Casco

Capra Alpina(e)k idatzia.
5394
bisita

Egun batzuek libre ditugun bakoitzean eguraldiaren iragarkia begira pasatzen ditugu aurrekoak egunak eta noski, edozein eguraldi onen arrastorik izan ezkero Pirineora zuzentzen ditugu gure pausoak, bertara joatea bai da gure gorputzarentzako antidotorik hoberena. Dena prest dugu eta irteteko orduaren zain gaude. Bagoaz Pirineotako lekurik ederrenetako batetara, beti ere gure partzialtasunaren adibide. Gaua pasa dugu eta goizean goiz jaiki ere eta leihotik begiratzea da egiten dugun lehen gauza. Zerua garbi azaltzen da eta oso animaturik gaude. 

Dena prest dugunean Col de Tentes mendatera zuzentzen gara, Gavarnie-Gedre ski estaziotik pasatuz eta bertan aparkatu. Ez gara mendira joateko ideia izan dugun bakarrak, dagoeneko aparkalekua autoz beteta dago, goiz izan arren. Autotik atera bezain laster haizeak gogor astintzen digu, goiza oso hotza da eta ezinbestean ekarri dugun arropak jantzi eta denborarik galdu gabe ibiltzen hasten gara. Gure gaurko asmoa Casco gailurra zapaltzea da, oso altuera handikoa ez da, ez eta jende asko joaten dena, baina beti izan da guretzako oso dibertigarria eta aproposa igotzeko.

Hasieran errepidez goaz, gure ezkerretara ateratzen den bidexka polit bat artzen dugun arte eta Taillon mendiaren iparraldeko aurpegiaren azpira eramaten gaituena. Gabietoko glaziarretik erortzen den uhar indartsu bat zeharkatzen dugu eta Taillon hormaren parez pare jarraitzen bere glaziarretik erortzen den uharra bilatu bitarte. Aldapa tente bat igo beharrean gaude zeharkatu ahal izateko, kontu handiz ibili beharreko lekua da ura izoztua dagoenez eta gure oinetakoak irrista egiten dutenez. Behin zeharkatuta sigi-saga batzuek tarteko Serradets lepora iristen gara, bertatik Brecha de Roland aterpetxea ikusten dugularik, eta hamar minutu geroago bertara iristen gara. Aterpetxean arnasten den mendigoizale sena izugarria da eta dagoen ingurua harrigarria.

Estu artzen digun aldapa tente bat igoz, Brecha glaziarrean uzten gaitu eta zailtasunik gabe zeharkatzen dugu, aurretik doazenak utzi diguten arrasto garbi batetik. Brecha ospetsu eta zirraragarriaren azpialdean gaude, Ordesa eta Gavarnieko aranen arteko ate naturalean, eta zailtasun handiegirik gabe igotzen duguna. Bertatik dugun Casco mendiaren ikuspegia itsasontzi baten itxurakoa da, oso harrigarria benetan.

Beranzko norabidean goaz Casco-ren horma zeharkatuz, igo ezina bai da alderdi honetatik eta eguneko zatirik dibertigarrienera eramaten gaitu, hain zuzen kateak erabiliz zeharkatu behar dugun ertz batetara. Aurreneko begiradan zirrara egiten du eskuinean duen amildegiak baina ez du inongo zailtasun teknikorik.

Gorantz jarraitzen dugu Casco lepora iritsi bitarte, 180º itzulia eman eta gero. Hemendik ezin dugu gailurra ikusi, baina gutxi gora behera sumatzen dugu non egon daitekeen eta gure pausoak aruntz zuzentzen ditugu. Pilatua dagoen elurra asko denez zaila egiten zaigu gorantz joatea, aurrekoak egin duten arrastoa segitzen badugu ere.

