6a-ren bidean

2036
bisita

Negu guztia eguraldi onaren zai egon ostean azkenean iritsi da katuak jantzi eta kirol eskaladari denbora pixka bat eskaintzeko garaia heldu da.

Goizean-goiz geratu gara zeregin asko dugulako. Gaur San Markosen egingo dugu gure saioa. Donostiatik oso gertu dagoen harrobi zahar batean dago eskola hau eta bertan dauden 'viak' zailtasunak IV+ tik 7b+ era doaz.

Egunsentiaz batera iritsi gara San Markos aldera. Aspaldi ibili ez geranez, berotzeko, dagoen errezenetako batekin hasiko gara, Orxi espaloia IV+ zailtasuna duena. Uste baina geihago kosta zaigu igotzea eta batere konfiantzarik gabe egin dugu. Bide hau ez da oso bertikala baina ez dauka helduleku nabarmenik. Atseden hartzeko pare bat toki dauzka eta hauek oso zabalak dira.

Igo ondoren, gorako bilgunetik soka kendu gabe ondoko bidea egitea pentsatu dugu. BasajuanKar, V zailtasunekoa. Lehenengo egindako bidearekin batera azken zatia berdina dauka. Uste baina hobeto igo dugu.

6a-ra salto egin nahi dugunez inguruan dauden beste bi bideak egiten saiatuko gara, Urdaburu eta Patxilin pitilin, biak aipatutako mailakoak. Horretarako egin duguna gorako bilgunetik soka pasatzea izan da. Aurreko bideko bilgunetik laupabost metrora dago horizontalean eta bertan lotuta geundela baliatu gara bilgune berrira heltzeko. Horrela egiten ez baditugu ere ez dugu batere materialik galduko eta erortzeko beldur gutxiago izango dugu.

Hasi gara beraz aipatutako lehen bidearekin eta arazo bat baino geihago igaro ostean lortu dugu igotzea. 6a maila izateko helduleku bikain batzuk dauzka. Indarraz baliatuz igotzea lortu dugu, horrenbesteko teknikarik gabe.

Urrungo urratsa bide bera goratik sokarik pasa gabe egitea da. Ez da sokarekin bezain erraza, baina azkenean, saiakera batzuen ondoren igotzea lortu dugu.

Bukatzeko beste 6a-ko bidea falta zaigu. Arrokan marra bertikalez osatutako marrazkia dauka eta ez dago inungo helduleku horizontalik. Aurrekoa baino askoz gehiago kostatu zaigu igotzea eta hori soka goratik pasata genuela. Hau ondo igotzeko indar pixka bat eta teknika puska bat falta zaigu oraindik.

Gaurkoan ez gara saiatuko sokarik gabe egiten, nekea gure gain daukagu eta urrungo baterako utziko dugu.

Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.