Xaguxarren ertza

Capra Alpina(e)k idatzia.
353
bisita

Pirinioetako ertzik ezagunenetarikoen artean aurkitzen da izen berezia duen hau: Xaguxarren ertza. Ibilbide honek pare bat horratz gainditzen ditu, mendizerra osoko mendi esanguratsuenetariko batean amaitzen delarik.

La Clerako begiratokian hasten gara oinez. Pistatik igotzen hasi Asperuntz doan bide normaletik eta berehala eskuinetara hartuko dugu lehen bidegurutzean, Aisako bailaratik zehar. Belar-bidea amaitzen hasi eta harri-bloquez osaturiko kanaletik barrena goaz. Itzal askoko lekua denez, urtaro bakoitzean kontuz ibili beharko gara elur mailarekin. Agian komeni da kranpoiak motxilan izatea.

Eskalada-bidea ez da bailara hontako lepoan hasten zehazki, lehen erresaltearen gainean baizik. Inongo zailtasunik gabe gainditu dezakegu ezker maldatik. Geroz eta Dondestastú horratzetik gertuago egon, orduan eta zorrotzagoa jartzen da ertza.

1. luzea (IV): Tximiniatik igo eta, gainditu ostean, ipar aurpegira ateratzeko keinua egin eta ertz bertan sartuko gara. Enkajonamentu bat edo beste pasa eta, 30 metro soka egin eta gero, pare bat erresalte trakets aterako dira bidetik. Ez daude gainditu beharrik, biratik bi horratzen lepora atera baikaitezke zuzenean.

2. luzea (IV+): Bide guztiko luze politena da, hasieran regleta txikiz osatutako horma delarik. Ondoren, harria okerragotzen hasten da kanal estu batean sartu ostean. Zortez, hemen zailtasuna asko jeisten da.

3. luzea (II): Dondestanestos horratzera doan transizio kresterioa.

Rapela: 18 metro.

4. luzea (III+): Azken espoloiera gerturatu eta gero, beste luze bat egingo dugu bide errezenetik, baina ertz-ertzetik urrundu gabe. Bloke handi baten azpian zintaz osaturiko bilkunea aurkituko dugu.

5. luzea (V-): Bloke handi honen ezkerrean dagoen bira hartuko dugu, gure sokakidearekiko kontatu bisuala galduz. Plaka etzan batetik gora egin eta ezkerreruntz doan fisura batetik igoko gara. Motza, baina delikatua da pausu hau. Goikaldean iltzea dago gu lotzeko. Biratik eskuinera jarraitu bilkunerarte.

5. luzea (Bariantea - 6a): Fisura hontatik igo ordez, eskuinean dauden blokeetara igo, nabarmen ikusten den bilkunera. Hemendik aurreko luzearekin elkartzen den igoera dugu. Honek ere ezkerreruntz du pausua, oinak jartzeko aukerarik ez dagoen fisura diagonal bat delarik. Trebetasun pixkatekin, gure kasuan arrastaka, berriz bide normalera sartzea lortu genuen.

6. luzea (IV+): Luze honen zailtasun bakarra hasieran duen tripatxoa da, baina soka potolo bat dago bilkunean, arazorik izanez gero. Hau pasa eta gero, belar-bira batetik jarraituko dugu inolako zailtasunik gabe.

7. luzea (IV): Ezkerreko tximiniatik gora joko dugu, iltzeren batek ondo goazela konfirmatzen digularik. Beste orri batzuetako deskribapenetan, tximinia hau gainditu eta gero, eskuinera doan bira batetik igotzen dira. Gure kasuan zuzenean jarraitu genuen aurretontorrera, sokaren 60 metroak erabiliz.

Azkenik, krestatik jarraitu tontorrerarte, III-ko pausuren bat aurkituko dugularik, baina soka jada ez da beharrezkoa. Jetsiera, Asperen bide normaletik egingo dugu, bere bereizgarri den bide karstikotik zehar.

Datu teknikoak

  • Ibilbidea: Aspe Xaguxarren ertza
  • Igoera data:2019-06-22
  • Luzera:9.960 m.
  • Desnibela:1.227 m.
  • Kokapena:Pirinioak
  • Kategoriak : Ertza, Eskalada klasikoa
  • Zailtasuna:D (Bariantea: 6a)
  • Harri eskaladaren zailtasuna:V-
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:30h
  • Nola iritsi:La Cleta-tik, Aisa pasata.
  • Igotzeko denbora:5h
  • Jeisteko denbora:2h
  • Materiala:3ko kordadarako, 60 metroko bi soka, Alien semaforoa eta zinta batzuk.
  • Garaia: Uda, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.