Aizkorri: Kanal Haundi Directa edo Narda Txiki?

Capra Alpina(e)k idatzia.
4846
bisita

Aizkorriren ipar kanala deskribatzeaz gain, bide honen istorioa gogorarazi nahi diot irakurle orori: ustez, mundu guztiak Kanal Haundi Directa izenez ezagututako bide honen benetako izena Narda Txiki omen da. Hori da behintzat inguruko beteranoek esaten dutena.

Goizeko 8:00tan irten gara Zegamatik. Bidegurutze batera iritsi arte ordu erdi ibili gara. Eskubirantz hartu dugu, pista minutu gutxira utzi dugu eta malda gogor bat igotzen hasi gara korridorearen oinera iritsi arte.

(0.45') Hemen jantzi ditugu kranpoiak. Pioletak hartu ditugu esku banatan eta bidearen graduazioak orain arte bezala jarraitu du: 45ºtan. Ordu erdi ondoren zuhaitz arteko bide batetik irten gara. Puntu honetan, maldaren graduazioa 55ºtan jarri da.

Bidea eskuin kanaletik doa.

Bidearen malda konstantea antzeman daiteke.

Igoeran Aralar eta Andia mendizerrak ikusi ahal ditzakegu.

Malda gehieneko pausura iristen.

(1') Lehen pausu hau pasa ondoren, bi aukera ditugu gure aurrean. Lehena, zuzen jarraitzea da bide mixto batetik; bigarrena, aldiz, harria inguratu eta kanal zabalagoan sartzea da. Bide mixtoa igotzen hasi gara, 3 metroko pausu motz bat besterik ez da izan, baina umeak bezala hasi gara gozatzen. Hau pasa ondoren, berriz korridorera itzuli gara 45ºko maldarekin jarraituz.

Lehen malda zorrotzena igaro ondoren.

(1.30) Tontorrera iritsi gara beste pausu mixto bat pasa ondoren. Zailtasunik ez du, baina gure gorputza tente jartzera behartu du. Guztira, 55ºko pausu bat eta bi area mixto zeharkatu ditugu. Gainontzean, malda 45º konstantean igotzen da tontorreraino. Etxetik urrun joan gabe, inguru alpinoa aurkitu dugu.

Area mixtoaren ondoren, berriz kanalera itzuli gara.

Bigarren pausu mixtoa, korridorearen amaieran. Hemendik tontorreko gurutzea bistaratu dezakegu.

Kanal Haundi korridorea ikusgarria da. Izen hau bai da originala.

Nire espedizio lagunak ohiko bidetik Otzaurtera jetsi diren arren, ni kanal berdinetik jetsi naiz behera. Beherako bidean, ingurua ondo ezagutzen duen Seguratar batek lagundu dit. Igotakoaz hitz egiten ari nintzela, Kanal Haundi Directa izena aipatu bezain pronto, berehala zuzendu nahi izan dit. Berak komentatu didanez, bidearen izena ezagutzen ez zuen batek krokis bat egin omen zuen. Bertan izen berria jarri zion bide honi. Krokis hau mundu guztia interneten ikusten hasi zenetik, izen berriarekin ezagutzen hasi zen. Bere esanetan, inguruko beteranoak haserre daude izen berria jarri diotelako beraiek bizi osoa Narda Txiki bezala ezagututako bide honi. Beraz, nahiz eta istorio hau egia den zehazki jakin ez dakidan arren, hemen idatzi nahi izan dut denok ezagutu dezagun egiazko izena zein izan daiteken.

Datu teknikoak

  • Ibilbidea: Aizkorri Kanal Haundi zuzena
  • Igoera data:23/03/2013
  • Desnibela:900 m.
  • Kokapena:Euskal Herria
  • Kategoriak : Ipar aurpegia, Korridorea, Kranpoiak
  • Zailtasuna:PD-
  • Korridorearen graduazioa:45º
  • Hasiera puntuan amaitzen da:Bai
  • Nola iritsi:Zegamako pausalekua eta gero (530 m.) eskuineruntz desbideratzea hartu, baserri multzo batetara iritsi arte.
  • Igotzeko denbora:1h 30 min.
  • Jeisteko denbora:1 h.
  • Ezaugarriak:55º-ko pausu bat eta bi zona mixto elur gutxi badago. Gainontzean, 450 metro eta 45º-ko malda.
  • Materiala:Kranpoiak, bi piolet eta kaskoa.
  • Egoera:Elurra.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.