Atxerito Gran Diedro Sur - 400m/V+

Capra Alpina(e)k idatzia.
157
bisita

Atxerito, Oza eta Zuriza bailaren artean zutitzen den mendi eder eta ikusgarri bat dugu. Zuriza bailara erortzen diren maldak leun eta erosoak diren bitartean, Oza bailara erortzen direnak oso bertikal eta malkartsuak dira. Gaur beste batzuetan ez beste, Sendero Limite taldeak ekipatua duen eskalada ibilbidea errepikatzeko asmoa dugu. Hau hego aurpegian duen diedro handi batetik gora igotzen da. Jatorrizko ibilbideak 14 luze baditu ere, guk 12 luze behar izan ditugu gainditu ahal izateko.  

La Mina aparkalekutik abiatu gara eta eskuinean Atxerito Ibonera doan bidexka utzi eta ezkerretik gorantz egiten dugu. Hasiera honetan kontuz ibili behar dugu erratu gabe, GR arrastoak segiz Anzotiello mendi pasartera iritsiko bai ginateke, guri gertatu bezala. Konturatu ginen orduko eskuinetik doan bidera itzultzen saiatu ginen (kolore hori-berde) eta aterpetxera iritsi aurretik lortu ere. Behi eta txahalak lasai bazkatzen duten malda belartsu batzuek gaindituz gero, hormaren oinpean daukan hartxigadira heltzen gara. Azken asteetan eginiko bero zakarrak desagertu arazi du ibilbide hasieran ohikoa den elurtea, ala nola leizearen sarreran egoten dena ere, beraz pioleten beharrik ez dugu.

L1 - IV / 30 m

Eskalada ibilbidearen izena daraman paraboltean hasten da. Lehen luze honen zailtasuna hasierako zatian aurkitzen dugu, ezkerrera etzana den tximinia bat bloke eta guzi, non helduleku onak aurkitzen ditugun. Gainditzea lortu eta dagoeneko errazago, plaka etzan batetik jarraituz lehen bilkura gunera eramaten gaitu. 

L2 - IV+ / 40 m

Bigarren luzea ezkerrerako zeharkaldi batekin hasten dugu, bainan goikaldean pitzadura txiki bat badu ere, apenas hatz puntekin heltzeko aukera dugu. Irtenbidea eskuinera du eta helduleku oneko diedro txiki batzuen segidak, azken plaka etzan batera garamatza eta bereala bigarren bilkura gunera.

L3 - IV+ / 40 m

Lehen zatian horma bertikal batekin aurkitzen gara eta eskuinetik helduleku oneko tximinia batetik gahinditzen dugu. Altuera irabazten goazen heinean diedro txiki bezain bertikal bat, ezkerretik igotzen dena, gainditu behar dugu etan jarraian, hirugarren bilkura gunera eramaten gaitu.

L4 - I / 30 m

Luze hau transiziokoa dugu eta zailtasun teknikorik ez duenez, ibiliz laugarren bilkura gunera iristeko erabakia hartu dugu. Bilkura pasarte klabe eta ibilbideari zailtasuna ematen dionaren oinpean aurkitzen da. Leku honetan eskalada utzi eta  ihes egiteko aukera dugu ezkerretik hartxigadia jaitsiz eta ibilbidearen hasiera itzuliz.

L5 - V+ / 25 m

Bilkuratik atera, kanal estu batetan murgildu eta tximinia batetik igoz diedro desplomatu txiki batera iristen gara. Gainditu ahal izateko oinak horma desplomatuaren eskuineko aldean finkatu eta eskua pitzadura handi batetan sartuz, aurkakotasunez hormaren goiko aldean dagoen helduleku on batera iristen saiatu. Sendero Límitek hornitutako ibilbideetan ohikoa den bezala, oso ondo babestuak izaten dira eta hau salbuespen ez da. Hiru paraboltek babesten dute horma eta behar izan ezkero, pasartea A0 gainditzeko erabili daitezke. Behin gaindituz gero pasarte errazago batzuek plaka etzan batera eramaten gaituzte, bertan "canalizo" izenez ezagunak diren kanal batzuetatik igoz bosgarren bilkura gunera iristen gara.

L6 - III+ / 65 m

Kanal estuak dituen plaka etzan batetik jarraitzen dugu ("canalizos"),  kareharrizko hormetan oso ohikoak direnak eta apenas zailtasunik eskaintzen digutenez, ensanblen igotzeko erabakia hartu dugu eta horrela 6 eta 7 luzeak elkartu eta ibilbideko zazpigarren bilkura eta gure seigarrena den kokapenera iritsi. Bilkura hau tximinia bertikal polit baten oinpean aurkitzen da.

L7 - V / 20 m

Bilkuratik atera eta eskuinera bira egin eta bete betean tximinian sartu aurretik, lehen parabolt batetan finkatzen gara. Tximiniak hasiera honetan zati sakonenetik igotzeko gonbidapena egiten badigu ere, laster konturatzen gara era erraz eta dotorean gainditu ahal izateko kanpoko aldetik igo behar dugula. Mugimendua erraz bezain dibertigarria, azken finean bi eskuekin tximinia hormetan presioa egin eta pixkanaka hankak igotzen saiatzea besterik ez da. Erritmiko mogimendu segida batzuen ondoren goi zatira iristen gara non zazpigarren bilkura aurkitzen dugu (ibilbideko zortzigarrena).

