Taillon

Capra Alpina(e)k idatzia.
3244
bisita

SAN NICOLAS DE BUJARUELO (1338 m.) 0h. Ara errekaren gainean dagoen harrizko zubia pasatu ondoren, bidea baso trinko batetik doa, tentsio poste batetara iritsi arte (1600 m.) 35´. Eskuinetik (E) zelai belartsua igoko dugu baina harrikari batera heltzean, ezkerrerantz zeharkatuko dugu (ENE), Plana Lacoma bailarara iritsiz (2000 m.) 1h.30´.

 

Bidea eskuinetik igotzen da, ibon de Lapazosa-tik datorren uharra zeharkatzen du eta ezkerreko mendi-hegaletik igoz hasten da, eskuinetik amaituz. Azken honen malda gogorretik igoz, Puerto de Bujaruelo edo Boucharo-ra eramango gaitu (2270 m.) 2h.20´.

Bidegurutze bat da Puerto de Bujaruelo edo Boucharo, bai San Nicolas de Bujaruelo-tik edo Gavarnie-tik datozen bideentzako. Bertan kartel batek Serradets edo Brecha-ko aterpetxerako bidea erakusten digu.

Bertatik jarraituz segituan aurreneko aldaparekin aurkituko gara (E), ordeka batera eramango gaituena eta Taillon-eko ipar isurialdeko horma zaharraren azpitik igarotzen dena. Aurrerago Gabieto glaziarretik datorren errekatxuloa zeharkatuz, Serradets (2739 m.) mendiaren norabidea hartuko dugu. Behin gertu gaudelarik, bideak eskuinera jarraitzen du (SE), sigi-saga ugari eginez, Taillon-eko morrenara iritsiz.

Errekatxuloa gurutzatu beharra dugu, batzuetan ez da erraza izaten (kate bat dago jarrita) eta aldapa tente batean sigi-saga batzuek eginez, bideak altuera irabazten du segituan, Serradets lepora iristeko.Hau izen berdineko mendiaren azpian dago eta bere ertza eskalatzeko abia puntua ere (2589 m.) 3h.30 ´.

Hemendik Serradets-edo Brecha-ko aterpetxea ikusiko dugu eta bere bila goaz inongo zailtasunik gabe (2587 m.). CAF 57 ohe eta maiatzetik irailera irekita. Tel 62924041 3h.4

Bere kokalekua Gavarnie-ko zirkuko isurialdea da eta bertatik ikus ditzakegun paisaiak harrigarriak dira. Zirkuko mendi tontor guztiak Astazou, Marbore eta bere ur-jauzia, Torre, Casco, Bazillac eta ikusgarria den Brecha de Roland, mendiarte urdin eta garbia, Casco eta Bazillac-en hormen artean irekia. Igotzen goaz (SSO) hasieran elurrezko tarte txiki batetik, gehienetan ala egoten delarik, eta ondoren harrizko bidexka tente batetik,

bi sigi-saga ondoren, Brecha-ko glaziarrean utziko gaitu.

eta gurutzatuz inongo zailtasunik gabe Brecha de Roland-era eramango gaituena (2805 m.) 4h.Gehienetan haizeak gogor astintzen du pasabidea eta bertatik ikusten dena ikusgarria bada ere, hoztu aurretik jarraitzea erabakitzen dugu bustiak bai gaude. Eskubiko bidea jarraitzen dugu(O), ezkerrekoa Torre-ra bai doa eta arrokartean goaz aragoiko isurialdetik, Bazillac mendiaren paretaren azpitik, bertatik jeneralki ur tanta ugari erortzen da malkoak bailiran. Behin zeharkatutakoan Falsa Brecha  edo Collado del Dedo-ra igotzen gara (2910 m.) 4h.20´.

Iparraldetik jarraituko dugu (neguan hegoaldetik zeharkatu behar da arrisku gutxiago duelako) eta norabidea (ESE) hartuz, bidexka on batetik zailtasunik gabe Taillon gailurrera iritsiko gara (3144 m.) 5h.

Edozein aldetara begiratuta ere ikuskizuna paregabea da Torre, Casco, Cilindro de Marbore, Monte Perdido, Añisclo, Punta de las Olas, ikusgarria den Vignemal, Infiernos, Gran Facha, Balaitus, Frondiellas, Garmo Negro eta urrunean Midi d´Ossau.

Itzulera igo garan bide berdinetik egingo dugu.

Datu teknikoak

  • Ibilbidea: Taillon Col de Tentes eta Errolan Bretxatik
  • Desnibela:1.840 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:5h. (2:40h. Coll de Boucharo o Bujaruelotik)
  • Nola iritsi:Espainiatik: 3 km. errepidez + 6 km. pistaz Torlatik (Huesca) San Nicolas de Bujaruelora iristen da (1338 m.). Frantziatik: 11 km. errepidez Gavarnietik D921 Coll. de Tentes (2270 m.)
  • Igotzeko denbora:8h.
  • Jeisteko denbora:3h.
  • Ezaugarriak:Taillon edozein alderditik igotzeko ez du zailtasunik, iparraldeko aurpegitik izan ezik. Ordesako aran barrutik ezin daiteke ikusi. Bisitari asko izaten ditu. Dirudienez lehenengo igoera Vicente de Heredia kapitainak egin zuen 1792 urtean.
  • Materiala:Ez da beharrezkoa. Elurra dagoenean pioleta eta granpoiak beharrezkoak.
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.