 

Gutxika bada ere azken ertza harrapatzen ari gara eta aldapa tente bat gaindituz, azkenik gailurra ikusten dugu. Jende asko dagoenez txandaka egin behar dugu aurrera. Azken harresia igotzeko eskuak erabili beharrean gaude baina zailtasun handiegirik ez du. Oso atsegina egiten zaigu, batez ere jakinik gure helburua gertu dagoela. Casco gailurrera iritsi gara (3005 m.) eta besarkatuz ospatzen dugu, 5h.15´.

 

Bertatik ikusten duguna ikusgarria da bai Gavarnie zirkora eta Ordesako aranera. Eguna eguzkitsua da eta zailtasunik gabe ikusi ditzakegu Gavarnie zirkoko mendiak, hiru Sororeak Monte Perdido bereizten delarik. Baita ere Vignemale ikusten dugu bere glaziar ikusgarriarekin, Troumouse zirkoa ere Muniarekin eta Nouvielle arana Pic Long eta Campbielekin.

Denbora aurrera doa, jan eta edan dugu eta beranzko bideari ekitea erabaki dugu. Kontu handiz jaisten dugu harresia eta dagoeneko elurretan aurrera errez egiten dugu, ez bai da berdina igotzea edo jaistea. Berriz ere kateetatik pasa gara eta Brechara igo. Azken begirada bat bota diogu Ordesa aranari eta Brecha glaziarrerantz jaitsiz jarraitzen dugu azken aldapa handi batek Brechako aterpetxera eramaten gaituelarik. Nirekin doazenak lotsarik gabe elurretan eseri eta berantz doaz maldan behera irribarre eta algara artean. Galtza guziak bustita iritsi dira baina ori dirudi gutxienekoa, umeak bailiran gozatu dute.

 

Serradets lepora jarraitzen dugu eta Taillon glaziarreko uharrera jarraian. Berriz ere zeharkatu beharrean gaude eta orain ere tentu handiz egin erortzerik ez dugu nahi eta izotzaren erruz. Behin zeharkatu ondoren, bidea oso erosoa da, autora iristeko oraindik ibilaldi luze bat geratzen ba zaigu ere.

Oso ondo pasa dugu eta asko dibertitu gara, hemendik ibiltzeko aukera izatea, bera bakarrik, guretzako sari bat da eta asko eskertzen duguna. Hasieran esan dudan bezala, ez da oso mendi garaia, ez du ospe handirik eta jendea ez da bertara asko joaten, dena den edozeini gomendatuko nioke bertara joan zedin eta gozatu bat artu.


 

 

Datu teknikoak

  • Ibilbidea: Casco Col de Tentesetik neguan
  • Igoera data:02/11/2007
  • Desnibela:735 m.
  • Kokapena:Pirinioak
  • Kategoria : Kranpoiak
  • Zailtasuna:F+
  • Harri eskaladaren zailtasuna:I+
  • Iristeko denbora:5h.15´
  • Nola iritsi:Tentes lepotik (2270 m.)11 km. Gavarnietik datorren D921 bidea jarraituz.
  • Igotzeko denbora:8h.15´
  • Jeisteko denbora:3h.
  • Ezaugarriak:Elur eta glaziar ibilbidea.
  • Materiala:Kranpoiak, pioleta eta makilak.
  • Garaia: Negua, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Marboreko zilindroa Gavarnie zirkuko zeharkaldi borobila
  • Igoera data:02/11/2007
  • Kokapena:Pirinioak
  • Kategoriak : Oinezko igoera, Trabesia
  • Zailtasuna:PD+
  • Iristeko denbora:5h.15´
  • Nola iritsi:Gédre-tik (43 km. Lourdes) errepidea jarraituz Gavarnie-raino.
  • Igotzeko denbora:8h.15´
  • Jeisteko denbora:3h.
  • Ezaugarriak:4 eguneko ibilbide borobila.
  • Materiala:Soka eta makilak.
  • Egoera:Mendi garaieko ibilbidea. Materialak erabiltzeko teknika (soka). Fisikoki ondo prestatua egon behar da.
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.