Alba Ertza D- / IV+

Capra Alpina(e)k idatzia.
636
bisita

Alba Ertza edo 15 Gendarmeen Ertza bezala ezaguna dena, Salenques-Tempestadesekin batera Malditos Mendietako zailenetako bat da. Pirineoko ertz klasikoenetako bat dugu, luzea, dotorea eta airezko, 1.000 m goitik luzeran eta Pico del Alba gailurrean bukatzen dena. Ibilbide gehienean II+ eta III+ zailtasuneko pasarteak badira ere, IV eta IV+ ko pasarteak ere baditu, eskaladari zailtasuna emanez.

Baños de Benasque inguruan autoa aparkatu ondoren, NE norabidean GR-a jarraitzen dugu eta ehunka metro batzuek aurrerago, eskuinera desbideratzen gara E norabidean (itoak) eta Turonet Kanalaren paralelo, aldapa tente batetik gorantz ibiltzen hasten gara.  

Poliki poliki xenda nabarian gora Tuca del Campamento mendi ingurua zeharkatuz goaz, Alba aranean murgildu eta Alba behe lakura iristea lortuz (2.255 m). Glaziar jatorriko lakuak 2,2 Ha-ko azalera du. 

Lakua ezker aldetik zeharkatzen dugu xenda nabari batetik, Alba mendia eta bere ertz luzearen begiradapean, kanal harritsu, zein belartsu batzuetatik igoz, Alba goi lakuaren sakonera iritsi bitarte. Alba behe bretxa non ertz zirraragarria hasten den lekua urrunean oso nabaria ageri zaigu.  

Alba gailurrera doan ohiko ibilbidea ezkerrera utzi eta azken lakuaren sakonera metro batzuek jaisten gara. Apenas xenda arrastorik bilatzen ez ba dugu ere, bretxa nabarmenak ibilbidearen norabidea jarraitu ahal izateko ez digu inolako zalantzarik eskaintzen . Bretxa oso deigarri gertatzen da.

Behin bertara iristean egiazko harri ate baten aurrean gaudela dirudi eta zailtasun pixka batez gainditzen dugu. Behin arnesa eta kaskoa jarri eta sokaz lotu ondoren, eskaladari hasiera ematen diogu. Plaka lehun bat gainditzen dugu (II+) Alba isurialdetik zeharkatuz, lehen gendarmera iritsi ahal izateko.

Ertzak eremu erraz batetik fisura tente baten oinpera iritxi bitarte jarraitzen du (IV) eta non parabolt bat aurkitzen dugun. Itxuraz norbaitek bertan express bat utzi du eta beraz baliatuz pasartea segurtatzen dugu. Behin gaindituz lehen dorre handiaren hormarekin aurkitzen gara.

Plaka batzuek gaindituz erlaitz estu batera iristen gara, non ezker aldetik eta diagonalean maila txiki batzuek gainditzen ditugun eta azken pitzadura batek (III+) , dorrearen goiko zatira eramaten gaitun. 

Eremu erraz batetik bretxa sakon batera iristen gara, non beste dorre ikusgarri batek bidea oztopatzen digun. Gainditu ahal izateko eskuin aldetik zeharkaldi bat egiten dugu Cregueña isurialdetik (S), mailakatutako plaka batzuetatik (III) dorrearen zati gorenera igoz.

Bloke batzuen artetik egiten dugun zeharkaldi batek, plaka etzan bezain dotore baten oinpean uzten digu, arroka ezin hobea eta helduleku onekin (III), ertzaren ahora itzultzen gaituena.

Tarte etzanago batek jarraitzen du non ertzetik zehar zamalkatzen goazen eta zailtasun gehiegirik ez ba du ere (III), ertzaren zorroztasunak eta amildegiaren gertutasunak errespetua eragiten digute.

Benetan destrepe arriskutsu batzuek ere egin beharrean gaude,

Eta alboetatik zeharkatzen ditugun jendarme txiki bezain ikusgarriek ere.

Ertzean bete gaudela kordada batekin topo egiten dugu eta itxuraz ez dirudi esperientzia handiegirik dutenik eremu honetan eta soka nahaspila dutenez, ahalik eta azkarren aurreratzea erabakitzen dugu.

