Achar de Alano 2.069 m.

Capra Alpina(e)k idatzia.
2465
bisita

hamabost egun Alpeetan pasa ondoren, Perineotara itzultzea beti atsegina izan ohi da. Igo ditugun mendien handitasuna eta altuera ez duten harren, betidanik izan duten xarma mantentzen dute.
Zurizako aran dotorera gerturatu gara, Nafarroa eta Aragoiko lurren muga, oroitzapen ugari ekartzen dizkiguna. Ez dugu egun eguzkitsurik baina bai aproposa Achar de Alanora igo ahal izateko. Kotxea Tacherasko aparkalekuan utzi dugu (1.280 m.), 3.5 km. pistaz Zurizako kanpinetik. Apenas lekurik dugu kotxea utzi ahal izateko; badirudi denak ados jarri garela.

Petraficha uharra zeharkatzen dugu eta pista garbi batetik altuera irabazten hasi gara, pagadi eder batetan sartuz. Hamabost minutu ondoren pagaditik atera gara malda belartsu batetik; bertan ardiek gordetzeko artzainen txabolak daudelarik. Estriviellako lepo eta gailurrera doan pista ezkerretara utzi dugu eta parez pare dugun malda belartsua igotzen hasi, tentea benetan.

Harrikariko lehen bloke handietara iritsi gara; Achar azpian hain zuzen. Bidea garbia da eta sigi-saga ugari eginez altuera azkar batetan irabazten saiatzen da. Badirudi arnasa hartzea ere kosta egiten zaigula eta erritmoa jaistea erabaki dugu. Lepoaren azpian dagoen kanaloiera iritsi gara, ezinbestekoa zaigu beste aldera zeharkatzea, ezkerrera dagoen hormara hain zuzen, jarraitu ahal izateko. Kanaloiaren erdian izugarrizko bi harri daude, bigarrenak eta bietan handiena denak, aterpe bat eskaintzen du hotz edo eguraldi txarra badago eta ongi etorri dezake babesa bilatzeko.

Haizeak gogor astintzen du eta hotz dago, Tacherako lepoan (1.905 m.) gauden seinale. Kanaloieko aldapa eta harriek belar eta lorez hornitutako zelai eder bati lekua uzten diote. Eskuinera Achar de Alano gailurra ikus dezakegu eta ezkerrera Achar de Forca (2.390 m.). Merezitako atsedena hartzen dugu, lepo inguruko haizetik urrundu eta gero.

Igoerako azken zatiak malda belartsu eta oso tentea den batetik harrietaraino eramaten gaitu; tontorra gertu dagoen seinale. Sei metroko tximini batek (II) bidea histen digu. Helduleku onak ditu eskuineko aldean eta igoera errazten digute. Dagoeneko Atxar de Alano gailurrean gara (2.069 m.).  

kolore berdea duen buzoa, oraindik gailurrean jarraitzen du. Pena lainoak iparraldera dagoen ikuskizuna galarazten digula. Eguzkia, bere aldetik, hegoaldera azaltzen saiatzen da. Zurizako kanpina berriz, 849 m. gure oin azpian ikus dezakegu.

Datu teknikoak

  • Ibilbidea: Achar de Alano Tatxerasetik
  • Igoera data:24/08/2013
  • Desnibela:789 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Harri eskaladaren zailtasuna:I+
  • Hasiera puntuan amaitzen da:Bai
  • Iristeko denbora:1:40 h
  • Nola iritsi:Tachera aparkalekutik. 3,5 km. Zurizako Kanpinetik.
  • Igotzeko denbora:2:40 h
  • Jeisteko denbora:1:00 h
  • Materiala:Makilak ongi etorriko zaizkigu.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.