Galayo Txikia eta Galayo handia - D

Capra Alpina(e)k idatzia.
606
bisita

Galayoak Ávila probintziako Grerdos mendizerraren hego isurialdean kokatuak daude eta granito orratz zorrotz multzo ikusgarri, hantustetsu eta lirainez osatuak daude, leku ezin hobea osatuz eskalada klasikoez gozatu ahal izateko. Victory aterpetxearen eraikitzeak, 1.949 urtean, ibilbide asko irekitzea ekarri zuen eta dagoeneko 1.981 urtean, 210 ibilbide zehaztuak zeuden. Galayo Handia dituen 2.215 m-kin tontorrik garaiena dugu, dena den El Torreón edo Vértice de Calvitero dituen 2.400 m-kin, esan genezake tontorrik deigarriena duela.  

Nogal del Barranco Plataformatik abian jartzen gara (1.050 m), Guisando (Ávila) herritik apenas kilometro gutxi batzuetara eta 7 km, 900 metroko bataz besteko desnibela eta 1:30 h-ko ibiliaren ondorioz, 1.949 urtean eraikia eta 14 leku dituen Gredos Mendi Taldearen Victory Aterpetxera iristea lortu dugu. 

Denborarik galdu gabe Galayo Txikiaren oinpera abiatzen gara, apenas bost minutura duguna, Vía Sur de la Apertura ibilbidea aurkitu asmoz. Gerturatzen goazen heinean, hirukote bat erlaitz baten gainean eskalatzeko prestatzen ikusten ditugu eta ezin bestean, gerturatu eta galdetzen diegu. Kasualitatea izan dezake baina beraiek ere asmo berdinarekin etorri dira eta lehenago iritsi direnez, ezin bestean itxaron beharrean gaude. 

Itxaroten gauden denbora zerbait jateko baliatzen dugu, ez alferrik etxetik atera garenetik eta badira dagoeneko 8 ordu, ezer jan gabe gaude. Aurretik daramagun kordada ez dirudi oso azkar doanik eta horrek, nahitaez denbora askoan geldirik egotea behartzen digu eta horren ondorioz izoztuak geratzen ari gara, ipar haizea indarrean bai dabil eta hozberoa baxua den. 0:45 h eta gero eskatzen hasteko prest gaude.

VÍA SUR DE LA APERTURA - AD+

1 Luzea- Eskalada diedro batetik gorantz hasten da (IV), dena bainan zailagoa iruditzen zaiguna hatzak izoztuak bai ditugu eta harria sentitzeko gauza ez gara. Behin diedroa nola edo ala gainditu ostean, malda erraz batzuek gaindituz jarraitzen dugu (III), lehen bilkura kokapenera iritsiz. Bilkura beste kordadak egin duenaren azpitik egiten dugu. Ez ditugu erreztasunez eskalatzen ikusten eta kezkatzen hasiak gara.

2 Luzea- Aurreko kordadaren azken laguna eskalatzen hasi bezain laster gu ere abian jartzen gara. Ibilbideak hormaren sakonunetik jarraitzen du gure eskubialdean aurkitzen den malda garai baten parera bitarte (III). Aurretik daramagun kordadak eskuinera egin du eta malda gainean kokatu dira bilkura eginez (kordinoa). Guk hau ikustean aurre hartzeko aukera ederra ikusi dugu eta denborarik galdu gabe, ezkerritik gorantz jarraitzen dugu. Helduleku asko ez dituen horma bertikal batekin topo egiten dugu (IV-).

Plaka bertikala behin gaindituz, tximinia estu eta bertikal batetan murgiltzen gara. Eskalada ez da oso zaila (III+) eta hogei metro ondoren estuago den gune batera iristen gara (IV), non motxila ez ezik, gu ere bertatik pasa ahal izateko oztopo galanta gara. Akrobaziaz beteriko mogimendu batekin gainditzea lortu dugu eta eskuinera eginez, birugarren bilkura egiten dugu.

3 Luzea- Bilkuratik atera eta bereala beste tximinia tente eta zorrotz batekin topo egiten dugu (III+), azkar batetan altura irabazten laguntzen diguna. Helduleku askorik ez dugu aurkitzen baina segurtatzeko friend-ak jartzeko aukera dugu, pitzadura asko bai daude. Hirugarren bilkura plataforma txiki batetan egiten dugu, bloke handi batetan soka bat pasatuz. Bilkuratik ikusita tximiniaren irteerak giro aparta du.

4 Luzea- Denetarik errazena da eta ori dela eta, ensanblen egitea erabaki dugu (III). Gure ezkerretik datorren Via Felisín D+ ibilbidearekin bat egiten duen kanal zabal batek, bloke handi artetik Placa Rivas norabidean eramaten gaitu. Azken luzea eskalatu eta Galayo Txikiaren tontorrera igo ala ez kezkati gaude, eguraldia azkar okertzen ari bai da, naiz eta Placa Rivas bertan gauden, bainan azkenik ez igotzea erabaki dugu.

Eguraldia oso azkar okertzen ari da eta lainoak, tarteka bada ere, erabat estaltzen digu ezer ikusteko aukerarik eman gabe. Placa Rivas ezkerrean utzi eta eskuinetik berantz hasi gara Galayo Handiko Diedro ikusgarriaren bila, ez alferrik helburu horrekin etorri bai gara. Destrepatzen goaz konfiantza handirik gabe aurkitzen ditugun hito bakan batzuek jarraituz.

