Gaztelu - 901 m.

Capra Alpina(e)k idatzia.
412
bisita

Txindoki edo Larrunarri mendiaren itzalean aurkitzen den mendi bat dugu. XIII eta XIV mendeetan izan zuen behin behineko garrantzia, Nafarroako erresuman muga gotorleku izan bai zen. Bertan aurkitzen zen erdi-aroko gazteluak izena ematen dio. Irurzun (Nafarroa) eta Gipuzkoako kostaldea elkartzen zuen Enirioko harbidea babesteko egina, Aralar mendi zerra guzia zeharkatzen duena. Gaur egun, oraindik ere, tontorrean 19 metroko dorre biribilaren aztarnak ikus ditzakegu.

 

Larraitzen (401 m) kotxea aparkatzeko leku bat bilatzea oso zail egiten zaigu, jendearen joan etorria etengabea da. Behin langa zeharkatu eta pistan gora abiatzen gara Gastesuiko langara bitarte (500 m). Ezkerrera Txindokira doan bidea utzi eta Gaztesuiko iturria (525 m) norabidean jarraitzen dugu (525 m).

Langa berri batek bidea histen digu, baina behin zeharkatuz, pista zabaletik jarraitzen dugu eta beherakada txiki bat eta gero, pagadi dotore batetan murgiltzen gara. Jarraian, berriz ere gorantz, Zapata zubia (595 m) izeneko zubira iritsi arte. Pena da baina uharrak apenas urik darama.

Hemendik aurrera pista zabala aldatuz doa eta harriztatutako zati batzuek, Nafarroa eta Gipuzkoako kostaldea elkartzen zituen harbidea gogorazten digu. Hasiera batetan, lokatz ugari pilatzen den  zati heze batetik zeharkatzen dugu, ibilbide irregularretik jarraituz. Harkaitzetan ikus dezakegu , belarra, garoa eta egurra garraiatzeko erabili izan zituzten gurdi eta leren igurtziak  utzitako arrastoak. 

Uhar berri batek bidea oztopatzen digu (620 m), baina behin zeharkatu eta malda motz bezain tentea batek, Errekonta Lepo eta Iturrira eramaten gaitu (766 m). Minutu batzuek geroago Errekonta zelai berde eta trinkoa oinpean dugu.

Auza Gazteluko tontor harritsutik 100 bat metrok banatzen gaituzte. Hasiera batetan xenda apenas ikusten da, baina gorantz goazen heinean, oso garbi ikus dezakegu. Denbora  gutxian eta inongo zailtasunik gabe, ezkerretik igoaz tontorrera iritsi dezakegu. 

Guk berriz, emozio pixka bat emateko intentzioarekin, apenas zailtasuna duen tximinia batetik zuzen igotzea erabakitzen dugu.

Auza Gaztelu (901 m) gailurrera ailegatu gara, 1:20 h. Dorrean aurkitzen den mastan Nafarroako ikurrina ikus dezakegu eta ezinbestean, mende batzuek atzerago Nafarroako erresumako zati izan zela gogorazten digu.

Tontorretik Txindokiren ikuskizun aparta dugu, mendebaldeko ertz ikusgarriarekin eta horma zeharkatzen  duten hainbat eskalada ibilbideekin: Tema bidea, Petrel bidea, Fronton bidea,…….

 

 

Datu teknikoak

  • Ibilbidea: Gaztelu Larraiztik
  • Desnibela:503 m.
  • Kokapena:Euskal Herria
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:1:20 h
  • Nola iritsi:Larraitztik (401 m), Zaldibiatik 5,5 km.
  • Igotzeko denbora:2:10 h
  • Jeisteko denbora:0:50 h
  • Ezaugarriak:Zailtasunik gabeko ibilbidea eta behatoki paregabe batera eramaten gaituena.
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.