen rapela 70m-ko soka baigenduen. Oso rapel polita eta ikusgarria da. Ebakidura haundi batera iritsi ginen rapela egin ondoren.

Franqueville  orratza (3065m) igotzea da urrungo pausua. Bidea ez dago seinaleztatua baina ez dago galbiderik. Gailurretatik joan behar da harrizko bloque haundiak pasaz, gainetik, azpitik edo balkoiak zeharkatuz...

Sei ordu eta gero iritsi ginen gailur honen amaierara, Brecha Superior de Llosas-eko orratzera (3085m). Bertan 20m inguruko rapel bat dago.

Ertzean eseri eta egindako bideari begiratuz bazkaltdu egin genuen. Ondoren Anetorantz begira dena lainotuta ikusten genuen 3200m-tatik gora.

Ordubete itxaroten egon ostean erabaki genuen berako bidea hartzea, urrungo baterako uzten dugu falta zaiguna.

Egindako gailurren ibilbidea gure jeitsiera bidetik ederki ikusten zen.

Datu teknikoak

  • Ibilbidea: Aneto Llosaseko mendizerra
  • Igoera data:2013-08-28
  • Desnibela:1.135 m.
  • Kokapena:Pirinioak
  • Kategoriak : Ertza, Eskalada klasikoa
  • Zailtasuna:AD+ (IV (III beharrezkoa))
  • Harri eskaladaren zailtasuna:IV
  • Iristeko denbora:2 ordu
  • Nola iritsi:Vallibiernako pista bukaeran dagoen aparkalekutik. Puente de Coronas aterpetxetik. Hemendik Ibon Inferior-era, Coronas mendira igotzeko bidetik.
  • Igotzeko denbora:6 ordu
  • Jeisteko denbora:3 ordu
  • Materiala:70m-ko soka, kaskoa, zintak, friend-ak.
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.