Bachimala / Schrader - 3.177 m.

Capra Alpina(e)k idatzia.
2889
bisita

Bachimala-Culfreda mendiguneko mendi garaiena da Bachimala. Gistain arana Frantziako mugetatik zatitzen duena. Igoera bide arruntetik egin ezkero inongo zailtasun teknikorik ez du. Gailurra harrapatzeko aukera ugari eskaintzen digu, naiz zailtasunak ere areagotzen diren. Gainera, perineotako hiru milako bakarretako bat da mountainbikez igotzerik dagoena.

Biados aterpetxeak (1.714 m.), a zer nolako oroitzapen ederrak ekartzen dizkigun. Atzealdean duen pinudiaren norabidean atera gara. Seinale batek bide zuzenean goazela baieztatzen digu. Igoera tentea du eta azkar batetan berotzen gara. Bularreztaturiko hegal batzuek gaindituz, gure gaurko helburua urrunean ikus dezakegu.

Serrau txabolan gaude (2.020 m.). kontu handiz ibili behar gara mugarriak segi ahal izateko, ezkerrera maldan gora doan bidea galdu ez dezagun; horretarako Oriels sakanaren norabidea eskuinera utziz. Belarrezko malda ezberdinak gainditzen goaz, Serñal de Biados edo Paso la Gatera lepora iritsiz (2.536 m.), Señal de Biados (2.596 m.) mendiaren oinpean hain zuzen.

Belar eta harri hautsizko aldapa tentea dugu gure aurrean eta bidea garbi ikusten ez badugu ere, espoloi harritsu batera eramaten gaitu. Mugarriak norabide zuzena mantentzen laguntzen digute. Punta Sabre eta Bachimalak osatzen duten zirku txiki batera iritsi gara. Eskuinean Punta Sabrera doan ertza ikus dezakegu, aurrez aurre berriz bi tontorrak lotzen dituen ertza eta ezkerrera bide arrunta eta guk jarraitu behar duguna.

Igo beharreko eremua erabat suntsitua dago, dena den, galtzeko arriskurik ez dago, bidea garbi ikusten bai dugu eta mugarriak ugari daude. Gutxika bada ere altura irabazten goaz, paisaia berriz erabat erraustua dago, ilargian gaudela dirudi. Gailurreko ertzera iritsi gara eta zailtasun handirik gabe, Bachimala edo Sschrader  tontorra zapaltzea lortu dugu (3.177 m.). Dudarik gabe, ertz ezberdinen bidegurutzea. Hiru milako mendi ugari badago ere, duen arroka eskasak jakin min gutxi du mendizaleen artean.

Begiratzen dugun lekura begiratuta ere, ikuskizuna aparta da. Pirineotako mendi esanguratsuenen behatoki paregabea da: Aneto, Poset, Perdiguero, Maladeta, Monte Perdido, Vignemale, Munia, Pic Long  eta beste hainbat. Punta de Sabre gailurretik ertz zorrotz eta airezko batek banatzen digu, zailtasun gutxikoa; bertatik ere Bachimala gailurrera iritsi daiteke.

Jaitsiera igo garen bide berdinetik egiten dugu, dena den, etsipenez begiratzen diogu Bachimala-Culfreda mendiguneko ertzari; baina beste baterako utzi beharko dugu.

Datu teknikoak

  • Ibilbidea: Bachimala Biados aterpetxetik
  • Luzera:14 m.
  • Desnibela:1.463 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Biados aterpetxetik (1.714 m.)
  • Igotzeko denbora:5:45 h
  • Jeisteko denbora:2:15 h
  • Ezaugarriak:Desnibel handiko ibilbidea baina zailtasun gutxikoa. Ura eraman behar bidean zehar ez bai da aurkitzen.
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Posets Biados eta Forqueta lepotik
  • Desnibela:1.661 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Biados aterpetxetik (1.714 m.)
  • Igotzeko denbora:5:45 h
  • Jeisteko denbora:2:15 h
  • Ezaugarriak:Ibilbide luze bezain polita eta zailtasunik apenas duena. Fisikoki prestatua egon behar dena.
  • Materiala:Makilak
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Sabre punta Biados aterpetxetik
  • Desnibela:1.422 m.
  • Kokapena:Pirinioak
  • Kategoria : Oinezko igoera
  • Zailtasuna:F+
  • Harri eskaladaren zailtasuna:II-
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:San Juan de Plan eta Biadoseko aterpetxetik.
  • Igotzeko denbora:5:45 h
  • Jeisteko denbora:2:15 h
  • Ezaugarriak:Eskalada plaka ezegonkorretatik.
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.