Anayet eta Vertice de Anayet

Capra Alpina(e)k idatzia.
4686
bisita

Rafael Vidaller-ek baieztatzen duen bezala <Vértice de Anayet mendiak aspaldiko urteetan itzalia du bere fama bigarrengo gailurra den Anayet mendigatik, baxuagoa izan harren eta igotzeko zailagoa ere>. Anayet mendia tximini bolkaniko zorrotz bat da eta ikuspegi dotorea duena edozein aldeetatik begiratuta ere, Vértice de Anayet berriz igoera xamurragoa du eta bietan handiena da.

Udako egun eder bat dugu, zerua erabat garbi azaldu zaigu eta ibilaldi bat egiteko asmotan atera gara Anayet mendietara. Oso berezia da zer nolako nahasketa sortzen duten zelai berdeek, lur gorri eta harkaitz zuriek, betidanik arreta deitu didate eta bereganatu. Autoa Corral de las Mulas aparkalekuan utzi behar izan dugu (1625 m.), Portalet baina 3 km. lehenago, udaran Anayeteko ski estazioko aparkalekura igotzea galarazita bai dago eta errepidea barrera batez itxia. Errepidez egin behar dugun lehenbiziko zatia ez da batere atsegina egiten, aldiz gehiago beherantz itzulian gatozenez eguzkiak gogor estutzen bai du leku honetan.

Anayet Ski estazioko erremonteak (1745 m.) 0h. Desnibel handirik gabe gorantz abiatu gara Anayet lakuetatik datorren uharra parez pare eramanez, GR11 arrasto zuri gorriak jarraituz, Culivillas sakanaren ondotik. Zailtasun handiegirik gabe xenda polit batek gorantz eramaten gaitu, uharraren bi aldeetatik igoz, ordeka batera eramaten gaituelarik eta harri bloke handi batzuen atarira utzi, zailtasunik gabe igotzen ditugunak. Azkenik aldapa tente bati aurre egin beharrean gaude ezkerreko aldetik, Anayeteko lakuetara iristeko mendatea zeharkatuz (2230 m.). Altura irabazten goazen heinean Anayet mendia agertzen zaigu, hasieran tontor txikia bakarrik ikusten dugularik, tontor zorrotz eta zirraragarria bere osotasunean azaltzen zaigun arte.

Bere lautada zeharkatu beharrean gaude belarrezko zelai eta bidea erabiliz, Vértice eta Anayet arteko lepora norabidean. Horretarako laku handia gure eskuinera utzi beharko dugu eta zuzen zuzenean lepora jo, bertara iristeko tarte harritsu eta gorriztatutako bat igoz. Bi mendiek zatitzen dituen lepora iritsi gara (2405 m.) 2h.05´eta erabaki beharrean gaude nora igo behar dugu lehen. Azken erabakia Anayet mendira igotzea da lehen eta Vértice de Anayet ondoren.

Gure eskuinera bira dugu eta lehenbiziko harrizko irtengune bat gainditu beste aranetik, metro batzuek jaitsiz. Mendiaren lehen horma parez pare zeharkatzen dugu, mendate txiki batera iristen garelarik ertz gorrian. Horma nagusiaren oinera iritsi gara eta eskuinera gorantz zeharkatuz (I+), helduleku onak eta lagungarria den kate bat ere, koska baten oinetara iritsiz (II-) zailtasun handiegirik gabe igotzea lortzen duguna.

Eskuinera jarraitzen dugu erlaitz etzan batetik eta bukatzen den lekuan, ezkerretara belarrezko korridore estu eta tente bat azaltzen zaigu bide arrastoak dituena, kontuz elurra dagoenean 35/40º pendiza eta oso arriskutsua, eta zailtasun handiegirik gabe (I) Anayet gailurrera eramaten gaitu (2545 m.) 2h.30´. Igoeraz asko gozatu dugu, egun ona, konpainia ezin hobea eta jenderik ez dugu aurkitu, ezin hobe. Ikuskizuna paregabea da, zein gertu ikusten dugun Midi d´Ossau, urrunago Arriel, Balaitous, Frondiellas, Punta Escarra, Pala de Ip, Aspe, Llana de Bozo eta beste hainbat gehiago, Anie eta Hiru Erregeen Mahaia ere urrutian ikusten ditugu.

Denbora bat eta gero berantzako bidea hartu dugu egin dugun bidea deseginez leporaino, bertara zailtasunik gabe iristen garelarik, Euria edo laino izango balitz ziur egon askoz gehiago kostatuko zitzaigula eta arreta berezia jarri beharko genukeen. Ezin jarriko gara pentsakor, eguzkiak berotzen du, laino mehe bakar batzuek ikusten ditugu zeruan eta ez dago zertan kezkatu. Vértice de Anayet zain dugu eta bertara zuzentzen ditugu gure pausoak.

Ezkerrera jarraitzen dugu ertza zuzenean igoz, bertan aurkitu dezakegu arroka tarte batzuek eta zailtasunik gabe igotzen ditugu. Azken irtengune batek Vértice de Anayet gailurrera eramaten gaitu ( 2559 m.) 3h.30, erpin geodesikoa. Izugarrizko bistak ditugu Anayetera, Izas eta Canal Roya aranera ere. Eguerdiko hamabiak dira, zerbait jateko ordu ona, ibilaldia eta gero ondo etorriko zaigu. Bat lasai dagoenean eta buruhasuterik ez duenenan denbora gelditzen dela dirudi, ori da guri gertatu zaiguna eta konturatzerako denbora dezente pasa da. Jaitsiera igo dugun bide berdinetik egiten dugu eta minutu batzuek geroago bi Anayeten lepoan gaude. Jaitsiera jarraitzen dugu eta lakuraino iritsi, urtearen sasoi honetan urik apenas duena. Culivillas sakanetik jaisten goaz, oraingoan jende dezente gurutzatzen dugu gorantz doazenak. Errepideko azken zatia oso pisua egiten zaigu, goizean pentsa dugun bezala, bainan dagoeneko autora iritsi gara, 5h.

 

 

Datu teknikoak

  • Ibilbidea: Anayet Corral de las Mulas-etik
  • Igoera data:12/08/2009
  • Desnibela:820 m.
  • Kokapena:Pirinioak
  • Kategoria : Oinezko igoera
  • Zailtasuna:F+
  • Harri eskaladaren zailtasuna:II-
  • Hasiera puntuan amaitzen da:Bai
  • Iristeko denbora:3h.30´
  • Nola iritsi:Corral de las Mulas aparkalekutik, 5,5 km. Formigal Portalet errepidetik.
  • Igotzeko denbora:5h.
  • Jeisteko denbora:1h.30´
  • Materiala:Makilak.
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.