Urresteiko ertza - Atxarte

Capra Alpina(e)k idatzia.
5224
bisita

Atxarten dagoen ertz klasiko honek gure katxarroekin jolasten uzten digu, zailtasun handiegietan sartu gabe. Pare bat bilera jada jarrita dauzka eta azken luzean 2 paraboltek laguntzen dute Veko zailtasuna igotzen. Ertzaren politena azken zatian dator, zailtasun gehieneko luzea igo ondoren, oso estua den pausu batzuk daudelako; honen ondoren, tontorretik jeisteko, rapelatu egin behar da.

1. luzea (IV, 30m): Gaizki sartu ginen bidean. Berezkoa ertz erdian dagoen zuhaitzaren eskubitik hasten da. Lehen luzearen ondoren, bilera bat aurkituko dugu.

2. luzea (I, 40m): Gu elkar aseguratzen hasi ginen, baina segituan nazkatu ginen, oso luze erraza baitzen. I-eko pausuak besterik ez dira. Ensanblean jarri eta kitto.

3. luzea (III, 40 m.): Eskalada pixkat, baina oso erraza. Ia azken luzerarte soka gabe egin dezake bere buruan konfiantza duen edonork.

4. luzea (III, 30m): Ertza estutzen hasten da hemendik aurrera, baina eskaladak oso erraza izaten jarraitzen du. Amaieran bilera bat du.

5. luzea (III, 50m): Diedro erraz batekin hasten da eta Xabik balkoi handi batean egin zuen bilera.

6. luzea (II, 20m): Luze zailenerako hurbilpena.

7. luzea (V, 20m): Tartean balkoi bat duen horma. Balkoi honetan eta bigarren horman parabolt bana daude. Azken horma honek erorketa txiki bat du atzeraka, baina helduleku onak dituenez, ondo igotzen da. Bilera, zuhaitz batean.

Amaiera oso oso estua da. Altuerari beldurra dion orok gaizki pasatuko luken lekua. 100 metroko erorketa ikusten da ni nagoen harriaren gainean. Aurrerago, rapelatzeko puntua dago. Hormak desplomea du eta lurra ez da ondo ikusten. Ez genekigunez zenbateko altuera zegoen, bi sokak elkartu genituen. Hala ere, 20-25 bat metroko altuera zegoela kalkulatu genuen behetik.

Datu teknikoak

  • Ibilbidea: Atxarte Urresteiko ertza
  • Igoera data:15-06-2013
  • Luzera:230 m.
  • Kokapena:Euskal Herria
  • Kategoriak : Ertza, Eskalada klasikoa
  • Zailtasuna:D- (IV+ beharrezkoa)
  • Harri eskaladaren zailtasuna:V
  • Luze kopurua:7
  • Hasiera puntuan amaitzen da:Bai
  • Iristeko denbora:30'
  • Nola iritsi:Durangotik Elorriorako bidea hartu eta Mendiolako kartela ikustean, eskuinera sartu. Utzi kotxea harrobia zeharkatu bezain pronto, zubia baino lehen.
  • Igotzeko denbora:4h.
  • Jeisteko denbora:30'
  • Ezaugarriak:Zailtasun gehieneko luzea 2 paraboltez babestua dago.
  • Materiala:Fisureroak, bilerak egiteko zintak, expressak, soka eta kaskoa.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.