Haitzulo - Araotz

Capra Alpina(e)k idatzia.
1700
bisita

Haitzulo Begia, inongo zalantzarik gabre, paraje magiko horietako bat dugu eta nahitaez sorgin, aztikeri eta akelarre mundura eramaten gaitu. Urak zulaturiko konplexu karstiko ikusgarria dugu, bi barrunbez osatua. Hauetako bat zerura irekia dago, bestea berriz kupula handi baten itxura du eta metro batzuek behera eginez, begi nini handi baten itxura duen zulo batetik Orkatzetegi mendia aldenik alde zeharkatuz, aran sakonera zorabiagarri erortzen da. 

Gure txangoa Zelaiaundi lepoan hasten da, Santikurutz Ermita inguruan (733 m), pista zabal bat Orkatzategi mendira norabidean jarraituz. Apenas ehunka metro gutxi batzuen ondoren Linatza Tumulua atzean uzten dugu, eskerrak seinalea lagun dugun zeren apenas nabari da, Ametzuaga mendiaren paralelo aurrera jarraituz. 

15´barru eta pistaren goiko aldean, Urtapotolueta lepora iristen gara eta eskuinetik, ozta-ozta, bi harlausa zutik mantentzen dituen Urtapotolueta I Dolmen parean, bertan bera uzten dugu. Eskuinean pinudi txiki bat zeharkatzen duen bide garbi bat utzi eta ezkerretik, apenas zehatz den beste batetik ertz harritsura bideratu. Behin bere parean, eskuinera biratu eta azken malda belartsura iristen gara, bertatik inongo zailtasunik gabe igoz, Orkatzategi gailurrera iristeko (869 m), Zaraia mendizerrako gailur garrantzitsua. Gutunontzia.

Urkulu urtegira ditugun bista ikusgarriez gozatu ondoren, Anboto eta Udalaitz albo banatan dituelarik, Aitzagain putzura norabidean jaisten gara. Eskuinera Aitzgain Dolmena uzten dugu, sastrakaz inguratua dagoenez ozta-ozta nabari dena, eta pintura txuri-horiz markatua aurkitzen den PR-GI-102 ibilbidetik jarraitu. Ehunka metro batzuek berant eginez ezkerrera biratu eta parez pare kareharrizko arku batekin topo egiten dugu eta hau zeharkatu ostean, gune magiko batetan murgiltzen gara.

Barrunbe barnean sartzean ganga zirraragarri batekin aurkitzen gara eta lehen tarte honetan itxura sendoa agertzen badu ere, aurrera sartzen garen heinean eskuin aldean zerura irekia dagoen zulo handi bat aurkitzen dugu, nondik eguzki izpiek sartzen diren eta ganga osoa argitu. Ezkerraldean berriz, metro batzuek jaitsiz gero, irekidura handi bat aurkitzen dugu begi-nini itxura duena, bertatik arana gure oinpean ikusten delarik.

Jentil eta sorgin historiek irudikatzen ditugun bitartean, lekuaren handitasunez gozatzen dugu. Sarrerako arkua zeharkatu eta berriz ere, PR-GI-102 ibilbidera itzultzen gara eta aurrez eginiko bidean atzera egin, Aitzgain putzura norabidean. Behin bertan, eskuinean Orkatzategi tontorrera doan bidea utziz, ezkerretik jarraitzen dugu uraren bidea parez-pare eramanez, Urtapotolueta lepora iritsiz.

Bertatik eta apenas bost minutuan Ametzueta mendira iristeko aukera dugu. Horretarako harriz eginiko horma zeharkatu beharrean gara, artzain txabola baten ondora iritsiz. Bide garbirik ez badago ere, ipar-mendebalde norabidean jarraitzen dugu, Ametzueta mendira iritsiz (807 m), non suziri bat gutunontzi moduan dagoen.

Urkulu urtegira, naiz Mariren bizileku den Anboto edo Udalaitz mendira ditugun bista ikusgarriez gozatu ostean atzera egiten dugu, berriz ere, Zelaiaundi zelaietara itzuli ahal izateko eta bide batez, Euskal Herriko toki magiko hau bisitatu ahal izateko aukera izan dugun txango eder hau bukatutzat eman.

Datu teknikoak

  • Ibilbidea: Orkatzategi Aitzulo Araotz
  • Igoera data:2019-12-28
  • Luzera:7,5 km.
  • Desnibela:422 m.
  • Kokapena:Euskal Herria
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Santikurutz (733 m) lepo eta Ugastegi zelaietatik
  • Igotzeko denbora:2:30h
  • Ezaugarriak:Ibilbide erraza eta aukerakoa umeekin egin ahal izateko
  • Egoera:Ibilbide erraz eta egoki markatua zailtasunik gabe gune majiko batera eramngo gaituena, AITZULO BEGIA
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.