Bielsako tunelean izotz eskalada

Capra Alpina(e)k idatzia.
4141
bisita

Hotz asko egiten zuen asteburu bat aprobetxatzen, Pinetako aterpetxera hurbildu ginen. Hemendik Frantziara eramaten duen Bielsako tunela nahiko gertu genuen. Hemen aurkitzen da La Dorada delako izotz urjauzi ospetsua. Ezin izan genuen igo jendea baitzebilen bertan. Gorago jarraitzea erabaki genuen bi urjauzi txikiago eta errazagotan praktikatzeko.

Lehen urjauziak 25 metro eta 50-70º-ko inklinazioa zuen. Bi bide ezberdin ireki genituen, geldi geudenok ez hotzak geratzeko. Inguru hau oso hotz da, noski, eta beti egon behar du gutako edozeinek geldi besteak eskalatzen duen bitartean; beraz, ondo estaltzeko arropa nahikoa eramatea gomendatzen dut.

Bigarren urjauzia honen ezkerretan dago. 15 metro eta 70-90º-ko inklinazioa du. Kanal estu baten barruan dagoenez, bide bakarra ireki ahal izan genuen aldiko. Gainea, oinarria hain estua zenez, aseguratzen zegoena bakarrik zegoela bertan. Hainbatetan igo eta jetsi ondoren, amaitutzat eman genuen jardunaldia.

Esperientzia polita izan zen kranpoiekin eta pioletekin ibiltzeko trebetasuna hartzeko. Goiz hotz ona pasa genuen lagun artean.

Amaitzeko, La Dorada-ko argazki batekin uzten zaituztet:

Datu teknikoak

  • Ibilbidea: Bielsako tunela
  • Luzera:25 m.
  • Kokapena:Pirinioak
  • Kategoria : Izotz eskalada
  • Zailtasuna:AD
  • Izotz eskaladaren zailtasuna:WI3
  • Iristeko denbora:30 min.
  • Nola iritsi:Bielsako tunelean utzi kotxea eta igo tunelaren ezkerreko aldetik.
  • Materiala:Bi piolet, kranpoiak, arnesa, kaskoa, izotzetako iltzeak, zintak eta mosketoiak.
  • Egoera:Hotz asko urjauziak izoztuta egon daitezen.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.