Gran Paradiso

Capra Alpina(e)k idatzia.
3035
bisita

Gran Paradiso Alpeetako 4000 errezenetako bat da. Hori dela eta bixitari asko izaten ditu urtero, batez ere italiarrak, 4000ko bakarra baita eremu guztia Italian duena. Gran Paradisora igotzeko ibilbide arruntena aukeratu dugu, Valsavarenche haran amaieran dagoen Pont kanpinetik. Ohikoa izaten da Pont kanpinetik pare bat ordura dagoen Vittorio Emanuele II (+39 0165 95920) aterpetxean lo egitea; baina MB eta TMB egin ostean, konfidantzaz eta indarrez lepo gainezka gaudenez, behe behetik gailurra zapaltzea erabaki dugu.

 

Pont eko kanpinean lo egin dugu, ez nahi beste, baina azkar atera gara zakutik aurretik genuen erronka ikusita. Goizeko 2:30ak dira, inor ez dabil kanpinean, eta hots asko atera gabe gosaldu, gauzak prestatu eta goruntz ekin diogu bideari.

(0º) Erreka gurutzatu eta erreka ondoan minutu batzuk egin ostean goruntz hasi gara. Bide ona da, ez galtzeko modukoa nahiz eta linternen argipean joan.

(2º) Vittorio Emanuele II aterpetxera (2735m) azkar heldu gara, berriketa gutxi bidean eta erritmo bikaina ekarri dugu, bai horixe! Bertan zerbait jan eta edan ostean aterpetxe atzetik abiatu gara. Goizeko 5ak dira eta jende dexente hari da ateratzen. Argiei jarraitu besterik ez dugu! Edo hori uste genuen... Harrikari haundi bat dago, eta bertan sartzearekin bat akabo argiak, bakar bakarrik aurkitu gara. Hala ere, bide gehienak leku berdinean amaitzen dira. Zeharka pasa behar da harrikaria, eta honela bide nagusira heldu gara. Bide nagusian mendizale pelotoi itzel batekin topo egin dugu, eta ozta ozta pasa ditugu trepada zati txiki bat baino lehen. Eta eskerrak! Izugarrizko karabana egin baitute! Jarraian mendi magal batean goruntz jarraituz glaziarraren oinetara heldu gara.

(3º15') 6:15 dira eta glaziarrera sartzeko puntuan gaude. 30 metro egin behar dira behera elurra zapaltzeko, eta jende askok kranpoaiak bertan jazten dietuen arren, guk beheko zelaitxora joatea erabaki dugu. Behar den bezala enkordatu eta gero, glaziarrean gora abiatu gara. Arrakala batzuk sahiestu ondoren, erraz irabazten da desnibela, eta enteratu orduko    gaude, goizeko 7:30ak aldera. Jarraian beste aldapa gogor bat dugu, eta hau igo ostean Gran Paradisoko zirkoan bertan gaude. 

(5º20') Goizeko 8:30ak aldera gailurrera heldu gara. Azken metroak arkaitzean egin behar dira, eta gainera amabirginaren irudira heltzeko Anetoko « Mahomaren paso » antzeko bat pasa behar da. Hala ere, ez dauka inongo zailtasunik, eta soka finko bat dago honi helduz oso erraz igarotzen delarik.

Dabilen jende mordoa ikusita, tontorretik behera atzeko aldetik jetxi gara, 4 metroko rapel dibertigarri bat eginez. Jarraian berriz ere glaziarrera bueltatu gara.

Geroz eta jende gehiago dator, honek Arantzazuko erromeria ematen du! Di-da batean zerbait jan, eta beheranzko bidea hartu dugu, igo garen bide berberetik.

Beheranzkoan harro goaz, egindako erronka bikainean pentsatuz. Gainera, gorakoan ikusi ez ditugun paisaia zoragarriez gozatzen goaz. Vittorio Emanuele II aterpetxeak ere ez zuen hain handia ematen! Alpeetako aterpetxe gehienak bezala, hau ere ez da atzean geratzen prezio kontuetan. Hala ere zerbeza bat ederki sartzen da altura hauetan!

Beherako bidea ere azkar pasa zaigu, denbora guztian gorantz doan jendea kruzatzen hari baikara. Berriketarako parada ematen dute goruntz nekaturik doazen mendizaleek. Gran Paradiso mendi bikaina iruditu zaigu, ez digu hutsik egin, eta guk berari ere ez noski. Egun nekagarria izan da benetan, 4000m desnibel metatua ez da txantxa, hala ere irrikaz gaude gure hurrengo erronkan pentxatuz!

Datu teknikoak

  • Ibilbidea: Gran Paradiso Vittorio Emanuele II aterpetxetik
  • Desnibela:2.100 m.
  • Kokapena:Alpeak
  • Kategoriak : Kranpoiak, Oinezko igoera
  • Zailtasuna:F+
  • Korridorearen graduazioa:35º
  • Nola iritsi:Valsavarenche harana, Aosta. Pont kanpineraino kotxez igotzen da, bertan dagoelarik karreteraren amaiera.(1960m)
  • Igotzeko denbora:5h.30`
  • Jeisteko denbora:4h30'
  • Materiala:Glaziarretako enkordamentua eta glaziarretako material basikoa
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.