Txameni 1.299 m

Capra Alpina(e)k idatzia.
3292
bisita

Lapiazak menderatutako harrizko tontor hau, Aralarko Erregenea edo Realengo baso eremutik gain agertzen zaigu. Desamendi Txiki (1.229 m) eta Beloki (1.277 m) mendien artean, Unagako Putzuaren hego aldean. Bere jatorrizko izena Txameni bada ere, Txemiñe bezala ezagunagoa da. Zailtasunik ez duen ibilbide bat da eta Aralarko inguru hau gehiago ezagutzeko aukera emango digu.

Guardetxeko aparkalekura (1.058 m) gerturatu gara eta bertan kotxea utzi. Intzazelai (1.155 m), Pagomari bezala ezagunagoa dena, doan bide zabala jarraitzen dugu Eubia eta Otsotesare trikuharriak ezkerretara utziz, 30´.

Igaratza (Errenaga 1.220 m) jarraitzen duen bidea bertan bera utzi eta eskuinerantz Iparrera  jarraituz, Eulatz (1.283 m) mendia zeharkatuko dugu Ipuzmeaka (1.217 m) lepora iristeko, 45´.

Artzain txabola pare bat atzean utziko ditugu, bertan Lapiaza aurkitzen dugularik, Txorrotxeta (1.273 m) eta Txameni (1.299 m) arteko lepora atera aurretik, 1:10 h.

Lerritz ertza jarraitzen dugu tontorraren inguru arte. Pago eta harri artean egiten ditugu azken metroak, buzoa aurkitu arte. Txameni gailurra (1.299 m) 1:15 h.

Intzeko Torrea (Irumugarrieta), Beldarri, Gurutzeaga, Unagako Putzua, etabar, ikuskizuna paregabea da, eguraldiak asko laguntzen ez badigu ere.

Itzuleran Lekoain lepora (1.198 m) mendebaldera doan bidea jarraitzen dugu, Pagomarira inongo zailtasunik gabe itzuli ahal izateko. Bertan, berriz ere, bide zabala hartuz Guardetxeko aparkalekura itzuliko gara (1.058 m) 2:15 h.

 

Datu teknikoak

  • Ibilbidea: Txameni Guardetxetik
  • Igoera data:1/01/2014
  • Kokapena:Euskal Herria
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:1:15 h
  • Nola iritsi:Aralarko Guardetxe aparkalekutik (1.058 m)
  • Igotzeko denbora:2:15 h
  • Jeisteko denbora:1:00 h
  • Ezaugarriak:Ibilbide lasaia desnibelik apenas duena
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.