Azkoitia - Azpeitia erdi maratoia

Capra Alpina(e)k idatzia.
2119
bisita

Azken urteetan egiten den legez aurten ere Azpeitia eta Azkoitia artean korritu da erdi maratoia Diego Garcia handiaren omenez. Niretzako inoiz parte hartu gabeko lasterketa bat zen eta horretaz gain beste helburu bat ere banuen. Orain gutxi korrika hasi berria den Iban lagunari laguntzea lasterketan zehar, bere asmoa bi ordutik jaistea bai zen.

Martxoaren 23 da eta goiz bazkaldu beharrean gaude arratsaldeko 4:30-tan hasten bai da lasterketa. Azkoitira gerturatu gara eta dagokigun dortsala hartu dugu irteera inguruan. Jende asko dago eta lasterka egiteko bero egiten ba du ere, arratsalde bikaina dago. Autoa Loiolako baseliza inguruan utzi beharra izan dugu berriz ere irteera ingurura oinez itzuli behar dugularik.

Ona eta ara dabil jendea, batzuek atera aurretik neke aurpegia dute jada. Gu lasai gaude oraindik korrika saioren bat egiten badugu ere. Lasterketa motxekoak atera dira, denera 7,5 km., eta ondoren gure txanda dator. Gure estrategia ezinbestean lasai ateratzea da eta indarren arabera erritmoa handitzen joatea. Taldearen atzealdean jarri gara eta bat batean irteera eman dute. Elkarri animoak eman eta or goaz Azkoitiko kaleetan zehar Zumarragara norabidean. Lehenbiziko kilometroak kosta egiten dira gorputza lasterketara ohitu arte. Lehen itzuli txikia bukatu dugu eta berriz ere irteera lekutik pasa ere, Iban kilometro bat egiten dugun bakoitzeko ordularia begiratzen du, esan diot ez dezala obsesionatu denborekin eta gorputzeko sentsazioekin korri egin dezala.

10 km. egin ditugu eta 54:29 minutu erabili orretarako. Aurrez pentsa bezala goaz baina Ibanek txakal-aldi bat izan eta bareak harrapatu du. Erritmoa jaitsi dugu errekuperatu dezan eta kilometro pare bat eta gero, berriz ere hasierako erritmora itzuli gara. Txerloia futbol zelaia zeharkatu dugu eta Azpeitira norabidean goaz dagoeneko, gure aurretik jende asko doa baina atzetik ere dezente datoz. Kilometroak aurrera doazen heinean jendearen indarrak beherantz datoz eta gu baina bizkorrago hasi badira ere, harrapatu eta pasatzen ditugu zailtasun handiegirik gabe. Helmugatik lehenengo aldiz pasa gara eta gu aurrera goazen bezala, beste batzuek ikusten ditugu lasterketa bukatzen, batzuek ez dute aurpegi onik dagoeneko hobenak emanda daude.

Azpeitiko kaleetan gabiltza jendearen animoen artean, egia esan asko eskertzen dira. Loiolako baseliza ingurura iritsi gara eta dagoeneko ez zaigu askorik falta. Iban dagoeneko azkeneko indarrak agortzen ari da eta ez du aurpegi onik, dena den ez du etsitzen eta aurrera doa. 20 km. egin ditugu dagoeneko eta 1:48:26 ordu erabili orretarako, kilometro bakar bat gelditzen zaigu eta gure helburua lortzeko modu egokian gara, ezin bestean hortzak estutu beharrean gaude azken momentuan ezin dugu hutsik egin. Iritsi gara azken luzera, bertan dago helmuga eta azken ahalegin bat eta pasa dugu arrastoa. Iban jota iritsi da eta ez du ezertxo ere gorde, eskerrak ez zaizkigun metro batzuek gehiago falta bestela … Helmugako denbora 1:54:34 izan da, helburua lortu dugu kostata izan bada ere.

Lasterketa polita izan da eta oso ondo antolatua. Jendea ere erruz zegoen kale bazterretan eta beraien animo eta berotasunak izugarri lagundu digute. Hau ere egin dugu, orain entrenatzen jarraitu beharra dago hurrengo erronkari aurre egin ahal izateko. 

Datu teknikoak

  • Ibilbidea: Azkoitia - Azpeitia maratoi erdia
  • Igoera data:23/03/2013
  • Luzera:21.000 m.
  • Kokapena:Euskal Herria
  • Kategoria : Traila
  • Leihaketa:Bai
  • Gehieneko denbora:2h 30m.
  • Webgunea:http://www.azkoitia-azpeitia.com/
  • Nola iritsi:Urretxutik Azkoitiara GI-631 errepidetik.
  • Igotzeko denbora:1h.54´
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.