Perdidoren ipar aurpegia. Non-Stop

Capra Alpina(e)k idatzia.
12359
bisita

Udan sartu berriak izan arren, aurtengo elur kantitate eta kondizio onak ikusirik Perdidoko ipar aurpegiko igoera egin dugu. Bertan bi korridore eta glaziarra igaro ditugu, beraz oso garrantzitsua da elurra egoera onean egotea eta goizean goiz egitea, urteko sasoi honetan eguzkiak majo berotzen baitu. Inoiz baino gehiago gozatu dugu guk, neguko egoera onenen pare bait zegoen elurra.

 0º Gutxitan esnatu gara horren goiz mendira joateko, gaueko 12etan jeiki baikara. Hala ere aurrean genuen erronkak lo gehiago egiteko gogoak baino askoz gehiago bultzatzen gintuen, ez baita erronka makala egun berean Perdido igo eta jeixtea, ipar aurpegitik gainera.

Gaua izanik, argien laguntza bakarrik genuen bidea asmatzeko, baina bergarako beste bi lagun ere batu zitzaizkigun abenturan, hauen gpsa laguntza haundikoa izan zelarik. Igoeraren krokis bat ere bagenuen, aurreko egun bateko argazki batean, eta bertan adierazi zigun Pinetako aterpetxeko zaintzaileak nondik igo eta zein puntutan argi ibili elur zubiak hausteko zegoen arriskuagatik.

2º30 Pinetako zirkoko goi partean dagoen enbutura heldu gara. Bertan kranpoiak jantzi ditugu, aldapa pikoa baitago tarte honetan.

3º Pinetako balkoian giro izugarria dago. Oraindik gaua izanda ere, inguruko mendien silueta garbi ikusten da. Une honetan bertan gozatzen hasten gara, egun berezi horietako giroa eta perdido modu honetan igotzearen erabakiaz harro sentituz. 

3º30 lehenengo korridorearen haserara joateko pixka bat jetxi beharra dago, perdidoko paret zaharrari aurre egin aurretik. Puntu honetatik aurrera, 700 metroko igoera konstantea dugu.

4º Lehenengo korridorea oraindik ere gauez egin dugu. Oso polita da, estua eta luzea. Ezker aldeko paretean fisurero eta friend batzuk jarri ditugu, nahiz eta elurraren egoerak konfiantza osoa ematen digun. Kranpoiak bikain heltzen dute elurretan eta oso erritmo egokian egiten dugu aurrera. 

5º Dagoeneko goizeko 6ak dira, glaziarra igarotzen goaz eta eguzkiaren lehen disdira ikusten dugu. Ederra benetan momentu hau, ingurko mendi erraldoien artean txiki sentitzen gara, eta inoiz baino gehiago hari gara gozatzen. Hala ere hotz haundia egiten du, eta ez dago geldi egoteko aukerarik. Nekea ere pilatzen doa hanketan, glaziarraren erditik aurrera 50º ingurko pala konstantea baitago, deskantsatzeko aukera gutxirekin.

6º Goizeko 7etan bigarren eta azken korridoretik irten gara. Azken hau lehenengoa baino motzagoa da, baina tenteagoa, 60-65ºra helduz. Bista zoragarriak ditugu, eta majo gozatzen goaz, elurraren egoera bikaina aprobetxatuz.

6º45' Goizeko 7:30etan Perdidko gainera heldu gara! Goriz aldetik datorren mendizale bat ere guztiz harritua geratu da, nondik igo garen galdetuz.

Itzulerako bidea laku izoztutik barrena egin dugu, Cilindroko lepotik igaroz. Jarraian glaziarreko plataformatik behera jeisteko 20mko rapel bat egin dugu.

Pinetako balkoian igo garen bidearekin topo egin dugu. Larunbata izanik, jende asko dator goruntz, hurrengo egunean Perdidoko iparra egitko asmotan, Tucarroya edo paretaren basean lo eginda. Beherantz goazen einean elurra geroz eta bigunago dago, eta geroz eta arriskutsuago elur zubien apurketa aukeragatik.

Beheko argazkian lehenengo korridorea ikusten da, bide zuzen bat osatuz glaziarrera igotzeko.

 

Kasualidadea izan daiteke, baina udak iritsi behar izan du negu-udaberri partean igotzen diren korridoreen artean aurtengo igoerarik onena egiteko. Egia esan elurraren egoera ezin hobea zen, eta luzaro gogoratuko garen igoera bat izan da dudarik gabe.

Datu teknikoak

  • Ibilbidea: Monte Perdido Gorizetik neguan
  • Igoera data:22-06-2013
  • Luzera:30 m.
  • Desnibela:2.045 m.
  • Kokapena:Pirinioak
  • Kategoria : Kranpoiak
  • Zailtasuna:PD
  • Korridorearen graduazioa:40º
  • Nola iritsi:Torlatik Ordesako bailararen amaieran dagoen aparkalekutik. La Pradera-tik igotzeko bide normala. Aparkamendura sarrera debekatua uztailetik irailera.
  • Igotzeko denbora:6h 45m.
  • Jeisteko denbora:6:00h
  • Materiala:Raketak, kranpoiak eta pioleta.
  • Garaia: Negua, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Monte Perdido Ipar aurpegia
  • Igoera data:22-06-2013
  • Desnibela:2.100 m.
  • Kokapena:Pirinioak
  • Kategoriak : Ipar aurpegia, Korridorea, Kranpoiak
  • Zailtasuna:AD (Kanalaren egoeraren arabera, amaieran IIIko eskalada)
  • Harri eskaladaren zailtasuna:III
  • Korridorearen graduazioa:55º
  • Nola iritsi:Pinetako paradoreko parkinetik. 14km Bielsatik errepidez.
  • Igotzeko denbora:6h 45m.
  • Jeisteko denbora:6:00h
  • Ezaugarriak:4 zailtasun nagusi aurkitu ditugu: Lehenengoa Pinetako balkoira iristea. Aurreko egunetako euriteek elur zubiak ahuldu dituzte. Bigarrena, lehenengo korridorea 300 m. eta 50/55º. Hirugarrena glaziarra igarotzea, eta laugarrena azken korridorea 55/60º. Elur kondizioen arabera korridoretik joan ezin denean arkaitzetik joan daiteke, III+eko zailtasuna duelarik.
  • Materiala:Kranpoi, piolet, fisureroak, friendak, iltzeren bat, soka.
  • Egoera:Udako lehenengo eguna izanda ere, elur gogorra eta eguraldi bikaina aurkitu genuen. eguzkia atera bezain laster elurra biguntzen hasi zen.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.