Serrato-Labaza lakuak

Capra Alpina(e)k idatzia.
1428
bisita

Eguraldiak lagundu ez badigu ere, txango polit bat egiteko aukera izan dugu. Betidanik Panticosa ingurura etortzea oso berezia egiten zaigu. Ura gainezka, mendi ikusgarriak nonahi eta ibiltzeko bide ugari. Mendia gustukoa duen edozeinentzako paradisua. Gaurko irteerak laku dotore bezain eder batzuek ikusteko aukera emango digu. Zatoz gurekin.

Kotxea Pantiocosako Baños lakuaren inguruan utzi dugu (1.636 m.) eta Hotel handiaren  aurretik pasaz, Continental hotelaren eskuinetik desbideratu. Harrizko eskailera batzuetatik igotzen gara, bertan behera utzitako iturri termal batzuen ingururaino.  Bide eroso batetik goaz GR11  arrasto zuri gorriak jarraituz, bira handiak eginez igotzen dena. 15´pasa eta lehen bide gurutzera iritsi gara, bertatik Bachimaña 2:15 h. (ezkerrera) eta Labaza 1:45 h. (eskuinera) lakuetara joan dezakegu.

Iragarpenek eguzkia eta lainoak izango genituela aurreratu bazuen ere, zerua bere osotasunean lainoturik dago, 2.400 m. inguruan arrasto beltz bat azaltzen zaigularik.

Sigi-saga askoren ondoren bigarren bide gurutze batetara iritsi gara (1.970 m.), gure arreta guzia eskatzen duena. Bide garbiena eta GR11 arrasto zuri  gorriz markatua dagoenak nahastu egin bai gaitezke eta Brazato lakuetara eraman. Gure bidea berriz, ezkerrera doa eta gutxien nabari dena da. Arroka batetan ezarrita dauden norabideak ez dira oso ongi bereizten, 1:00 h.

Udazkenean gaude eta natura bere edertasun osoan ageri zaigu tonalitate harrigarriekin. Okreak

eta gorriek, gure arreta guzia xurgatzen dute.

Harri bloke handi eta ezegonkor batzuetatik aurrera jarraitzen dugu, bide nabarmen bat ez badago ere,  hitoak jarraitzen saiatuz. Behin gainditzea lortu dugu eta oraingoan, bide nabarmenago batetik , lurperatua dagoen hodi baten ingurura iritsi gara (2.140 m.), gertu aurkitzen den Brazato lakutik datorrena, 1:30 h.

Granitozko bloke handi batzuetatik jarraitzen dugu, ezkerrera bidea histen digun horma saihestu asmoz. Lainoak, bakoitzean gerturago, buru gainean duguna ere ikustea oztopatzen digu.

Aurkitzen ditugun hitoei esker, altura irabazten joatea lortzen dugu. Bakoitzean gerturago aurkitzen den lainoak, aurrera egitea ez digu batere errazten eta orain gainera, haizea indarrez putz egitean hasi zaigu.

Azken irtengune bat gainditzea lortu dugu eta Serrato lakua bertan dagoela dakigun arren, ikustea ezinezkoa zaigu. Bloke handi batzuetatik jaitsiz, hitoak arreta handiz jarraituz, hankak ia uretan sartzeraino.

Serrato lakura iritsi gara (2.450 m.) 2:10 h. Penagarria da bere osotasunean ezin ikusi izana; betidanik oso ederra iruditu zaigu. Minutu batzuen ostean lainoa desagertzen da eta lakua ikustea lortzen dugu.

Gure eskuinetik zeharkatu eta gorantz jarraitzen dugu, Labaza beheko lakua gordetzen duen hormara igoz (2.745 m.) 2:30 h.

Gure asmoa Labaza goiko lakura igotzea da (2.700 m.), baina zer nolako ezegonkorra dagoen eguraldia ikusirik, itzuli eta ez jarraitzea pentsa dugu. Beste batetan izan beharko du.

Panticosa bainuetxera bidean euria hasi digu. Eskerrak ez jarraitzeko erabakia hartu dugun, gainontzean, hezurretaraino bustirik bukatuko genukeen.

 

Datu teknikoak

  • Ibilbidea: Serrato-Labaza lakuak
  • Igoera data:20/10/2013
  • Desnibela:864 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Iristeko denbora:2:30 h
  • Nola iritsi:Panticosa bainuetxeko aparkalekutik (1.636 m.)
  • Igotzeko denbora:4:00 h
  • Jeisteko denbora:1:30 h
  • Materiala:Makilak
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.