Minutu batzuek geroago Galayo Txikiak eta Torreoiak osatzen duten kanalera iristea lortu dugu, nondik itzulera egingo dugun. Berriz ere korridore ezegonkor batetik igotzea behartuak gaude, ez oso laguna eta bere zailtasuna duena. Ordoki txiki batera iritsi gara diedroaren oinpean aurkitzen dena, nondik igotze bidea zerumugan galtzen den (edo laino artean), itxura sinestezin eta ikusgarria emanez.

GRAN DIEDRO - D

Diedroa bainan metro pare bat eskuinerago klabija handi bat bere uztai eta guzi aurkitzen dugu, bilkura egin ahal izateko. Diedroa goitik behera pitzadura batek zeharkatzen du igo bidea adieraziz. Bertatik gora egin behar dugu bainan estua denez bi hoinak apenas sartzen zaizkigu. Galayo-ko eskaladetan ohikoa denez seguruak oso bakan jarriak daude, eskalada askoz ere teknikoagoa eta naturalagoa eginez, eta orin dela eta gure segurtasuna bermatze asmoz, tarteka bada ere, friend bakar batzuk jarri beharrean gaude. 

1 Luzea- Diedroaren lehen zatiak eskuentzako helduleku ederrak eta oinentzako malda txiki ugari azaltzen ditu eta horrek, azkar igotzeko aukera ematen digu. Diedroaren erdi parean gaude, non malda txiki batetan hiru iltze dauden bilkura egin ahal izateko. Jende askok bertan egiten du bilkura bainan bertara igotzeko behar izan dugun soka kopurua kontutan izanik, 25 metro, pentxatzen dugu gora iristeko nahiko soka izango dugula eta ori ala izanik, arriskua hartu era gorantz jarraitzeko asmoa dugu.

Lainoak zenbait unetan estu hartzen digu, elkar ikustea ere galeraziz eta eskalada zailduz. Hemendik aurrera pitzadura askoz ere estuagoa egiten da eta eskalada asko zaildu. Friend-ak jartzen jarraitzen dugu, tarteka bada ere, zeren beherantz dugun zuloa bakoitzean handiago bai da eta alfer arriskurik ez dugu hartu nahi. Azken zatian pitzaduraren babesetik atera eta babaresa teknika erabiliz irtengune txiki bat gainditu behar dugu, non goi aldean, apenas gure burutik bi metrora, eskuentzako helduleku handi bat aurkitzen dugun. 

2 Luzea- Behin tarte zail hau pasa eta apenas inongo zailtasunik gabe, diedroaren goi zatira iristen gara, non bilkura egiten dugun. Hemendik aurrera ertzetik ensanblen jarraitzen dugu eta metro gutxi batzuek eta gero, ezkerretik berantz eginez bretxa txiki batera iristen gara. Bertatik aurrez aurre dugun irtengune bat gainditu eta bloke handi bat sartua duen tximinia batera iristen gara, gainditzea dezente kostatzen zaiguna (IV).

Era honetan gune etzan eta lasaiago batera iristen gara, tontorretik gertu, inongo zailtasun teknikorik ez duena. Soka bildu eta gorde ondoren, bi tontorren artean aukitzen den lepo txiki baten norabidean igotzen gara, bainan tontorra ezkerrekoa edo eskuinekoa ote den kezka dugu. 

Eskuineko tontorrera igo gara bainan ez dirudi hau denik eta bertatik jaitsi ondoren, ezkerrean geratzen dena igotzen saiatzen gara. Bloke handien artetik altura irabazten goaz eta inguru honetako tontorrik garaiena den Gran Galayo-ra iristea lortzen dugu (2.215 m). Pena lainoak dena estalia duela eta talaia ezin hobe honetatik ikus daitezkeen paisai apartak ezin ikusterik dugun.

Kanalera jaitsiera ez zaigu batere erraza suertatzen. Lehen zatian laino zerratuaren ondorioz bustiak dauden arrokak, behin eta berriz destrepatu behar ditugu eta horrek, gure arreta osoa eskatzen du. Poliki poliki aurkitzen ditugun hitoei esker beherantz goaz, laino artetik ateratzea lortuz.

Behin kanalera iristea lortu dugu eta minutu gutxi batzuen ondoren, jende asko dagoen Victory Aterpetxera iristen gara. Ordu bat beranduago eta jadanik gau ilunean murgildurik, Nogal del Barranco aparkalekura iristen gara, non ordu batzuek lehenago autoa utzi dugun.

 

Datu teknikoak

  • Ibilbidea: Galayo Handia Nogal del Barranco-tik
  • Luzera:8.150 m.
  • Desnibela:1.183 m.
  • Kokapena:Bestelakoak
  • Kategoria : Eskalada klasikoa
  • Zailtasuna:D
  • Harri eskaladaren zailtasuna:V
  • Luze kopurua:6
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:1:35 h
  • Nola iritsi:Guisando (Ávila) herritik apenas kilometro gutxi batzuetara dagoen Nogal del Barranco Plataformatik abian jartzen gara (1.050 m)
  • Igotzeko denbora:3:05 h
  • Jeisteko denbora:1:00 h
  • Ezaugarriak:Eskalada klasikoa granito ederrean eta oso gutxi ekipatuak dauden ibilbidetik
  • Materiala:60 m-ko soka, kaskoa, arnesa, friend jokua, zintak, kordinoren bat eta katu hankak
  • Garaia: Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.