Facha txikia-Cambales ertza

Capra Alpina(e)k idatzia.
1753
bisita

Hiru mendi hauek zeharkatzen dituen ertz honek, harrigarria dirudien arren, zailtasun tekniko handiegirik ez du eskaintzen. Dena den, oso bisitatua ez bada ere, merezi izan du zeharkatzea. Gran Facha (3.006 m.), Balaitous (3.144 m.), Frondiella (3.071 m.), Vignemale (3.298 m.) gertutasunak, oharkabe pasa erazten dute eta irrika gutxi sortzen du, hiru mila metroak gainditzen ez dituenez. Hurbilketa oso luzea da, batez ere hau La Sarra urtegian hasiko bada. Horretaz gain, ibilbidea oso eskergarria da. Beste aukera bat izango litzateke Respumoso aterpetxean gaua pasatzea. Aguas Limpias ibarretik bertara igotzeak beti ekarri oi izan digu oroitzapen ederrak.  Inoiz ez dugu ahaztuko lehen aldiz hemendik igo ginen unea eta urte asko pasa arren, liluratuta geratu ginela aitortu behar dut

 Sarrako urtegitik atera eta Aguas Limpias ibarretik gorantz goaz. Ezkerrera Arriel gailurrera eta Arriel lakuetara doazen saihesbideak utzi ditugu eta Respumoso urtegiko horma gainera gerturatu gara. Campoplano eta Fachako lakuetatik jarraituz, Fachako lepora iritsi gara (2.666 m.) 4:00 h. Xehetasun gehiago Gran Facha igoeran (lotura).

Gure ezkerrerantz igotzen hasi gara harri bloke handietatik eta inongo bide eta arrastorik gabe, baina Facha txikiko gailurra ikusten denez, galbiderik ez dugu. Lainoa egon izan balitz beste gauza bat izango zen eta nire aholkua, dudarik gabe, itzultzea izango litzateke. Igoera tentea da baina ez oso luzea eta gure senaz baliatzen gara aurrerantz egiteko.     

Ertzera iristea lortzen dugunean lehen hitoak aurkitzen ditugu. Aurrerantz goazen heinean, Vignemale mendigunera dugun ikuskizuna ezin hobea da. 45´eta gero Facha txikiko gailur estu eta airezkora iristen gara (2.946 m.) harri-pila.   

Aragón gailurretik banantzen digun lepora jaisten gara. Berriz ere, jaitsiera harri bloke handien artetik egiten dugu, oso ezegonkorrak eta gure arreta guzia eskatzen dutenak. Orain ere, gure senaz baliatuz gorantz goaz, naiz Aragón glaziarrak sortu duen zirkura dagoen erorketa beldurgarria izan, inongo zailtasun teknikorik ez du. 30´ostean Aragón gailurrera iristea lortu dugu (2.918 m.). 

Ertza jarraituz Cambalestik banantzen gaituen leporaino jaisten gara (2.775 m.). Gailurra iritsi nahi izango bagenu Facha txikitik datorren ertza zeharkatu gabe, Fachako lakuetatik saihesbide bat hartu beharko genuke iparrerantz, hegoaldera doan oiko leporako igoeratik urrunduz .  

 

Iparrerantz arinki igotzen gara, ondoren metro batzuek jaisten ditugun arren Cambales hego maldara iristeko (2.800 m.). Igoera hartxingadi batetik hasi dugu, nahiko tentea, eta elurra dagoenean 30º iristen dena. Plaka bi aurkitzen ditugu Alexander Berdou zenaren oroimenez, norabide  zuzenean goazen seinale. Hego ekialde eta hego mendebalde ertzen lotunera gerturatu gara. Azken irtengune motz, zorrotz eta airezko denak, Cambales gailurrera eramaten gaitu (2.968 m.), harri-pila.

Zeharkatu dugun ertzak bertatik beldurgarriagoa dirudi, igarotzea kosta zaiguna baino. Aragón glaziarrera dagoen erorketa zirraragarria da eta kontutan izateko modukoa. Ingurua oso ezaguna bada ere, ez da oso bisitatua. Bertara igo ahal izateko beste aukera bat dago, Wallon aterpetxetik (1.865 m.) ateraz, Opale lakuetatik (2.287 m.) Aragón lepora igo (2.808 m.) eta bertatik Cambales gailurreraino, 3:15h.

 

San Martin harria lepora jaisten hasi gara, beste behin, harri ezegonkor eta marka arrastorik gabe, gure senaz baliaturik. Jaisten bagoaz ere ez da batere erraza, kaosa erabatekoa da.

 

Ahalegin handiak egin behar ditugu zutik mantendu ahal izateko, benetan oso zaila dena. Wallon aterpetxetik datorren bidea eta Cambales lepotik zeharkatzen duena, San Martin lepora norabidean, iritsi gara. A zer nolako lasaitua hartu dugun, arroka ezegonkorren kaosa atzean uztea lortu dugu eta dagoeneko, bidetik jaistea geratzen zaigu, igarotakoa eta gero, alfonbra bat iruditzen zaiguna.

Behin San Martin Harrira iristean (2.295 m.), gure oinpean Campoplano lakua ikusten dugu. Zeharkatu eta igotzeko erabili dugun bidearekin topo egin dugu eta Sarra urtegiraino jarraitzea besterik ez zaigu geratzen ibilbidea bukatutzat emateko (1.440 m.) 9:00 h.

 

 

Datu teknikoak

  • Ibilbidea: Facha Handia Sarrako urtegitik
  • Igoera data:17/08/2009
  • Desnibela:1.630 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Iristeko denbora:6:00 h
  • Nola iritsi:Sallent de Gallego-tik km. 1 bidez eta beste 4 km. pistaz. Sarra-ko urtegia (1438 m.).
  • Igotzeko denbora:9:00 h
  • Jeisteko denbora:3:00 h
  • Ezaugarriak:Piramide forma duen mendi dotorea, uda partean oso bisitatua eta elurra egonez gero tentagarria.
  • Materiala:Ez dugu ezer brezirik behar, nolaz kaskoa eramaten ez dugun harri erorketen arriskuengatik. Negu eta udaberrian beharrezkoak izango ditugu pioleta eta granpoiak.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Facha txikia Facha txikia-Cambales mendizerra La Sarratik
  • Igoera data:17/08/2009
  • Luzera:30 m.
  • Desnibela:1.825 m.
  • Kokapena:Pirinioak
  • Kategoriak : Ertza, Oinezko igoera
  • Zailtasuna:F
  • Iristeko denbora:6:00 h
  • Nola iritsi:Sarrako urtegitik (1.440 m.).
  • Igotzeko denbora:9:00 h
  • Jeisteko denbora:3:00 h
  • Ezaugarriak:Desnibel handia garaitzen duen ibilbide luzea. Harri bloke ezegorkorretatik ibili beharrak egiten dute oso berezia.
  • Materiala:Makilak
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Gran Facha-ren zeharkaldi borobila
  • Igoera data:17/08/2009
  • Kokapena:Pirinioak
  • Kategoriak : Oinezko igoera, Trabesia
  • Zailtasuna:PD-
  • Iristeko denbora:6:00 h
  • Nola iritsi:7 km. errepidez Panticosa-tik. Balneario de Panticosa 1636 m. Casa de Piedra aterpetxea.
  • Igotzeko denbora:9:00 h
  • Jeisteko denbora:3:00 h
  • Ezaugarriak:Trabesia borobila.
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.