Ertzaren ahotik zamalkatzen jarraitzen dugu, non bertatik Alba gailurra ikusteko aukera dugun, naiz oraindik ere urrun ageri den.

Tarte hau gainditu ondoren rappel kokagune batera iristen gara, oso nabaria den bretxa sakon batera jaisten lagundu ahal izateko (15 m), Dorre Handiaren atariko. Bretxaren oinarritik gertu bilkura egiteko aukera dugu pauso klabeari ekin ahal izateko.e.

Eremu erraz eta arroka onekin (II) ezkerrera diagonalean jarraitzen dugu, Tximinia sakon batzuetara iritsi bitarte. Ezproi bat zeharkatu (IV-) eta nabarmenena ageri den tximinian barneratzen gara.

Diedro ikusgarri batetik igoz jarraitzen dugu, non heldulekuen faltak esfortzu bereizi bat eskatzen digun (IV+) eta ertz ahoaren azpian aurkitzen den plataforma txiki batera bideratu, non bilkura egiten dugun (pitoia).

Ertzaren ahora igo ahal izateko plaka bertikal batetik eskalatzen jarraitzen dugu, non heldulekuak ugariak diren (IV-) eta zuzen zuzenean gendarme berri baten tontorrera eramaten gaitu.me.

Ertzaren pasarte klabea behin gainditu ondoren, egin dugun ibilbideari begirada bat botatzen diogu eta benetan oso ikusgarri zein tente ageri dela esan behar dugu.

Beste gendarme berri baten aurrean gaude, zorrotza benetan, eta horma leun zein bertikal bat eskalatuz gainditzen dugu, non beste behin esfortzu berri bat egin beharrean gauden (III+). Arroka ona izaten jarraitzen du eta eskaintzen digun konfiantza eskertzekoa da.

Ertzaren azken zati onetan desnibel handia irabazteko aukera izan dugu eta Alba tontorraren gertutasuna nabaria da. Ala eta guztiz gendarme berri bat ageri zaigu, baina apenas zailtasunik duena (III).  

Gendarme hau gainditu ostean ertza utzi eta bide arrunteko harrikaritik jarraitzen dugu aurre tontorrera iritsiz eta ondoren Pico del Alba gailurrera (3.136 m).

Bretxaraino 2:50h-ko hurbilketa eta 7:25h ertz klasiko onen eskalada eta gero, Pico del Alba tontor estu zein ikusgarrira iritsi gara. Talaia ezin hobea pirineo mendi kateko tontor garaienetako batzuek ikusi ahal izateko, ala nola: Poset, Maladeta, Perdiguero, Mir, Sayo, Cordier,..... Leku aparta benetan.

Ondo irabazitako atsedena hartu ostean, bide arrunta erabiliz Alba Glaziarrera jaisten gara Alba Lepora (3.081 m) iristeko asmoarekin. Alba Lepoa Muela del Alba eta Sayó mendien artean kokatzen da eta bertan gaua pasatzeko asmoa dugu.

Diente del Alba eta Muela del Alba azpitik Glaziarraren zeharkaldiak zailtasunik ez du, baina daramatzagun orduak kontutan izanik, ez zaigu oso erosoa egiten. 

Motxila dagoeneko arazo bihurtu da, ez alferrik betea daramagu zakua, esterila, jana, sua, ura, arropak,... eta egia esan, bizkarretik kentzeko irrikatan gaude. Alba lepora garamatzan azken malda bukaezina egiten ari zaigu, baina behin gainditzea lortu eta ilundu aurretik, bloke handien artean bibak egiteko leku aproposa bilatzen saiatzen gara. Atsedena beharrezkoa dugu zeren biharko Maladeta Ertza gure zain izango dugu.

Datu teknikoak

  • Ibilbidea: Alba tontorra 15 gendarmeen ertza
  • Luzera:1.000 m.
  • Desnibela:450 m.
  • Kokapena:Pirinioak
  • Kategoriak : Ertza, Eskalada klasikoa
  • Zailtasuna:D
  • Harri eskaladaren zailtasuna:IV+
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:7:25 h
  • Nola iritsi:Baños de Bensasque-tik
  • Igotzeko denbora:10:15 h
  • Materiala:60 m-ko soka bat, fisurero jokua, friend eta zinta batzuek
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.