Mont Blanc itzulia - Bigarren etapa

Capra Alpina(e)k idatzia.
20425
bisita

Bigarren etapa.

Les Contamines-Refugio de Mottets.

Gabean fresko egin du eta ihintzak dena bustia dauka, ezin bestean denda jaso beharrean aurkitzen gara blai eginda egonda ere, ez baitugu eguzkiaren zain egoterik. Gosaldu dugu eta berriz ere gure bideari ekiten diogu. Erreka bazterretik goaz zuhaitz artean eta oso pista erosotik, Nôtre Dame de la Gorge eliza barrokotik pasaz. Hemendik jende asko ibiltzen dela nabaria da, oso zapaldua dago bidea eta gainera, bai aurretik eta bai atzetik ere jende dezente daramagu. Ur jauzi baten gainetik ere pasa eta bat batean basotik atera eta aran berde eta zabal bat agertu zaigu begien aurrean, ezker eskuinetik eta aurretik ere mendiez inguratua, Nant Borrant txaletera iritsi gara (1459 m.). Bertan dagoen egurrezko iturri baten inguruan atseden artzen dugu eta paisaiaz gozatu.

Mendiez inguraturik gaudenez ezin bestekoa izango zaigu goranzko bidea saihestea eta beste aukerarik ez dugunez aurrera goaz. Balme txaletetik (1703 m.) pasatzean emakume ez ezagun batek, gozokiak eskaini dizkigu. Aurreko eguneko nekea nabaria da, motxilak ere gehiago pisatzen digute eta eguzkia ere bereak eta bi egiten hari da. Balmeko mendatea bila goaz, taldea nahiko zatitua doa baina denak ere norabidea argi eta garbi dugu. Bat batean harri multzo handi bat ikusten dugu bide bazterrean eta kartel bat Plan des Dames (2040 m.). Itxuraz elezaharrak dionez emakume aberats bat eta bere neskamea omen daude lurperatuta, Italiatik itzultzean bertan hilik aurkitu zituztelarik, ohitura zaharrak dionez bertatik pasatzean harri bat bota behar omen da lekura, eta guk nola ez bota dugu.

Elurra zapaldu behar izan dugu Bonhomme mendatera igo ahal izateko (2329 m.), haizea indartsu dabil baina aurrera jarraitu aurretik indarrak berreskuratzeko erabakia hartua dugu. Fruitu lehorrak, gazta, sardinak, denak ere ezin hobeto sartu zaizkigu, babesean egonagatik fresko dago eta hozten hasi gara eta ibilbidea jarraitzea dugu aproposena. Croix de Bnhomme mendatera iritsi gara (2433 m.) eta bertatik Italiako lurrak ikusten ditugu dagoeneko. Oraindik ere gorantz jarraitu beharra dugu Col des Fours (2665 m.) gaina harrapatu arte. Itzuli guztiko puntu garaiena da Fenêtre d´Arpette-kin batera. Ikuskizuna hemen goitik izugarria da, Tré la Tête Orratza eta Glaziarren Orratza parez pare ditugu erabat elurtuta eta behean Glaziarren arana dago.

Aldapa malkartsuan behera goaz bigarren etaparen bukaera bila. A zer nolako jaitsiera, ordu eta erdi geroago Turf etxeetara iristen gara, ez da inor bizi bertan. Mendi bidea utzi eta lur pista bat jarraitzen goaz bukaezinak diruditen bira batzuetatik. Pistaren bukaera Ville des Glaciers (1789 m.) baserrietan dago, bere etsaiek esaten duten bezala, ez da herri ez eta glaziarrik du.  

Gorantz aurrera segitzen dugu ibaia zeharkatu ondoren eta denbora gutxi barru Mottets (1870 m.) aterpetxera iritsi gara atseden hartzeko asmotan. Ukuiluak berriztatuta ditu eta ohe dotore eta eroso batzuek ditu jendeak gaua pasa dezan. Eguraldi ona dagoenez denda bustia motxilatik atera eta lehortzen jarri dut. Errekara jaitsi eta ur hotzetan sartu dira, nik baina moral handiagoa dute. Arropak ere garbitzeko denbora badugu eta lehortzen jarri ere eta afal aurretik, garagardoaz lagundurik hurrengo eguneko etaparen nondik norakoak berrikusi ditugu mapa eta liburuxkan. 

Afaria aterpetxearen sarreran egiten dugu, dagoeneko tenperatura asko jaitsi da ez alperrik Alpeetan gaude eta gainera altura honetan. Afal ostean barrura sartu gara, dagoeneko bertakoak afaltzetik bukatu dute eta kanpoan egoterik ez dago eta, a zer goxo egoten den hemen barruan. Dena den ez dugu asko irauten nekeak eta logurak harrapatu gaitu eta ezinbestekoa dugu ohera joatea. 

Beste etapak:

Tour del Mont Blanc - Etapa 1

Tour del Mont Blanc - Etapa 3

Tour del Mont Blanc - Etapa 4

Tour del Mont Blanc - Etapa 5

Tour del Mont Blanc - Etapa 6

Tour del Mont Blanc - Etapa 7

Iruzkinak

0
#3 http://kino2018.club/ - MatthewWhary 2019-09-03 12:22:33
Хорошего дня, Хотел бы порекомендовать вам сайт для просмотра мульфильмов для самых миленьких детишек, смотреть мультики 2019 года новинки http://kino2018.club/multfilmy/ отличное время припровождения это посмотреть любимый киноленту. Смотрите бесплатно лучшие новинки.
0
#2 {Красивые|Надежные|Современные} [url=http://marshag.ru]ограждения[/url] по вышим размерам. - Dames wak 2019-08-30 12:14:11
Где присмотреть для себя шикарные лестница в вашу квартиру
0
#1 musicmy.top - EdmondNUh 2019-08-11 01:11:03
Привет, можно здесь хиты 2019 года Скачать музыку

Ibilbide nagusia

Datu teknikoak

  • Ibilbidea: Mont Blanc itzulia - Bigarren etapa
  • Igoera data:12/08/2012
  • Luzera:19 m.
  • Desnibela:1.700 m.
  • Kokapena:Alpeak
  • Kategoriak : Oinezko igoera, Trabesia
  • Zailtasuna:PD
  • Nola iritsi:Les Contamines-Montjoie (1167 m.).
  • Igotzeko denbora:6h.30´
  • Materiala:Bibak egiteko beharrezkoak.
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.