Mont Blanc itzulia - Lehen etapa

Capra Alpina(e)k idatzia.
4095
bisita

Alpetara joatea pentsa genuen momentutik, zehazki Chamonix aranera, betiere erakarri zigun Mont Blanc itzulia egiteak (TMB). Jakin bagenekien luzea, gogorra  eta oso neketsua izango zela, baina beti pentsa izan dugu saria askoz ere betegarriagoa izango zela. Egia esan inori ez dio hutsik egin eta denak ere, bere osotasunean disfrutatu dugu. Beste era ezberdin bat da leku hau ezagutu ahal izateko, haundioso eta ikusgarria benetan. Pribilegio bat izan da bere zelai berde, aran, mendate eta herri politetatik ibili ahal izatea. Mendia gustukoa baduzu gomendatuko nizuke egitea eta guk bizi izan dugun esperientzia zuk ere, gure intentsitate berdinekin bizi ahal izatea.

Lehen etapa. 
Les Houches-Les Contamines

Les Houches herrira iritsi gara eta teleaulkiko aparkalekuan autoak utzi (980 m.), motxilak lepo ditugu eta oraindik ere zer gordea badugu. Nola edo ala gordetzea lortu dugu eta bero egonagatik goranzko bideari ekiten diogu errepidez lehenbizi eta lur pista batetik ondoren, neguan eski pistak direnetatik zehar. Erritmoa hartzea kostatzen zaigu eta Col de Voza (1635 m.) iristean atsedena merezia dugu. Zer begiratu badugu ikuskizuna aparta baita Gouter ertza eta Bionnassay glaziarra gertu baititugu.

Baso eder batetik jarraitzen dugu Bionnassay glaziarra bila. Iritsi gara eta zeharkatu ahal izateko zubi bat erabiltzen dugu, Himalaian daudenen antzekoa. Col de Tricot norabidean goaz aldapa tente bat igoz, jende ugari dabil eta ez da harritzekoa. Kostata baina iritsi gara (2120 m.) a zer lasaitua, berriz ere atseden unea eta zerbait jateko ordua ere. Belarretan etzan gara, eguzkiak goxatzen digu eta lokartzeko zorian gaude, baina jarraitzea dela hoberena erabaki dugu. Gainetik begiratzen dugu jaitsi behar dugun aldapa eta zirrara egin digu hain tentea dela ikusiz, 561 m. dira zuzenean jaitsi behar ditugunak suge bat dirudien bidexka batetik.

Miageko txaletetara iritsi gara, leku aparta eta oso polita, glaziarra parez pare dugu, zelai berdeak non nahi eta bertan dauden etxeak postaletan azaltzen direnak dirudite. Aurrera jarraituz beste aldapa bat igotzen hasten gara eta kostata bada ere, Truc mendatera eramaten gaitu, bertan izen berdineko txalet bat dago mahai batzuek kanpoan dituelarik, leku polita indarrak berreskuratu eta freskagarri bat edateko ere, bertatik dagoen ikuskizuna edozein aho zabalik uzteko modukoa da. 

Aldapa luze eta tente batek gutxika gutxika Les Contamines herrira eramaten gaitu, hankak nekatu zaizkigu eta oso justu iritsi gara indarrez. Gure lehenbiziko etaparen bukaera da baina kanpina oraindik ere kilometro batzuk aurrerago dagoela esan digute galdetzean eta egia esan, ez digu inongo graziarik egin hori entzuteak. Beste aukerarik gabe, motxilak berriz ere bizkarreratu eta or goaz errepidean aurrera. Ez gara guk nahi bezain azkar iritsi baina behin bertan denda zabaldu dugu eta merezitako dutxa on bat hartu ere, falta zaigun bakarra afari eder bat da eta bai egin ere.

Beste etapak:

Tour del Mont Blanc - Etapa 2

Tour del Mont Blanc - Etapa 3

Tour del Mont Blanc - Etapa 4

Tour del Mont Blanc - Etapa 5

Tour del Mont Blanc - Etapa 6

Tour del Mont Blanc - Etapa 7 

Ibilbide nagusia

Datu teknikoak

  • Ibilbidea: Mont Blanc itzulia - Lehen etapa
  • Igoera data:11/08/2012
  • Luzera:20 m.
  • Desnibela:1.600 m.
  • Kokapena:Alpeak
  • Kategoriak : Oinezko igoera, Trabesia
  • Zailtasuna:PD
  • Nola iritsi:Les Houches 9 km Chamonix-tik
  • Igotzeko denbora:8h.30´
  • Materiala:Bibak egiteko behar diren elementu guziak: denda, zakua, esterila, sua, janaria...
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.