Barraskiloen ertza - Egino

5868
bisita

Arabako Egino herrian dagoen eskalada eskola famatuan dago kokatua. Sei luze eta 180 m dauzka, zailtasun nagusiena V- da, bertatik Altzaniako mendizerraren gainera heltzen zara, Olano (1082m) menditik oso gertu. Harri solte asko dago, ez dago hornituta eta parabolt-en bat aurkituko duzue zatirik zaileneetan eta luzearen hasieran, bilkunea eraikitzeko. Beraz, gomendagarria da zinta eta fisurero batzuk eramatea.

 

Egin beharreko lehenengo gauza La Leze-ko aparkalekura heltzea da, bertan aurkitzen da Eginoko eskalada eskolarako sarrera. Ezagutzen ez duzuenontzako, Egino eta Ilarduia Arabar herrien tartean dagoen bidegurutze bat hartu behar dugu ipar aldera, La Leze seinaliztapenarekin. Ondoren, oinez jarraituko dugu pista batean zehar La Leze-ko koba ezkerretara utziz. Kilometro bat egin ondoren "monolitoak" eskalada gunera helduko gara.

Bertan bide nagusia alde batera utziz ekialderantz doan bidetxurra hartuko dugu.

Argazkian ikus daiteke hartu beharreko bidetxurra eta lehenengo monolitoak.

Bide beretik jarraituko dugu 7. monolitoa igaro arte. Ezker aldera begiratuta ikusiko dugu ertza.

Ertzera heltzeko bertan dagoen bidetxurra jarraitu behar dugu eta paretera ezker aldetik sartu. Eskubitik jarraituz gero lehen luzea pasako dugu eta bigarrenaren erdian azalduko gara.

Hasteko prest!

Lehenengo luzea

Hiltze bat dago hasieran eta IV- zailtasuneko diedro txiki bat. Hemendik gora batere zailtasunik gabeko ibilaldia dago luzea amaitu arte.

Bigarren luzea

Parabolt-ik gabeko igoera errez bat dago, baina ez da oso bertikala. Kontuz harri solteekin. Bukaeran parabolt bat aro batekin dago.

Hirugarren luzea

Bilkunetik oso errez igotzen da pareta bertikala bihurtzen den arte. Hemen V- pasoa aurkituko dugu ezkerraldean helduleku onekin. 3 parabolt ere baditugu igotzen ari garen bitartean aseguratzen joateko. Zailtasuna gainditutakoan arodun parabolt-a aurkituko dugu.

Laugarren luzea

Zailtasunik gabe eta oso motza, baina bi aldetara erortzeko arriskua dago eta ez dauka inungo hornikuntzarik amaierara iritsi arte, arodun parabolt bat.

Bilkunetik ikus daitekeena.

Bostgarren luzea

Beste tramu motz bat. Hasieran parabolt bat dago, gero aldapa malkartsu bat igaro ondoren, parabolt bat dagoen tximinia errez bat dago. Gainditu ondoren, ezkerretara, azken paretaren oinean bi parabolt daude bilkura egiteko.

Bista ederra Eginoko herriarekin.

Seigarren luzea

Azken luzea. IV+ eko zailtasuna dauka eta helduleku paregabeak ditu ibilbide guztian zehar eta parabolt-ez lagundua dago aseguratzen joateko. Ezker aldetik hasiko gara eta goraka segitu parabolt-ek erakusten duten bidea jarraituz.

Gora iristean lautada txiki bat dago, ez dago inungo paraboltik bilkura egiteko baina parean harri haundi batzuk dauzkagu eta zinta edo fisureroen laguntzarekin lortuko dugu gure helburua.

Denak igotakoan, aurrean dagoen pareta txikia pasa behar dugu Altzaniako mendizerraren gainera heltzeko. Iparraldera parean daukagun mendia Olano da.

Gure gaurko abentura amaitzeko, berriro aparkalekura jetsi beharko dugu. Horretarako Olanorako igoerako bide normala hartuko dugu, mendebalderantz joko dugu pista bat aurkitu harte eta hori jarraituz ormigoizko tuboa zeharkatuz segituan iritsiko gara La Leze-ko aparkalekura.

Eginbeharrak bukatuta, etxerako bidean.

Datu teknikoak

  • Ibilbidea: Olano Barraskiloen ertza
  • Desnibela:180 m.
  • Kokapena:Euskal Herria
  • Kategoriak : Ertza, Eskalada klasikoa
  • Zailtasuna:AD+
  • Harri eskaladaren zailtasuna:V-
  • Luze kopurua:6
  • Hasiera puntuan amaitzen da:Bai
  • Iristeko denbora:30 min
  • Nola iritsi:La Leze-ko aparkalekutik pista bat jarraitu monolitoen guneraino. Bertan ekialderantz doan bidetxurra hartu eta 7. monolitoa pasata, iparrean aurkitzen da. 5 minutuz igo ertzaren hasieraraino.
  • Igotzeko denbora:2 ordu
  • Jeisteko denbora:30 min
  • Ezaugarriak:Kareharria, HE-IM, egutera, harri solte asko, hornitu gabea.
  • Materiala:Zinta eta fisurero batzuk.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.