Ihurbain. Beriaingo kanal ezezaguna

Capra Alpina(e)k idatzia.
4924
bisita

Pirineoetara goazen aldiero, San Donato edo Beriain mendia ederki ikusten da, Sakanako zaindaria bailitzan. Beriaingo goiko lautadara igotzeko bide asko dauden arren, Ihurbaingo kanala da dudarik gabe denen artean ikusgarriena. Baina udan igoera sinple bat dena (II+), neguan izotzak eta elurrak emozio puntu bat gehiago ematen diote kanal honen igoerari.

 

(0º) Unanuatik abiatu gara, eta pistan pare bat kilometro egin ostean ezkerreruntz hartu dugu, mendi malloaren ezkerretik igarotzeko.

 

Azken elurteen ondoren elur dexente dago, eta oso nekagarria da bidea irekitzea. Hala ere Ibon bezalako xerpa baten atzetik ondo goaz, nahiz eta arnas asko hartzeko betarik ez dugun berak jarritako erritmoan!

 

(1º) Errekaxto batzuk igaro behar dira, eta ur dexente daramate. Hego haize zakarraren ondorioz urjauzietako izotza urtzen hari da. Gainera haizea ur jauziekin jolasean dabil, eta azkar pasa gara paretik nahi ez dugun dutxarik ez hartzeko. 

 

 

(1º30') Pagarian sartu aurretik, hormazintzarriz betetako pasabide bat igaro dugu, eta ez da komeni geratzea, batenbat buru gainera erortzerik nahi ezpaduzu behintzat.

 

(2º) Pagarian eskubi aldera giratzen dugu, eta 20 minuturen ondoren kanalaren haserara heltzen gara. Ederrak dira puntu honetako bistak, batez ere kanalaren forma ikusgarria. Bertan egon arte ez nuke esango horren polita zenik.

 

 

Kanala ia elurrik gabe dago, erorita baitago gehiena eta kanal haseran pillatuta. Harri solte asko dago, eta kaskoa beharrezkoa da.

 

(2º30') Aurrera goazen einean geroz eta aldapa gehiago dago, eta kanalaren zati konplikatuenera heldu gara. 3 oztopo dauzkagu gure aurrean, eta bakoitzak 3-4 metro besterik ez dituen arren, elur eta izotzak igoera zailtzen dute.

 

Denbora dexente behar dugu 3 oztopo hauek pasatzen. Harri soltea ere badago, eta piolet eta kranpoiekin kontuz eman behar dira pausuak, pausu bakoitza emateko denbora asko igaroz. Hemen nor berak ahal duen bezela goaz goruntz, batzuk dotoreago eta beste batzuk "ahal dugun bezala", ni barne.

 

(3º) Kanalean haizerik ez bazegoen ere, irteeran gogor astintzen gaitu haizeak, eta Ihurbaingo tontorra bakarrik zapaldu dugu, Beriangoa beste baterako utziz. Gainera elur txipitxak hasiz dago, eta berehala jarri gara beheranzko bidean.

 

(4º) Jetxiera betiko bidetik egin dugu, eta ordu bete exkaxean kotxera heldu gara.

 

Lehenengo aldia zen niretzat Ihurbaingo kanala egiten nuela, eta benetan dotorea iruditu zait. Gainera etxetik horren gertu egonda pena merezi du hona etortzeak, eta bat baino gahiago harrituko da kanal honen dotorezia ikusita.

Datu teknikoak

  • Ibilbidea: Ihurbain Ihurbaingo kanala
  • Igoera data:16-03-2013
  • Desnibela:800 m.
  • Kokapena:Euskal Herria
  • Kategoriak : Korridorea, Kranpoiak, Mixtoa
  • Zailtasuna:PD+
  • Harri eskaladaren zailtasuna:II
  • Korridorearen graduazioa:45º
  • Eskalada mixtoaren zailtasuna:M3
  • Nola iritsi:Unanu
  • Igotzeko denbora:
  • Materiala:Kasko, kranpoi eta pioletak. Soka gomendagarria.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.