Midi d'Ossau-ko zeharkaldia Peyreget ertzetik

Capra Alpina(e)k idatzia.
4687
bisita

Piriniotako edozein bazterretik beti bakarrik ikusten den mendia da Midi d’Ossau, zerura zuzentzen diren bere bi tontorrekin. Bietatik txikiena da askotan baztertuena. Egin genuen jarduerarekin bi tontorrak zeharkatu genituen, Peyreget izena duen ertzetik igoz, ertz beraren hasieratik gertu dagoen mendiaren izena hartzen duelarik, eta Fourche lepoa gurutzatuz azken horma bertikala gaindituz tontorrera heltzeko.

Anéou-ko parking-ean utzi genuen kotxea eta bide normaletik ekin genion, Pombieko aterpetxera iritsi arte (1h 15m.). Hemen lakua eskuinean utzi eta Peyregeteko lepora iritsi ginen (2h).

Belarrezko aldapa zuzenean igo genuen, bidea oztopatzen zigun horma batekin topo egin arte. Eskuinerantz inguratu genuen hito erraldoi bat ikusi arte. Honek, Fourche kanaleruntz jetsi behar genuela adierazten gintuen. Elur apurrak zeudenez (eta elurretako materialik ez genuenez), ertzetik jarraitzea erabaki genuen. Bertatik igotzeko bloke handi eta sendo batzuetatik eskalatu beharrean aurkitu ginen (III+). Une batean ez ginela bide zuzenetik etorri ohartu ginen, pausu zailen batekin topatu baikinen. Hemen soka ateratzea erabakitzen dugu. Tximinia moduko pausu arraroa igo genuen (IV+) nahiko seguru flotante txarrekin. Ertzetik jarraitu genuen (III) orratzaren tontorrera iritsi arte (3h 30m). Dudarik gabe bide normala ez zen leku bakarti hartara ez ginen iritsi ginen lehenak izan, 20 bat metroko rappela egiteko zintak jarrita baitzeuden. Hirutatik bi nahiko gaizki zaudenez, gure bat jarri genuen.

Berriz markatutako bidea aurkitu genuen. Antza, ertz honetatik igotzeko bide bat baino gehiago daude. Hala ere, nik uste gomendagarriena Fourche kanaletik gertuen joatea dela. Eta horrelaxe egin genuen jarraian. Hemendik, hitoak jarraitzea besterik ez genuen izan (I-II).

Gendarmeen eremua sahiestu ondoren, berriz ertza heldu genuen. Espoloi batek (II+) bestaldean geratzen den kanal batean uzten gaitu. Honen amaierararte iristean, 10 metro jetsi eta bide normaleko pausurik zailenean sartzen gara: tximinia nahiko bertikal bat (III+). Ez genuen soka jarri igotzeko.

Azken horma igotzea besterik ez dugu (II+) tontorrera iritsi baino lehen. Bost ordutan Petit Pic zapaltzen dugu lehen aldiz. Hemendik, tontor handian jendea nabaritzen dugu. Parez pare dugun hormak beldurra eman du, baina perspektiba kontua da, hormaren behekaldetik guztiz kontrakoa sentiarazten baitu.

Kanal batetik jetsi ginen Fourcheruntz, baina iritsi baino lehen, 60 metroko rappel bat egin beharrean aurkitu ginen (30 metroko bitan ere egin daiteke, bilkune sendoak baitaude). 10 bat minutu goruntz egin harrikari batetik, iltze batzuk ikusiko ditugun plaka liso batera heldu arte. Soka atera genuen, prebentzioz, beharrez baino gehiago. Pausua uste baino errazagoa zen (III). Ezkerrerunzko trabesia egin ondoren, eskuinera biratu eta tximinia batetik egin genuen gora (III+). Zuzena izan ez bazen ere, batez ere sokaren osasunarentzako, dena luze batean egin genuen (60 metro).

Balkoi eroso batean jaso genuen soka. Tximinia eta kanal ezberdinetatik hitoak jarraituz (ez du galtzeko arriskurik), beti ere bide logikoa hartuz, pausu delikaturen bat edo beste pasatzea tokatzen zaigu oraindik (II-III). Ibilbide zoragarri honen ostean, Midi d’Ossauko tontorrera iristen gara azkenik (7h).

Datu teknikoak

  • Ibilbidea: Midi d`Ossau Peyreget Ertza
  • Kokapena:Pirinioak
  • Kategoria : Ertza
  • Zailtasuna:AD-
  • Harri eskaladaren zailtasuna:III+
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2 ordu Peyreget lepora
  • Nola iritsi:Portalet mendatetik km bat jetxita dagoen Aneou parkingetik hasiko da ibilibidea.
  • Igotzeko denbora:5h tontor nagusira lepotik
  • Jeisteko denbora:2h 30m.
  • Materiala:Zintak, friend-ak eta fisureroak.
  • Egoera:Elurrik gabe
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.