L8 - IV+ / 40 m

Luzearen hasiera oso bihurria da eta naiz gure lehen asmoa aurrekoa eta datorren hau elkartzea zen, soka edozein ertzetan trabatzeko aukera handiak daudenez segituan baztertzen dugu. Lehen horma bertikal batek, malda txiki batzuen segida eramaten gaitu eta hauek plaka etzab batera, bertatik zortzigarren bilkura gunera iristeko, tximinia berri baten oinpean.

L9 - IV+ / 25 m

Tximinia hau ez da aurrekoa bezain luzea, ez ahin polita ere, bainan bere xarma du. Bataz beste hamarbat metro ditu eta eskuin aldean pitzadura bertikal bat agertzen du, ezker aldetik gainditzen duguna. Saiatu ezkero helduleku onak aurkitu ditzazkegu altuera erraz irabazi ahal izateko. Bi prabolt ondoren zinta bat autkitzen dugu 90º eskuinera biratu aurretik. Ondoren gune errazago batetik igotzen jarraitzen dugu, azken plaka etzan batetik bederatzigarren bilkura gunera iritsi ahal izateko.

Terraza handia - II /120 m

Soka eta katu-hankak kentzen ez denbora galtzearren gorantz ibiltzen hasten gara, bainan segituan konturatu gara ez dela batere erraza izango. Harri txintxor asko bai daude edonora begiratzen badugu ere eta ikuitu txikienarekin maldan behera abiatzen dira. Badaezpada hormara ahal dugun gehien inguratzen gara harririk ez bota ahal izateko. Malda erdian parabolt bat dago eta metro batzuek gorago ezkerrera biratu eta oraindik urrun ikusten bada ere, leize zuloa ageri da bainan ez du elur arrastorik sarreran. 

L10 - IV+ / 25 m

Leize barruan parabolt bat aurkitzen dugu eta bertatik zintzikik zinta bat ibilbidearen izenarekin "Gran Diedro Sur", hau da hamargarren luzearen hasiera. Erlaitz horizontal batera igo beharrean gaude eta plaka bertikal batetik jarraitu leizearen kanpoko aldera ateratzeko. Gure kokapena ezinhobea da ibilbide guziko irudirik ikusgarriena ikusi ahal izateko. Kanal edo "Canalizo" batzuetatik gorantz jarraitzen dugu eta azken plaka batek hamargarren bilkura gunera eramaten gaitu. Hau bloke handi baten ondoan aurkitzen da.

L11 - II / 25 m

Apenas zailtasunik duen luzea dugu eta bigarren leize batetan bukatzen da, aurrekoa bainan askoz ere txikiagoa izanik, non hamaikagarren bilkura aurkitzen dugu. 

L12 - IV+ / 45 m

Hormak hasiera honetan itxutra ezberdina agertzen du, orain arte ikusi ezduguna. Arroka erabat autsia dagoela dirudi eta naiz oso egonkorra ikusten ez den oso sendoa da. Bost metroko igoera bertikal baten ondoren leize sabaiaren ondora iritsi gara eta atera ahal izateko makurtu beharrean gaude motxilak oztopo egin ez dagigun. Hemendik aurrera eta dagoeneko zeru irekian, gune errazago batetik igoz plaka etzan batzuek hamabigarren bilkura gunera eta azkena denera eramaten gaituzte, apenas 30 metro Atxerito (2.374 m) tontorraren azpitik. 

Collado del Huerto lepora norabidean jaisten gara eta behin bertan, ezkerrera biratu (hito) eta hartxingaditik jaitsiz goi larreetara ailegatzen gara. Bertatik ikuspegi ezin hobea dugu orain gutxi eskalatu dugun hormara begiratuz. Jaitsiera segiz aterpetxera iristen gara, non La Mina aparkalekura doan xendarekin bat egiten dugun bertara itzuli ahal izateko, non orain ordu batzuek autoa utzi dugun.

 

Datu teknikoak

  • Ibilbidea: Atxerito Hegoaldeko Diedro Handia
  • Igoera data:2019-07-20
  • Luzera:13.600 m.
  • Desnibela:1.230 m.
  • Kokapena:Pirinioak
  • Kategoria : Eskalada klasikoa
  • Zailtasuna:D+
  • Harri eskaladaren zailtasuna:V+
  • Luze kopurua:14
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:30 h
  • Nola iritsi:Ozako Basoko Parking-etik.
  • Igotzeko denbora:4:30 h
  • Jeisteko denbora:2:00 h
  • Ezaugarriak:Eskalada-bideko okerrena harri asko erortzen dela da.
  • Materiala:3ko kordadarentzako, 60 metroko 2 soka, 12 express eta zinta batzuk.
  • Egoera:Kontuz bide sarrerako elurrarekin. Balikete elurra egotea udan ere.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.