Zegama-Aizkorri

Capra Alpina(e)k idatzia.
1857
bisita

Zegama Aizkorri karrera berezia da oso, mendiko maratoien erregina, dudarik gabe. Ez dago beste karrerarik hainbeste jende animatzen dagoenik, eta denei animatzen gainera, aurrenekotik azkenekoraino. Pribilegio hutsa da karrera honetan parte hartu ahal izatea, non maratoia bukatzea bera baino zailagoa izaten den dortsal bat lortzea.

 

Aurten gainera eguraldi oso ona izan dugu, eguzkia izan da jaun da jabe zeruan, nahiz eta korrikalariontzat ez den hain ona izan. Aurreko urteko euria baino hobea noski, baina gorputzak ez zeuden ohituta halako eguzkira aurreko hilabeteetako euri eta hotzak ikusirik. Aratzerako igoeran oso ondo nindoan arren, Aizkorriko maldak erabat ahuldu ninduen. Ez dakit zergatik, edo eguzki gehiegiagatik edo dagoeneko pillatutako 2000 metro positiboengatik... Hala ere jende eta ezagunen animoekin gainera heltzea lortu nuen. Ikaragaria benetan Aizkorriko azken malda! Tourra ematen du horrek, baina protagonista zu zeu zara!

Azken jetxiera gogor xamarra egiten da. Batez kilometroen paletak atzekoz aurrera kontatzen hasten zarenean, 35, 36, 37... Azkenerako oso gustora amaitu nuen, inungo lesiorik gabe eta osorik. Gainera "zierre karreras" baina ordubete arinago heldu nintzen, eta ez da batera marka txarra, zenbat entrenatuta nengoen ikusita.

Zegama Aizkorri beti izango da lasterketa berezia, batez ere puntu hauek aipatuko nituzkeelarik.

Lehenegoa, zaleak. Harrigarria, hunkigarria eta ez sinestekoa da zaleen babes eta berotasuna. Gainera ibilbidean zehar ikusiriko lagunek oraindik ere gehiago bultzatzen zaituzte helmugaruntz. Bigarrena, organizazioa, 10 bat emango nioke, ibilbide, laguntasun, anoa puntuak, eta haien prestutasunagatik. Eta azkenik, oso berezia da munduko onenekin batera lasterka aritzea, urtean zehar jarraitzen eta miresten dituzun hoiekin batera.

Datu teknikoak

  • Ibilbidea: Zegama-Aizkorri
  • Igoera data:26/05/2013
  • Luzera:42.195 m.
  • Desnibela:2.700 m.
  • Kokapena:Euskal Herria
  • Kategoria : Ultra-traila
  • Leihaketa:Bai
  • Ibilbide zirkularra:Bai
  • Hasiera puntuan amaitzen da:Bai
  • Ezaugarriak:Mendi maratoia. Skyrunner World Series txapelketa
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.