Sanchacollons ertza

Capra Alpina(e)k idatzia.
1690
bisita

Forqueta de Piedrafita (2.734 m.), Musales (2.653 m.) eta Garmo Carnicero (2.555 m.) mendiek arresi natural bat osatzen dute Respumoso urtegia hegoaldetik histen dutelarik. Musales lepoak (2.569 m.) mugatzen du hego-mendebaldetik eta Cubetilla lepoak (2.613 m.) hegoaldetik.
Jende asko ibiltzen den une bat izanagatik, ertz hau oso zapaldua ez da. Inguruan dituen mendi ikusgarriak oharkabe pasa arazten dute. Dena den, bertatik dagoen ikuskizuna aparta da eta horrek, behatoki paregabea bihurtzen du.
Bertara gerturatu ahal izateko ez da auto beharrik eta Sallent bertatik igo daiteke, abantaila bat izanik. Dena den, jendeak autoa la Sarra urtegi inguruan uztea nahiago izaten du.

Gu Sallent de Gállego (1.305 m.) herritik ateratzen gara, GR11 arrasto zuria gorriak jarraituz, la Sarra urtegiaren norabidean. Honek aukera ematen digu gertu dagoen ur-jauzi dotore bat ikusi ahal izateko, bertara joateko bidetik aldendu behar dugun arren.

Berriz bidera itzuliz, ongi seinaleztatua dagoen pinudi batetan sartzen gara, Sarra urtegiko hormara eramaten gaituena 1:15 h. Behin hemen, gure eskuinera jarraitu behar dugu hesi batez itxia dagoen pista batetik.

Bertatik jarraitzen badugu ere gutxira uzten dugu, bidexka pinudian barrena gorantz bai doa. Itzala eskertzen dugu eguzkiak ondo berotzen bai digu. 30´ostean pinuditik atera gara, altura irabazten goazen seinale, eta deserosoagoa den bide batetik gorantz jarraitzen dugu.

Dagoeneko urrun utzi dugu Sallent herria eta Sancho Collons saroi (2.010 m.) norabidean goaz. Bertan aterpetxe bat aurkitzen da karratu zuri (antena) handi baten inguruan, aranetik ongi ikusten dena. Maldan behera datorren uhar batetik ura hartzen dugu, hemendik aurrera ez bai dugu erraztasunik izango aurkitu ahal izateko. Gure norabidearen ezkerretara Musales Lepora (2.590 m.) doan bidea utziz, aurrera jarraitzen dugu Sanchacollons ertzaren parez pare, desegindako malda batetik zehar eta ibiltzea oso zail egiten zaigunetik.

Eguna eguzkitsu esnatu bazaigu ere, iragarkiek aurreratu bezala, desio ez ditugun lainoak agertzen hasi dira eta denak ondo dakigun bezala, azkarrago edo beranduago, euritan bukatuko du. Puyarcol lepora norabidean goaz, apenas ikusten den bide arrasto batetik gorantz, Cubetilla sakanetik barrena. Gutxika gutxika, lainoak Puyarcol lepotik (2.340 m.) agertzen hasi dira, 2:45 h. Bertatik Infierno eta Garmo Negro isurialdera daukagun ikuskizuna ezin hobea da. Aurrez aurre Forqueta de Pondiellos eta Pondiellos ertza ikus ditzakegu.

Gure ezkerretik doan ertza igotzen hasi gara Sanchacollons norabidean. Arroka oso hauskorra eta gutxi fidagarria denez, kontu handiz ibili behar dugu. Kanal estu eta tente batetik jaitsi behar gara, Sanchacollons eta Forqueta de Piedrafita mendiek osatzen duten zirkura. Harrikari bat den malda batetik igoz ordeka batera garamatza, harri eta blokez beteriko kaos bat dena. 

Bertatik ateratzeko zeharka goaz ezkerrera, belarrezko malda batetik gora. Dagoeneko Sallent eta Lanuzako urtegia ikusteko arazoak ditugu. Partacua mendi zerra dagoeneko ez dugu ikusten. Aldapa gainditzea kostatzen zaigu, desnibela handia bai da eta biderik ez dago. Musales leporako bidea jarraitzea errazagoa izango litzateke. Senak laguntzen digu ertzera iristen. Bat batean, aldapak etzanagoa dirudi eta dagoeneko gaina ikusterik dugu.Sanchacollons gailurra (2.705 m.) 5:15 h. Harri-pila. A zer tristura, euria ari du eta lainoak paisaia ikustea galarazten digu, eta jakin badakigu ikusgarria dela. Denborarik galdu gabe eskuinera doan ertza jarraitzen dugu.

Respumoso urtegira dugun ikuskizuna ere ez da batere ona inguruan ditugun lainoen erruz. Egia esan, jaitsiera zirraragarria da, ez bakarrik oso tentea delako, baizik lehen zatia harri hauskorrez osatua dagoelako eta non heldu ez dugulako. Harria, nolabait deitze arren, heltzen saiatzen garen bakoitzean eskuetan desegiten zaigu. Tentu handiz eta urduritasunez, jaisten hasi gara kanal oso tente eta bustia dagoenetik.

Bukaezina zirudien kanala gainditu dugu eta harrikari izugarri batetara iritsi, jaistea asko kostatzen zaiguna, eremu hobera iristeko irrikan. Ezkerrera Musales lepotik datorren bidea ikusgai dugu, bertan egon besterik ez genuen. Gutxika bada ere helburua lortzen ari gara eta behin harrikaritik kanpo, irtengune batek bidea oztopatzen digu.

A zer nolako lasaitua, azkenik belarrezko eremura iristea lortu dugu. Musales lepotik datorren bidearekin bat egin dugu eta bertatik, Respumoso urtegiaren ingurura jaitsi, 6:30 h. Euria egitetik utzi du eta eguzkia berriro atera zaigu. Atseden hartzeko aprobetxatzen dugu, bai jateko ere.

Lainoa desagertzean, begien aurrean azaltzen zaigun ikuskizunaz gozatu dezakegu. Frondiella, Balaitous eta Deabruaren ertza parez pare ditugu. Betidanik igotzen garen bidea urtegiaren beste aldetik doanez, irudi harrigarri hau ikusteko aukerarik ez dugu.

Lainoak berriz ere mehatxatzen digute eta euria hasi aurretik ibiltzen hasten gara. GR11 bidea jarraituz urtegiko hormaren oinpera iritsi gara eta aldapa bat gaindituz, oso erabilia den bidearekin bat egiten dugu, Sarra urtegira eramango gaituena. Esan beharra dugu, jaitsiera erditik aurrera izugarrizko euri jasak harrapatu gintuztela eta Sarra urtegiraino euritan joan behar izan ginela, harrigarria izan zen. 7:45 h.

Datu teknikoak

  • Ibilbidea: Sanchacollons Sanchacollons mendizerra
  • Desnibela:1.400 m.
  • Kokapena:Pirinioak
  • Kategoriak : Ertza, Oinezko igoera
  • Zailtasuna:F
  • Iristeko denbora:5:15 h
  • Nola iritsi:Sallent de Gallego herritik (1.305 m.)
  • Igotzeko denbora:7:45 h
  • Jeisteko denbora:2:30 h
  • Ezaugarriak:Puyarcol lepotik Aurrera ez dago ez seinalik, ez bide nabarmenik. Gure senaz baliaturik gorantz egiten dugu. Respumoso aranera ertzak duen jaitsiera kontuz egin beharrekoa da, harri oso txarra baitago.
  • Materiala:Makilak
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.